200302

Billy Lau Ho-Him's Home Page
Email address: hohim2000@yahoo.com　

Home

Profile

Resume

情人節 - 如果是一個為愛戀中的男女而設的日子,那么,它仍與我無關.

但想到「每逢佳節倍思神」,如果可以藉不同節日加深對神的認識與愛慕,亦屬美事.

還記得去年因為Year End的緣故,連續五個星期六日都要加班,連情人節亦不例外.

星期四,加班加到九點十點,公司只淨下一個人,第一次嘗到單身人仕所遭受的不平等代遇.

忽然,電話聆聲響起,拿起聽筒,傳來兩把嬌嫩清脆的聲音:

「情人節快樂!!情人節都要加班?!咁慘?哈哈!哈哈!」

在這刻,我終於明白: 當日,天使報佳音的時侯,牧羊人的心情......

在雨中

今年情人節,本來亦應該平平無奇.

但人生往往是難以預料的 - 再有位同事辭職.

消息來得太突然了,也不知說些什么.

或者,這是他送給女友的情人節禮物吧!

目送著他的背影緩緩遠去,沈重的腳步,離別的剎那,心內悠然湧起一份感慨:

風蕭蕭兮易水寒

壯士一去兮不復還

從前,荊軻刺秦王,最後圖窮匕現,事敗身亡.

今日,又有一位同事狀告老細「荒淫無道」,甘願捨「薪」待「業」.

誰離開    誰連戲    誰人必須執行李

來年各有各遠足    幾百萬里

                                                            <<最後一塊>>曲奇

有個同事同我講:

「估唔到發生呢D咁唔開心的事,係咪應該為佢唱番首<<分手總要在雨天>>?」

「分手?」

「佢同老細"分手"嘛!」

「但係今日冇落雨喎!聽日先"分手"得唔得呀?」

(不如,祈禱求落雨?)

情人節落雨,會係浪漫?還是灰暗呢?

其實,是晴天故然好,是雨天也無妨,總是取決於當時人的心情冷暖,

<<在雨中>>,人可以高唱<<我的感謝>>:「感謝父神賜我教訓望雨雲.」

亦可以觸境生情,慨嘆<<人間四月天>>那份驟晴驟雨.

當雨過天晴,又可曾記起那<<彩虹下的約定>>呢?

水井旁

提到分手,公司有個同事,想同佢"男朋友"在情人節分手.

我們都力勸她不可:

「情人節分手?未免太殘忍了!!」

到情人節當天,佢男朋友送0左十二枝紅玫瑰比佢,有個同事話:

「五十蚊,賣比我.如果你覺得咁樣謀殺浪漫,我可以幫你映張相,留住佢.」

我問佢:「係咪你個悶蛋"男友"送比你?佢幾好....」

「佢?當然唔係佢啦!係我在百慕達識的那個男友送比我.

我有六個男朋友,現在那個悶蛋卻不是我的男友.佢好煩,又老土......」

我心想:「0華!! 我從來未有過一個女朋友.你依家都六個?!吹水呀!」

隨即有聲音對我說:「一個女朋友都夠time consuming,六個?不如死0左佢啦!」

其實果個同事好慘好可憐,同老公離婚,未必是一廂情願.

想來佢一定好寂漠,好孤單,也許要多為她禱告,睇下點幫到佢.

這令我想到敘加井旁的撒瑪利亞婦人.

可惜我唔係耶穌,倒似不停問耶穌為什么同呢D女人打交道的門徒:

「老...老...老c夫子,開飯啦!今餐食大...大...大蕃薯呀!」

「我有食物,係你0地唔知.

你0地咪話報稅要到四個月?

我告訴你們:退稅已經收到了,可以投資了.

係時侯買RRSP,積蓄財富到退休.....」

「夫子,家陣風頭火勢,B類都要?在教會還福音債,收下息咪算 lor.」

傳福音並不保證其投資,過往業績亦可能不會重現.

但係傳福音的人,主耶穌應許有「退稅」,

到「退休」的時侯,有不朽壞的財寶在天上.

想起你

最近不如意的事,接踵而來,一個月之內,出席了三個喪禮,

又收到消息,我家在南非養的狗仔也死了,

媽咪返加,住了十多天,相聚固然是好,我和爸爸卻忙過不亦樂乎!

傾電話傾到三更半夜,一大清早就起身搬0野,冇教好訓!

同事辭職,心情唔多唔少都有D影響,工作量增多是當然的事,

加上是year end,可謂忙上加忙,人變得疲累.......

夜闌人靜,掀開窗簾,凝望晚空,

望不見月亮,也看不到繁星,

是不是這樣的夜晚我才會這樣的想起你(神)?

過去每晚裡都將你淡忘?

究竟一生中我是為誰繁忙?

主必恩賜我力量 -

神能令我心裡重新更生我.

佛學認為人生是苦的,生老病死是苦,至愛別離苦,求而不得亦是苦.

究竟人生係咪咁苦呢?有冇出路呢?

聽番一首歌,張德蘭主唱的<<默默無言>>,一段由DJ 倪秉郎講的獨白,幾有意思:

有D0野明明以為可以得到,但係始終都得唔到,

有D0野係千辛萬苦之後得到,又會覺得不多如是,

又甚至得而復失,與其係咁,倒不如

追求一個美麗的人生,一份永恒的盼望.

「他們若想念所離開的家鄉,還有可以回去的機會.他們卻羨慕一個更美的家鄉,就是在天上的.所以　神被稱為他們的神,並不以為恥,因為他已經給他們預備了一座城.」

來 11:15-16