|
Billy Lau Ho-Him's Home Page |
|
Home |
暗湧
自從今年八月起,Accounting Department每個月都有一個人離開. 八月走了個Financial Analyst,她走的時侯,寫了兩版紙去compliant老細. 九月走了個Tax Analyst,他走的時侯,通街同人數老細的不是. 十月走了個Account Payable Staff,走之前同老細吵大鑊,又去HR處投訴. 佢發現老細成日話會轉D散工做長工,但居然HR唔知 lor. (這件事令許多同事非常失望,立心離開,但究竟是否屬實亦不得而知.只是paper work用十八個月都done唔到又似乎唔係好make sense. 佢話升我職,我都係聽住先啦!) 十一月老細又炒0左個Claim Customer Service.
整個Department都彌漫著一片愁雲慘霧,包括老細在內,個個人心惶惶,各懷鬼胎.
老細三番四次跟我訴苦,講述佢的難處, 話佢服事大老細頭頭碰著釘,個個下屬又話佢唔應該"大開殺誡". 少0左幾對手,自然增加工作量,所有人就更加熱血沸騰. 睇睇我老細,佢個樣真的比兩年前我初初識佢果陣"殘"0左好多,都幾慘. 我對上個Manager又同我大嘆無奈,本來可以安寢無憂,而家我同佢要個埋Tax..... 另外個Supervisor又經常同我講佢越來越唔想做,又同我講佢隻馬D態度同工作表現如何差,另外一個Supervisor又如何偷懶..... 老一輩的同事又常常跟我說老細做人處事如何如何; 後生果班則成日同我講要走,仲話走0左又敢鬧的人先至係真英雄云云.
主啊!一日到黑,聽埋聽埋,孩子好辛苦啊! 求你叫我有喜樂,無懼怕,有力量去過這辦工室的日子啦! 「願頌讚歸與我們的主耶穌基督的父 神,就是發慈悲的父,賜各樣安慰的 神.我們在一切患難中,他就安慰我們,叫我們能用 神所賜的安慰去安慰那遭各樣患難的人.」 林後 1: 3-4
1.平安 聽著這些聲浪,令我深感不安. 但其實,我可能是全個Department之中最安全的一個. 記得Claim Customer Service個女仔比人炒果陣,佢話: 「之前成日想走,但係原來到你真係比人炒果一刻,係咁唔好受.」 我問:「你以後打算點?」 佢話:「番祖家半年,找工作lor,但係我諗我唔會再做Accounting.」 當時我都唔知可以講什么安慰/鼓勵的說話.反而佢同我講: 「唔好咁唔開心喎!我唔適會做Accounting,但係你唔同,你好好丫,何況老細咁賞識你,佢唔會炒你.......」
我忽然之間記起神在我初入呢間公司時講過的一番話: 「你唔需要保護自己,亦唔需要替自己伸冤,凡祝福你的,我必祝福;咒詛你的,我必咒詛.你若隨眾人一味求自保,我必使你的心喪膽驚惶.我領你平平安安地進來,也必領你平平安安地離去,你只管跟隨我.」
2.順服 12月6日,同幾個較年輕的同事去了一間泰國餐廳食午飯. 我叫0左個磨菇雞飯. 食飯期間,他們大數老細同D Supervisor的不是,講到咁上下,其中一個同事話: 「我聽到老細由朝到晚都叫住你個名(一時時啦!),我都覺得好煩,你點頂?」 又有一個同事接口話: 「係lor, 你點解可以同佢相處到?我真係覺得佢好難頂....」
我唔係扮清高,亦唔係木頭公仔. 我之所以能夠接受一個酷愛雞蛋挑骨頭,嚕嚕囌囌的人不過是因為她是我上司,是神安在我以上的一位.或者連她自己也不知道,有時侯神使用她對我說話. 雖然她命令/勸勉背後的那些理由好多時侯都係不近人情又未必準確,連不會基於真理!但有趣是:神要我做的事和她的要求居然是一致的.
舉列說: 從前有個claim department女仔經常來找我.有一次個女仔冇同佢打招呼,佢就去投訴比人家老細聽,以後都唔比佢過來,又訓話了我幾天,說果個女仔唔好,話我會比人呃,我唔應該鐘意佢云云. 我為這事求問神,神卻指示我說這正是祂的心意,叫我聽從她.
原來神把我們放在父母,上司,政府的權下,叫凡順服的人得著權柄,去行出神的旨意. 他們未必敬畏神,但卻為神所用.我們全心作屬靈人的要在他們口中/身上明白神的作為.
3.安慰 一晚,孩子思想到整個Department的人,與及同事同同事間的新仇舊恨,不禁唱起鄭少秋的首本名曲<<倚天屠龍記>>:
呢一刻我突然覺得自己好似<<倚天屠龍記>>中的男主角 - 張無忌 身處於六大派(雇員)同魔教(雇主)之間,又好似夾在神同世人(包括埋家人,弟兄姊妹等等)中間咁. 雖然我唔覺得「忘情棄愛」就是真英雄,但我同意「愛恨纏心中」是極不好受的. 一個進退兩難的處境,一種百感交集的心情. 上一輩的信徒愛講自我否定 - self denial,這個講法容易產生confusion.< 不如話:「感覺要承認,真理要確定」. 否定感受,與不肯認罪無異,這是和尚禁慾的把戲. 人只要確定真理,持守真理就可以了. 就如耶穌禁食四十晝夜,他沒有把石頭變成麵包,同時沒有否定自己的實肚餓,只說: 「人活著不是單靠食物,乃是靠神口裡所出的一切話.」 這才是真正的self denial. 事實上,曠野有蝗蟲野蜜,也不必石頭變麵包.
同樣,我唔係要逼自己去認同一個可惡的人. 找十件佢值得別人欣賞的事,去否定佢可憎的另一面. 我要向神傾吐我的苦情,要從神裡面得著安慰. 憑著這份安慰,我才不致於否定真理,從而敢於面對和接納身邊不可愛的人與事.
張無忌是個憂柔寡斷的人,在家庭,事業和感情路上都顯得拖泥帶水,但卻憑著一顆單純和愛人的心,與及一份驚世藝業,化解了各門各派彼此間的仇恨. 那么,一個人如果依靠神,持守神的話語,神必定會安慰,以致他能安慰在憂患當中的人.
4.愛心 每當我唱秋官的<<倚天屠龍記>>,就會同一時間想起一首詩歌. 幻想自己一身古裝打扮,右手提劍,左手拿著聖經. 縱身而起,揮劍在空中連挽了六七個平花,然後輕飄飄落在地上,身邊所有敵人應聲倒地,大半天也爬不起來. 就在這時侯,聽到一陣清朗的嘯聲:
當我們遇到同事之間的衝突時,我們可以目空一切的話: "I am here for work"; "I just want to get the job done." 跟住行人,「話知你死,我有我自由,唔洗理其他人感受.」 我們可以知道許多相處的技巧,但卻由於要戴面具去保護自己以致相害他人. 如果神看顧敬畏衪的人,有誰可以敵擋他們呢? 為什么要隱藏呢?何必怕受傷害呢? 如果神是愛,衪可以愛敵擋衪的人,甚至犧牲自己的兒子,那么,那些傷害過我們但仍然在我們身邊的人又是否不能愛呢?
究竟有什么恩怨情仇能導致一個基督徒大膽地宣告: 「我淨係來打工,攪惦就鬆人.」 我可以用什么話去指出這等人的問題呢? 「他們輕輕忽忽地醫治我百姓的損傷說:‘平安了!平安了!’其實沒有平安!」(耶 6:14)
原來心靈創傷要用愛去醫治,亦只有扙出眼中的樑木才可以替別人扙出刺. <<愛的呼喚>>這首歌勸人到耶穌跟前得著愛,這份愛能使我們突破自我保護去愛身邊那些不可愛的人.
主啊!求你憐憫,施恩可憐我們這一班罪人,讓我班同事有機會認識你 - 那唯一能醫治我們內心諸般苦毒的救主. >
結語 無論你今日situation如何,唔好自己一個人撐咁蠢呀! 番去神身邊,那管你呼號時不與我,是數臭你痛恨的人還是為佢呼求憐憫,番去lor. 罪,已經得赦免; 死,主已經復活, 你仲怕乜? 親近神,必能在衪的話語中得到釋放.
|