Billy Lau Ho-Him's Home Page
Email address: hohim2000@yahoo.com

2004年 6月 Newsletter 眼紅紅(外傳)

6月11日, 星期五, 完左團契, 送人返屋企時撞左架車, 賠在二千六百七十八蚊.

呢次意外令 Billy 回想起加入 Primerica的經歷,

Billy將呢兩件事加埋一齊, 同神起了一場激烈的爭辯.

夢

在工作中, 一直有一份忿忿不平, 屈屈不得志的失落感.

唔覺得自己特別叻, 但至少公司上上下下, 乜野 positions我都 handle得來,

點解升職同加人工都冇佢份呢?

每次同人分享, 人家總會說我人工己經夠高, 叫我唔好咁貪心, 要向神(做消極的)感恩云云.

2003年10月尾, 在這種失落感促使之下加入左 Primerica做經紀.

一間賣 term life 人壽保險, 基金投資和替人債務重組的公司.

我加入左唔夠兩個月, 就 quit左, 原因有三:

一. As 一個保險經紀:

1. 如果要 hard sell, 講一 D違背我保險知識去將 term life講得太完美, 我肯唔肯呢?

2. 如果為左佣金勸人/逼人買超額保險, 我肯唔肯呢?

3. 如果為左收 override佣金而 build team去勸身邊每一個朋友轉行做 sales, 我肯唔肯呢?

二. As 一個基金經紀:

1. 如果任何人投資都可以去銀行, 唔需要比5% commission, lock D錢七年, 一個 over charged的佣金我肯唔肯收呢?

2. 如果在 presentation中係冇提醒 10%回報只係 假設亦冇講明在保險以外的投資係 taxable, 我肯唔肯 present呢?

三. As 一個 Primerica的「誤導者」:

1. 佢地聲稱呢個係一個 business, 其實係 self employed; 佢地聲稱可以做 part time, 其實法例規定一定要做 full time, 佢地聲稱可以好 free & flexible, 其實 好 time consuming, 令我有種受騙的感覺. 係我理解錯? 係經紀錯, 定呢間公司錯呢? 我真係「唔知」lor.

我祈左三日禱, 雖然己經洗左六七百蚊, 我都係選擇 Quit.

原諒我上述的說話講得同形容得比較客氣, 因為我都驚比人告.

亦可能係我無知和末知, 主觀地對該公司投不信任動議.

行行都有成功的例子, 但成功的背後究竟令到有幾多人犧牲左呢?

咁樣的成功, 又係咪神所喜悅, 係咪你想得到的呢?

在這一切事上, Billy沒有得罪神.

「我的神啊, 求你因這事記念我, 照你的大慈愛憐恤我.」(尼 13:22b)

炒車

6月11日, 星期五, 完左團契, 送人返屋企時撞左架車, 賠在二千六百七十八蚊.

撞左架車果陣, 全條街都冇人,

只聽到樹葉散落的風聲, 不由自主的心跳聲;

同埋己經消失於無形, 兩車碰撞的回響聲;

離開, 係一個好容易的決定.

留低, 拍門, 開口, 一連串本來簡單的動作, 可以令無數人戰抖和卻步,

和正在屋中, 全不知情, 應該無可奈何, 又奈我唔何的車主承認過失.

離開, 還是比較容易的決定.

反正天知, 地知, 我知, 但成條街都唔會知,

我將這些事藏在心裡, 又有何不可呢?

呢個係好多人都會有的想法同爭扎,

幾千蚊, 甚至萬幾蚊 vs 一世唔安樂, 一世抬唔起頭做人.

士多啤梨, 蘋果, 橙, 究竟點樣揀?

乜有得揀么? 生死禍福, 擺在面前, 仲洗揀嘛?!

當時侯, 選擇, 其實冇必要爭扎.

反而家人對我的關心, 他們對事後處理的小心,

對車主的疑心和多心, 以及摧促我考牌果一份狠心,

對我來講, 比撞車, 比賠錢, 更令我精神緊張,

身心靈疲累不堪, 內心煩燥, 滋味難受十倍.

在這一切事上, Billy沒有得罪神.

「我的神啊! 求你記念我, 施恩與我.」(尼 13:31b)

禱告

2004年十月, 我由 financial reporting 轉做 tax, 職級由 112升到 113,

但大老細借口話 HR policy 加薪最多只有 15%.

升職之後, 冇加班費, 計番條數, 人工冇加反跌.

做野比人多, 識野比人多,

人工比人低, 仲要比人 trick?

世界上面總有無數的「他」比我慘,

唔通咁樣就係我貪心, 唔知足, 唔感恩么?

一句話說得合宜, 好似金蘋果跌在銀網子裡,

半句冇本心的話, 猶如老鼠籠掛在電燈柱上.

這些事以後,

Daddy 媽咪聽到我奉獻十五十六, 話我唔好呈英雄, 要托住頭家, 唔好「亂咁」洗錢;

朋友話我咁有錢, 但又唔買車, 又唔夠疏爽, 仲成日帶住部計數機, 計住計住, 一定追唔到女仔;

同事話我對錢太精明, 唔係一個好的基督徒.

因為「好的」基督徒應該係理財白痴? 係和尚?

主阿!

我為左你, 放棄了賺錢的機會;

我為左你, 寧願有賠錢的勇氣;

我的奉獻, 理財, 投資, 沒有一樣不求問你.

值唔值得呢? 會有人欣賞嗎? 有人支持嗎?

如果因為咁永遠都冇人去欣賞;

如果一直被教外教內的人嘲笑;

仲有乜野支持我相信呢一套?

仲有乜野值得我堅持落去呢?

在這一切事上, Billy沒有得罪神.

「我的神啊! 求你垂聽, 因為我被藐視......」(尼 4:4)

你的話

當 Billy quit左 Primerica之後的那個禮拜, 神籍著又創世記對他說話:

「耶和華喜悅燔祭和平安祭, 豈如喜悅人聽從他的話呢? 聽命勝於獻祭, 順從勝於公羊的脂油.」

奉獻重要, 教會裡的事奉重要, 但神話, 佢唔係要呢D.

聽命和順從是更美的祭, 原來, 在這一切事上, 神是悅納的.

「你既行了這事, 冇為錢留在 Primerica, 冇為錢去做基金經紀, 冇為錢離開致身事外, 冇為錢去為自己申冤, 所以, 論福我必賜福給你.....因為你聽從了我的話.」(創 22)

2004年 3月, Billy照著神的話唔 keep任何股票, 只容許 keep funds,  index 股, 銀行股或者係 trust.

於是, Billy 賣掉手頭上二百股 Bombardier, 股價 $6.45.

7, 8月, 多倫多指數由八千九點跌到八千二點, Billy所有 mutual fund回報幾乎冇晒,

遇岩撞車......要 draw番 D錢出黎, 蝕都要放.

當時有個朋友同 Billy講, 話佢問銀行借左一萬, 一年之內滾到變左七萬. (嘩!)

聽到呢 D咁架說話真係火.

神阿! 你又話祝福福福福福福

床前明月光, 展望月光光, 可以照地堂,

點知係月黑風高殺人夜, 屋漏兼逢連夜雨, come on.

詩篇第一篇話:

不從惡人的計謀, 不站罪人的道路, 不坐褻慢人的座位,
惟喜愛耶和華的律法, 晝夜思想, 這人便為有福!
他要像一棵樹栽在溪水旁, 按時候結果子, 葉子也不枯乾. 凡他所作的盡都順利.
惡人並不是這樣, 乃像糠秕被風吹散.

最近睇一套港台劇集<<天下無敵>>, 佛教味好重, 但都唔係冇意思,

當中一位主角話: 「風吹過樹, 風就係樹; 風吹過太陽, 風就係太陽.」大慨是叫人唔好 limit左自己的潛力.

都岩, 但係如果我唔係風, 係樹, 係糠秕, 我又係咪隨風擺動呢? 太陽同溪水又係咪真係變左風呢?

一簾清風, 冇錯, 可以吹皺江水, 不過, 海仍是海, 沒有因此乾涸;

一陣涼風, 的確, 足以吹走白雲, 但是, 天仍是天, 從未因此隱沒.

一棵生命樹, 栽在溪水旁, 同樣會經過春夏秋冬,

唔係無時無刻都結果子, 調養藏氣於冬, 繁華秀麗於夏.

收藏有時, 生長有時, 這才是生命, 是按時候結果子.

關鍵是: 在夏天曉得舒展, 在冬季又懂不懂潛藏,

為快將來臨的「無花果時節」做好準備,

準備下一個豐收, 迎接下一次收割.

冰天雪地本來是一個福氣, 一個值得把握的機會,

問題是: 人住住喜愛風和日麗, 多過神所創造, 所安排的一年四季,

風吹過樹, 樹仍然係樹; 風吹過糠秕, 風就係糠秕.

「神阿! 求你堅固我的手.」(尼 6:9b)

back to newsletter