|
Billy Lau Ho-Him's
Home Page |
|
|
二月 newsletter 暗箭
公司每日見住同一班人, 做埋同一堆野, 返工放工, 我經常哼住一首詩歌: 「日子就這樣流去, 說不出我心裡疲累, 如何才能脫開百樣悶愁，重尋獲真自由.....」
呢半年公司(Assurant)既火速擴展 (Net income 比去年多一倍, 是前年的三倍.) 掀起了一連串政冶風波, Sales VP, Finance, Legal & Marketing Director四大護法都比人踢走左. 人事變遷令個個人心惶徨, 只知按本子辦事, 力求自保.
在辦工室內, <<橫刀>>, <<暗箭>>, 無日無之, 每况越下, 要係火藥味既環境中吸呼到一口新鮮空氣, 變得越來越辛苦, 空氣變得越來越污俗, <<風之谷>>又會唔會有淪陷既一天呢? N95唔夠力, 要買番個防毒面具, 遮住個真面目咁做人又係咪一定吸唔到毒氣呢?
幾番波折, 04年頭人工本來加 10%, 新老細agreed左, 但到最後只加左我 6%. 我做野同識野都比人多, 公司其他 analyst 又工反而比我高 30-40%. 點解你唔服? 點解我要服? 同弟兄姊妹分享, 又有幾多人會明呢? 咪又係我貪心同愛世界 lor. 連媽咪都話因為我經驗唔夠, 所以, 人工冇得加云云, 點解你唔服? 點解我要服?
04年9月, 我轉做 tax analyst, 人工只加左 15%, 冇OT(等如 20%人工), 等如倒扣. 依然比公司其他 analyst 人工低 5-10%, 我覺得好似不停咁比人 miss treat咁, 而我亦唔想再同人分享. 反正比人「安慰」可能仲更加冇癮.
新老細好叻講好多恭維同讚賞既說話, 或者我真係貪心同愛世界啦, 你唔加我人工, 又唔升我職, 我就覺得一切恭維同讚賞既說話都變得好假, 好黑人憎既說話 lor. 隔離 group個 manager乜都唔惦, 錯漏百出又隱瞞事實, 點解佢又不停升職加薪? 真係唔明個喎! 個精算師也文也武, 連最 basic既 rule of 72都唔識 (個牌點考嫁?), 成日滋擾 D女同事, 冇人敢炒佢喎! 個 Sales接左單每年廿億, 但一定蝕死既生意, 但收六位數字花紅, 升埋職, 人人話佢叻又點解呢? 公司咁多錢, 日日都跌 D同派 D比人, 我又唔係唔做得, 你加多 5-10%都唔洗死. 你去出面請, 請個識做 insurance tax, warranty tax既 analyst, 我加薪後再多40-50%你都未必請到一個 intermediate.
公司同某某 sign左個每年 2億既大合約, D GST/PST好似一鑊粥咁. 見到都唔開胃, 連前個禮拜飲果包牛奶味都嘔番出來, 可以點呢? 面對東一隻西一隻又大又金既鑊, 可以點呢?
所謂「明槍易擋」(明搶又點呢?),「暗箭難防」. 但凡係箭都有倒勾, 中箭故之然箭, 扙出來果下仲傷, 分分鐘冇命. 所以有好多人比暗箭插完之後, 唔敢扙出來, 索性插往係度, 久而久之, 越插越多枝. 好似隻箭豬咁, 唔同係箭豬 D箭向外, 可以保護自己, 而佢地 D箭向內, 會插親自己. 這就解釋到點解有 D人會因一兩句說話/一兩行為就嬲你/反面, 因為你不知不覺弄到佢 D箭s lor. 最容易弄到既係邊個呢? 當然係你 D屋企人啦!! 辦公室開完片, 比人插完一身暗箭; 返到屋企再來一場明槍對決, 係好多人既生活寫照.
可以點呢? 面對世界上唔公平既事, 可以點呢? 如果太多牛奶味, 令到朱古力味冇訂企, 可以點呢? 反正牛奶味係咪都唔爭氣, 點解朱古力味又遲遲都唔返來呢?
咪住, 等等.....(乜事呀?) 約瑟牙刷左 17年, 結果比人 D賣豬仔, 由東一隻西一隻既奴隸獸做到你又管佢又管既管家, 十年. 跟住比女主人一隻金手指, 再加男主人一隻天殘脚伸入天牢坐足兩年先番身, 足足十三年. 王丹都坐左十幾年先至「保外就醫」, 你 D朱古力味唔係好黑, 再黑都唔夠佢地兩個呢?
神係有恩典, 無論係危城十日定百年浩劫, 都可以撐得住. 神好似一陣風, 時冷時暖, 係你同我睇唔到但肯定經歷得到. 「日子就算是流去, 上帝恩似風繼續吹, 隨著季節暖風與寒流, 陪伴著我同行.....」
|