|
Billy Lau Ho-Him's Home Page |
|
Home |
2003 Retreat 體會 (Base on brothers and sisters camp fire分享s, retreat中的領受編成)
同以往retreat好唔同, 今年第一次參加士每拿團的 retreat, 應該話 Student Zone至係. 不過 Student Zone乃是剛成立的, 任何人都係第一次參加, 還是說士每拿啦! 我等這個機會足足三年, 自從馬其頓團變成伯利恒團, 也就是我大學畢業的那時, 就有的意念. 只是到如今才有機會. 有趣是: Ronald同Pricilla年年retreat都問我想唔想落去, 而Connie年年retreat都會話最好有個姊妹同我一齊落去. 神好幽默, 孩子一去就帶住七, 八個姊妹去. 不過, 要等三年.
青蔥歲月 點解我想入student zone? 正如student zone's mission statement, 我們是一群基督青年. 不是漫無目的, 乃是為主而活, 有理想, 有衝勁, 充滿盼望, 充滿活力的年青人. 感謝神, 有機會同Adam弟兄合作寫團歌 - <<青蔥歲月>>, 透過歌詞表凳F我對年青人的心聲.
我唔覺得自己係大哥哥, S-Zone的弟兄姊妹都是小朋友. 在他們身上我學到好多, 好受激勵, 他們對神認真而不減純真, 待人坦誠又處事成熟, 似乎燒極都唔著, 卻願燃盡每一分 (@ camp fire) 似乎戰戰競競, 卻願立志委身 (in serving) 所以, 「不可叫人小看你年輕, 總要在言語, 行為, 愛心, 信心, 清潔上, 都作信徒的榜樣.」(提前 4:12)
蒙恩腳蹤 最後一日講道, 我們談到人生. 人生如何活得精釆, 有意義? 人生彷似一本小說, 是高低起伏, 峰迴路轉? 還是平平無奇, 不見經傳? 結局是喜是悲? 還是由頭到尾 都是一個錯誤, 無聊兼胡鬧呢?
感謝神, 祂令我們生命由空虛變做傳奇. 神來之筆, 我們每一個都是神的傑作, 一本獨特, 有趣味, 有深度的小說. 昔日, 神在我們生命中留下不少伏筆, 我們未明白, 但可以相信「耶和華以勒」. 今日, 我們是一本<<未完的小說>>, 新的一頁 - 由主耶穌和你我一起去編寫.
提到<<未完的小說>>, 令我想起啟示錄. 在去 retreat途中, 車上談及它. 孩子簡略地從七印, 七號, 講到白色寶座和新耶路撒冷. 疑問是: 啟示錄用了不少篇幅描述如何打開神手裡的書卷, 但書卷的內容卻又隻字不提, 究竟裡面記載些什么呢? 它是聖經, 還是一些未可告人的奧秘? 計我話, 不如說: 它是本<<未完的小說>>, 記載著神昨日, 今日, 直到永遠的作為和說話, 以及人的回應. 有時我想, 究竟生命冊是一堆名字, 還是一本見證集呢? Anyway, 痴人說夢, 隨筆疾書, 欲知後事如何, 到主再來, 一切自有分曉.
難唸的經 來到Student Zone, 有機會同阿Gump, Ronald, 阿畢一齊事奉, 雖然人少少, 但有弟兄support. 在感覺上, 印象中, 傳聞裡, 也許沒有人會認為Billy需要support, 亦冇時間support Billy. 有讀經唔代表一個人惦, 覺得自己惦就唔會讀經. 所以, 唔好對我有太多expectation, 我唔係神仙, 唔係天才, 更加唔係聖人. 我同樣需要support, 同樣需要人聆聽.
Camp Fire的晚上, 聽到不少弟兄姊妹分享他們家庭裡的掙扎和壓力. 我媽咪八月中來加, 一如以往, 媽咪同Daddy總會因芝麻綠豆的小事吵過天翻地覆. 小時侯寄居在婆婆家, 到十二歲移民南非, 之後十一年, 媽咪都因為做生意的原故而留在香港, 平時冇乜機會見面/相處. 而Daddy因為風濕關節炎的原故不能工作, 全心撫養我長大成人. 沒有Daddy照顧我, 媽咪不能尊心工作, 沒有媽咪工作, 一家人又不能維持生計.
然而, 當兩個人缺乏體諒, 又自以為自己付出/犧牲比別人都多時, 問題就開始出現. 點解? 因為「彼此相愛是要常以為虧欠的」, 自以為愛付出太多就唔願意再愛, 難道愛一定有回報? 一定唔會遭到拒絕麼? 真正的愛有如火, 有時暖透你的心, 有時燒傷你的手, 神愛我們如是, 我們彼此相愛亦如此. 所以, 我們需要有愛和被愛的勇氣和真理, 然而, 「我們愛, 因為神先愛我們」. (這是我近幾個月以來領悟到的, 我一直以為自己冇愛心, 原來唔係, 有限, 但唔係冇.)
長時間分隔兩地, 大家過著完全不同的生活, 關係似乎親蜜而又帶點陌生; 人漸老, 生理狀況改變, 身體每天都在朽壞衰殘, 不復當年之勇, 令問題更趨白熱化. Daddy自我形象越來越低, 不能接納自己. 媽咪越來越顧影自憐, 不能釋放自己. 知道問題又點? 做仔的除了身受其害, 越幫越忙, 又或者不說不聽之外, 又可以點? 只不過倍感家家有本難唸的經.
從另一個角度睇, 還是有希望的. 至少他們願意向孩子分享自己的憂愁, 發洩他們的冤屈. 與其回望過去, 灰心失意, 何不努力面前, 變改更新呢? 我0地有神, 仲有一班弟兄姊妹同行, 神有使命給, 在家中為監為光, 唔係啞忍, 亦唔係家事評論員, 更加唔係谷死自己. 乃是用諸般智慧, 引領父母到神面前.
組頭早晨 小組未繁殖之前, 人太多, 如今人少了, 分享多了, 每個人戲份重了, 關係和責任也大了. 一個弟兄服事/帶領一班姊妹, 究竟係早晨定係「組頭」呢? 孩子深知: 「每早每晚, 神的信實廣大.」 點樣去關心大家, 點樣令大家成長, 點樣劃界線呢? 請為我祈禱啊! 仲有, 好懶啊! 我個人一時太正經, 有時太傻, 在小組運作過程中容忍Billy, 是神給我們的功課. 提起cell group meeting, 有感而發, 寫了打油詩一首:
今次retreat另一個體會是: 做帶領者的心態和言行有著非常大影響. 一方面要學懂分享自己的軟弱, 唔係死撐, 扮"屬靈", 作假冒為善的人. 另一方面唔能夠做瞎子. 瞎子領瞎子必一齊跌倒, 把絆腳石留在路上, 亦會令人跌倒.
好似我用game同free time的時間讀書, 阿Gump, Ronald同Pricilla同人講, 我出去第二日即刻要考試, 仲肯來retreat係信心的表現, 令我有好安慰, 又令其他人學習對神要有信心. 我好怕人家教訓我, 話:「retreat係用來安靜和親近神, 同弟兄姊妹建立關係, 而唔係讀書....」令我 feel bad之餘, 弟兄姊妹會把我看為 bad example.
又好似D靈修資料, 佢0地帶頭分享自己的得著和領受, 能啟發弟兄姊妹的思想空間. 如果帶頭彈三彈四, 其他人就會跟住去彈, 本來親近神的 tools, 因你大打扣. 孩子自己係個口不擇言的人, 有點似彼得勸耶穌唔好死咁, 好心做壞事, 求聖靈以後多多提醒.
多謝時間 再次有機會為retreat營歌填詞和預備靈修資料的弟兄姊妹, 多謝Eddie同阿Gump比呢個機會我服事神. 多謝Norman同Adam作曲, 多謝Jackie姊妹的協助, 希望將來多多合作, 一齊事奉. 多謝Cherry, Ginny, Eva, Kaman同阿畢幫忙, 為我0地預備靈修資料. (有D似頒獎) 哈利路亞讚美主!! 願一切榮耀歸與神.
聽講好多人download唔到D團歌營歌, please chick the following la: 提到預備靈修資料, 再次多謝Cherry, Ginny, Eva, Kaman同阿畢, 欣賞他們用心的預備, 以及對我的容忍, 我改0左好多wordings, 因我在兩難之間, 既想大家學到0野, 又唔想大家feel bad. 對我來講, 弟兄姊妹對篇靈修有乜睇法我唔在乎, 有冇得著係聖靈的工作, 我理唔到太多, 但我會care同我一齊服事神的, 身心靈的需要. 我真係期望大家可以一齊經歷到神, 一齊學習事奉態度, 並首先得著喂養 (提後 2:6) 學到點樣問神問題&問自己問題 (for own good), 又學到點樣 set 問題 (concern others). 我唔係好好, 更加唔會係最好, 但係學0左我果套先, 將來就更能青出於藍勝於籃.
此外見到Worship Team同負責Handbook弟兄姊妹的勞苦和擺上, 實在令我有好大激勵和提醒. 在此獻上萬二分的謝意. 有弟兄姊妹分享到事奉的疲累, 以至沒有親近神, 令孩子若有所感. 於是寫了首詩歌<<靜一靜>>, 要行道又好, 要委身也罷, 經常要靜一靜.
旌旗無落 今次retreat乜都唔錯, 就係食唔飽 (compare to 前兩次), 其實係夠, 既可以減肥又唔會飯氣攻心, 可以專心聽道, 一缺而三得. 有一餐食 Roast Beef, 餐檯上擺了樽 Horseradish (辣根), 未食過又想知係乜0野的人會聞一聞, 聞過就唔敢試. 有D連聞都費事, 根本唔會試. 我勸同檯的姊妹們試試, 有人勇敢一試, Christine試過之後, 仲落到鋪住成塊牛扒添. 原來就咁聞D辣根, 係好難頂, 但配上燒牛肉, 就可以突出肉本身的鮮甜美味.
人生有許多挑戰, 可能會令我們卻步, 但神既然與我們同在, 點解冇膽一試呢? 我什么都不懂, 由信主之前已經係咁, 但神接納我, 陶造我, 我什么都不懂, 不過肯花時間親近神, 神就用我改變我. 讓我進步, 讓我成長, 有機會在多方面服事祂, 唔識, 但肯學, 未曉, 但肯試, 唔怕跌倒, 唔怕批評, 因為神與我們同在, 跟住佢, 行一D我0地從未走過的路. 盼望在每一個地方高舉基督的旌旗, 期求在每一個時侯活出基督的生命.
|