200212

大約在2000年1月左右,我們開始為下年度CCF potential leaders祈禱.
Yvonne係其中一位有份被提名的姊妹,但她最後卻留在教會團契中事奉.Michelle(前CCF團長)知道之後,好唔開心,話下年好少人肯事奉.
還記得當時的Billy安慰大家說:
「神有衪的旨意,當我們這一代人都走清光,
她是我們今日看得見的弟兄姊妹之中,
最後一個留在CCF.
她會在這裡守望,現在卻不是時侯.
Tommy卻要擔起你同我的職份,
但願那感動你我的靈加倍地感動他.」

神透過CCF呼召每一個Chinese Christian學生去服事佢.

今日,Michelle走了!Billy走了!Tommy也走了!

眼見YCCF人數越來越少,孩子常為York裡面的基督徒難過.

究竟有多少基督徒大學生在「求自己的事，並不求耶穌基督的事.」

有教會事奉,還會記念校園需要,經常參加CCF的弟兄姊妹甚少,Yvonne是其中一個.

假設你讀五科,15 hours上堂15 hours溫書交功課,加上空檔時間,一星期 20%花在學業上面.教會呢?崇拜,主日學,團契,8 hours - 唔夠 5%.

你唔在校園服事主,支持福音事工,始終講唔通.

孩子的心常被Tommy, Yvonne同Lisa等弟兄姊妹激勵,看見他們為神所擺上的,我真盼望我們每一個都能在工作場所/校園中盡忠服事主.

我勸過許多弟兄姊妹返CCF,總是推三推四的.

唔係話個format唔feel comfortable,

唔夾時間,D人好pushing,

就係已經有教會事奉.

倘若神邀請我們赴筵席,

我們又會否推三推四呢?

一日三餐,係咪每餐都可以同神一齊食呢?

同神食飯喎!

邊度食最好呢?

是家常小菜,還是在教會叫外賣,

是辦工室便當,還是在校園食西北風?

時間過得很快,

校園生活的日子,

唔會永遠都停留.

倘若神邀請我們赴筵席,

為何遲遲不去呢?

人間有永約之中保值得你我感激
天下無不散之筵席可曾為此珍惜?

學業要緊

某程度上,我是個非常心散的人,

雖然本auditing lecture note讀0左 4次,算係咁.

但其實可以勤力D,讀得熟D.

好多人以為我讀書好惦,

其實唔係真係咁惦.

唔知點解,要考試,就要溫書,

但係一打開本書就諗呢樣諗果樣,

總之就唔想讀啦!

唔讀果陣時,又會好內疚,又會好想讀喎!

我喜歡在考試時,一邊作答,一路哼歌仔.

今次考試,悠然響起<<上帝聽禱告>>的樂聲.

我同樣習慣一邊聽歌,一邊溫書,

問人借0左隻Twins,聽0左十幾日.

Twins有首歌<<戀愛大過天>>,幾有意思.

我有時亦同自己講:「學業要緊,我(要)小心......」

我唔覺得冇心機溫書,就一定好似林夕咁講,係因為談戀愛.

至少這不是Billy多年來冇心機溫書的原因.

可能唔係因為其他0野,只不過係我0地唔想讀,

係因為唔鐘意果種考試/assignment due的壓力感.

我0地不斷話比自己聽,

D考試D功課好緊要,要心機云云.

「喂!我0地唔係唔知喎!」

但係,我又覺得自己讀到好似隻死魚咁,人唔似人,鬼唔似鬼.

鬼?係鬼,就唔洗咁慘,佢0地英文惦嘛!

我又點算呢?

或者我0地唔應該再求.

不停地求神:「神啊!請給我多點時間.」

不停地求,有時反而顯得我0地心怯同冇信心.

一面求神,但又唔返教會,唔讀聖經.

其實,神定一日有廿四小時,

造我0地個腦,比電腦仲精密.

何不爽脆相信神已經賜比你足夠時間同智慧,感恩!

跟住讀書!讀到幾多得幾多.唔明,繼續讀啦!

唔好玩自閉,唔好走來走去,

唔識一個chapter唔洗死;

但係為0左一個chapter而讀唔到幾個chapters,

令你對全個course的big picture唔清唔楚就死0左一半.

Anyway,

讀書的確係一個好好的緞練.

唔好受!

世界未日

有時會問神,

點解考試仲慘過世界未日?

世界未日,我至少知道個「死」字點寫.

(or 有D人會被提啦!)

考試卻有一份「求生不得,求死不能」的唏噓感:

肥0左,點算?Pass! So what?!
我學到D乜?
呢三個月,又做過乜?
唔想諗啦!又過骨啦!

當我讀書讀到好辛苦,

我喜歡從窗口望出街,

是籃天白雲也好,

是萬家燈火也罷,

令我醒覺到,

原來仲未世界末日.

即使我「肥佬」,

主耶穌依然愛我,

我更加要珍惜可以讀書的時日,

才不致有負父神同父母對我的照顧同期望.

我好佩服鄉下人,

日出而作,日入而息,

見到陽光,就開朗精神.

(講係咁講,讀唔讀係另一回事.)

通常我聽乜0野歌都會嘗試 relate to 聖經.

溫書日子,人也較為枯乾,

某日,起了個念頭

將一首流行曲改一改,

用上了伍樂城先生的曲,

以羅馬書 - 因信稱義為題,寫出下面的詞.

希望能讓大家會心微笑,立志為主而活啦!

我想,那些未曾聽過原裝版的人比我們更有福.

念上帝恩    愛我一生
降世成人嘗盡艱辛
為何衪竟甘心十架犧牲
時常念記衪    赦免我罪惡    領我得釋放
口裡承認    主基督
信    有著復活盼望
　
*來頌讚恩主    主愛大過天
捨身的愛實在奇妙    重燃亮我心_紘
當然    現在我未完全
頌讚恩主    深知主愛大過天
忘記往昔苦與甜    願隨著你奔向前
每一天    來將身心作奉獻
　
服事我主    愛我恩主
光陰一眨眼便跑掉
唯求珍惜今天    奉上今天
全然為了衪   獻上作活祭    聖潔不沾世
更新變改    像基督
察看美善全備主宰
　
Repeat *
　
愛我愛到底千載不變   天地宇宙或會變
耶穌基督的真愛    怎改變也難改變
　
Repeat *
　
(念上帝恩你大概應該) 天空海闊主恩深深載
(念上帝恩你大概應該) 持守主所託迎接主再來
(念上帝恩我大概應該) 應不應要為衪鍛練期待
(念上帝恩我大概應該) 彼此相愛有接納原諒
(念上帝恩你大概應該) 難道老來先感到主愛?

友情補習

經常有人問我:「你鐘意讀書多D?定鐘意做工多D呀?」

坦白講,我真係鐘意讀書多D.

見到身邊有好多朋友,讀書讀得非常乏力,好勤力,

但係成績唔理想,幫到幾多就幫.

我知道讀書果種辛苦,

唔明但係要考果份無奈,

因為我試過太多.

幫人補習,亦真的希望佢0地考得好.

但通常都考得唔好,

係我教得唔好?定還是份卷太深呢?

有時都覺得自己幾失敗.

我讀書的動力,智慧同記性都是來自讀經,

所以從來唔會因為要讀書而唔讀經.

我時時希望透過補習,

勸勸弟兄姊妹多讀徑.

因為「讀死書」冇用,會中「死書"毒"」而讀書死.

禮王記云:「小學在公宮南之左,大學在郊.」

所以大學唔係叫你背千百萬條model answers;

而係教你某套思想模式;

會計有會計的思想模式;

電腦有電腦的思想模式;

讀極都唔識未必因為個人蠢;

(當然蠢可以係一個因素啦!)

其實係進入唔到阿某某提昌果套思想模式.

進入唔到可以有好多原因:

除0左蠢同懶之外,最主要係因為「讀死書」.

當一個人讀書讀到天昏地暗,

到連鬼哭神號都不聞不問的境界,

就會出現腦袋閉塞同臨場失憶兩種症狀.

還期望理解什么?

親近神可以平靜我們的心靈,

refresh 我0地個mind.

思想是會潛而默化的.

以致影響一個人的價值觀以及行事為人.

所以,讀得惦D書都未必係一件好事,

原來Text books裡面係找唔到永生.

所以當年輕人認為大學生係「天之驕子」的同時,

上一輩有人依然覺得佢0地「讀止尿片」.

(唔好意思,俗0左D,但已經文雅0左.)

親近神係可以令我們由「止尿片」變番做天父的兒女,

唔會比所讀的知識沖昏頭腦.

聖經本身亦係一套思想模式.

它介紹了神的思想模式,

以及衪的行事作為.

有人求智慧,

有人求神蹟,

亦有人求application.

一個兒子同爸爸相處,

係為0左從爸爸身上得零用?

是求救?聽訓話?還是為0左做餐死?

當然,這些都重要.

佢今日心情如何?

佢今日做過什么?

佢同過邊D人食過飯?

你又知唔知呢?

與父神相處,

聽天父分享都一樣.