|
Billy Lau Ho-Him's
Home Page |
|
|
05年1月 Newsletter
當家 2004年10月24日, Daddy 返左香港. 擔起頭家個責任真係唔細, 除左要夠錢之外, 家頭世務, 洗衫煮飯乜都要做, 辛苦, 但都學到唔少野. 唔知點解, D時間好似仲多左咁, 或者我以前真係太懶啦!
我一直堅持食自己, 同煮自己既飯, 如果我唔洗加班又冇約人, 我一定自己煮, 那怕有幾唔好食. 未必因為要慳, 一個人, 出街食同自己煮其實都差唔多咁多錢, 因為我鐘意果種自立自養, 自給自足的感覺.
某日, Daddy 打電話番黎, 話佢同媽咪計劃在香港買樓, 買樓就要借錢, 所以, 今後加拿大的所有家費開支, 要我一個人獨力承擔云云.
獨力承擔?? 當然大壓力啦! 不過, 我支持佢地的決定. 雖然, 佢地如果覺得買得唔理想, 總會互相推御責任. 鐘意怨, 有時真係唔明兩公婆點解會咁無聊.
根據<<經濟學人>>雜誌的分析, 全球樓市比較起 97年 大約有 35%升幅. 除左香港, 跌左 54%, 亦即係話, 香港樓市係全球最抵買同最有升值潛質. 趁住息口仲低, 而我地住果度又己經廿幾年樓, 維修費貴, 保值力低. 買新樓係明智的決擇, 即使要負債.
獨力承擔?? 我頂唔頂得順呢? 所謂開源節流, 開源?! 冇計, 唔裁員算好. 要靠得住, 唯有從節流入手.
慳家 我相信只要慳得有智慧, 係唔洗降低 living standard, 而又可以活得更喜樂. 原來, 喜樂唔一定靠洗錢買得到, 如果喜樂係從神而來, 係冇人可以奪去. 更何况係不知不覺中, 其實, 我地屋企洗左好多冤枉錢, 於生活水平完全無助, 點解唔 cut呢? 於是, Billy reviews 晒屋企所有的 payments, 睇下有冇得 cut:
1) 手機 Daddy 走左之後, no point再 keep 兩部手機, 於是, Billy cut左佢果陪機, 同時又 upgrade左自己果部, 簽多左兩年約, 轉埋個 plan. 通話時間由 100分鐘 weekday 加到 200分鐘, evening & weekend 由1000分鐘加到無限通話. 月費卻由原來的 $42蚊減到 $28蚊.
2) 屋企電話 原來 Bell每個月 charge 好多古靈精怪的服務費. Billy 打電話上去問, 問一樣, cut一樣, 電話費由原來的 $51蚊 cut到 $26蚊.
3) 電話咭 Daddy 一直都用電話咭, 佢走左之後, 因為佢地兩個打過來多 過我一個人打過去, 呢邊長途電話費相對減少. 於是, Billy轉左用 AIC 的長途電話服務, 三仙一分鐘, 貴電話咭一D, 但冇 expiry date, quality又好D, 慳番買電話咭 D錢.
4) 上網 經過祈禱, Billy 將 high speed轉返做 DSL. 其實 speed 越快, download自然得會越方便同越多, 本來比多 D錢想慳多 D時間, 但到頭來反而得不償失,
5) 車保 感謝神, 隨著年紀增加, 考到 G牌同埋意外洗底, 今年保費勁減 46%.
若計埋一個人的起居飲食同車馬費少左等等等等, 一年家費摼番六七千蚊. Billy 用摼番黎果六千幾蚊: 1. 二千蚊比自己讀書同買書買雜誌睇; 2. 另外一千五蚊支付 Daddy05年年尾可能返港的那程來回機票. 仲有淨二千五, 用左十分一買 games 玩同買 movie睇. 如無意外, 在唔影響 offering同 saving的情况下, 應該可以緊緊支持得住整個家費.
我同神講, 我唔想動用爹地媽咪佢地一分一毫. 佢地個 accounts我要令佢升, 但唔可以跌. 托住所有開支, 可以改 budget去就去貼.
齊家 提起用二千蚊讀書, 今年報讀左 CFA, 明年希望報讀 MBA. 好多人同我講: 「我已經爬到好高, 根本唔需要再讀, 而且讀得太多書, 就冇時間追女仔同拍拖.....」 我成日諗讀書同拍拖係咪真係有咁大衝突呢?
我好似一隻剛從井底爬出來的青蛙, 原來<<世界這樣大>>. 究竟, 我應該急急脚咁跑去皇宮, 定還是背起包袱闖蕩江湖呢? 皇宮係咪一定有公主, 公主又係咪一定係皇宮呢? 青蛙係咪一定要公主, 公主又係咪一定愛青蛙呢?
「等」唔代表要放低晒所有野, 乜都唔做咁樣坐係度. 呢個係我對時間的觀念, 我等人, 等車, 等事我都係邊做邊等.
<<終身學習>>係我的夢想, 但唔一定要透過讀書呢個方法. 讀書加做野的確幾辛苦, 每日努努力力, 營營役役, 傾傾飲飲食食. 都難救我脫離這個 Canadian Tired 的困局. 一個人點可以身處Canadian Tired 而繼續 Sta(y)ple(蒲)呢? 當我期望生命有更多 Best Buy的同時, 又可唔可以為 Future's shop??
人唔能夠分飾演自己, 依家 shopping可以上網, 同樣人一生, 由始至終都視乎你肯唔肯向上望.
我並不是因缺乏說這話; 我無論在甚麼景況都可以知足. 這是我已經學會了. 或有餘, 或缺乏, 隨事隨在, 我都得了祕訣.
|