|
Billy Lau Ho-Him's
Home Page |
|
|
4月 Newsletter - 一時
4月1日同4日係愚人節定兒童節唔重要, 總之, Billy在 1號離開舊公司, 4號開始返新工. 新公司依然係間保險公司, 依然係位處 North York Center. 唔同既係由 Tax Analyst轉番做 Financial Reporting.
一時風浪 通常返工頭兩個禮拜都冇乜野做, 吹下水, 熟習下工作環境咁, 所以好多人用 Honey Moon 去形容呢段日子. 不過, Billy係 Honey Moon期就開始「炒」, 頭兩個禮拜巳經加班, 每晚都加到 10點鐘, 有一晚仲通宵, 凌晨 4點收工, 第朝 10點又返工, 變態.
Financial Reporting要做四份 reports: Canadian, US, Dutch同 International GAAP, 但我個 department原來冇人識做後面果三份 reports, 老細叫我諗惦之前果手點做 International, 於是, Billy睇 past paper, 冇 documents, 冇 supporting, 開個 file睇, 每個 item 都係一堆 meaningless 既數加埋一齊, 點做呀? 玩砌圖呀?
之前個 team leader走佬, 個 department manager被炒, 另一個 staff 炒埋. 一二月 D entries都未入, Billy 老細又成日同另一個識做野既 AVP炒大鑊 (真係好幼稚), 咁人地咪睇你點死 lor, 仲教你做野? 入左去都唔夠兩個禮拜, 個 CEO同 COO又比人炒埋, 全公司大地震; 跟住Billy部門做 VP老佬, 老細對頭個AVP坐正做左老細個老細, 仲唔死. 雖然唔係炒我, 但工作時間, 冇人識做, 上面地震, 令到我好 stressful, 返工兩個禮拜就病左.
本來好地地, 為左果少少經驗值同加人工, 可以去嘉仁宮食多一籠蝦餃, 做到連飲淡茶既時間都冇, 係咪有點兒冇癮呢? 轉工係我恨左好耐, 祈左好耐禱先至成事既, 但要咁辛苦又值唔值得呢?
一時明月 個 VP走佬, 我地同佢去食飯, 佢(VP)同Billy講: 「Billy, 你知你老細賺好多錢, 我都賺好多錢, 但我地兩個加埋份糧, 做到退休都唔夠今次比 CEO果份遣散費.」 我計個條數, 如果我冇比人炒, 年年加薪, 稅後投資回報 9%, 到五十五歲之後, 先至/或者/可能有咁多錢身家.
就係呢個時侯, 睇到電視新聞, 先知道我有個 uncle中左 649, 加幣兩千五百萬. 如果係街邊個阿毛中左, who cares? 反正我唔買, 亦唔鐘意忽然間有咁多錢. 但原來當你身邊, 你識得既人中左, 個感覺係唔同 D個喎! 唔係貪心, 而係我會問:「點解有人一朝發達, 而我做得咁辛苦又唔係賺好多....」 跟住我就諗幾時可以退休, 真係好鬼辛苦, 做到幾時先至叫做夠呢? 一百萬? 二百萬? 定還是一千萬呢? 退左休之後又有乜細藝打發時間呢? 又係死個喎! 有錢好過冇, 但係未必買到開心個喎! 打份朝九晚五既風流工 lor. 好過加班加死, 令內分泌失調, 抑鬱成疾嘛!!
Billy一直比同輩覺得佢賺錢蓄錢都比人多, 而教會好多人有意無意咁認為賺錢冇乜咁了不起 (但又搏命賺), 蓄錢唔用就係冇用(但又搏命蓄), 彷彿錢除左捐獻一途外就等如邪惡貪心. Billy 蓄到錢因為冇車, 冇車一年起碼慳八千, 五年就蓄多五萬, 一定蓄多錢過有車之人嫁, 冇甚了不起, 係人都得嫁. 但係賺錢唔一定貪心, 可以好屬靈, 本身亦可以係一種奉獻. 何必抹黑佢, at the same time你又放唔低佢呢?
跟據 Money magazine 做既調查, 美國有七十二萬個家庭身家超過五百萬, 而美國人認為身家超過二百萬先算係有錢. 如果係咁既話, 我同「有錢人」既距離, 實在係相差太遠. VP既說話, 朋友中649, 同埋呢個調查令我有好大既啟迪. 我為到我唔係真係咁有錢去感恩, 我可以繼續努力, 繼續依靠神既恩典渡日; 又為到我唔係真係咁冇錢去感恩, 我唔洗過份憂心, 繼續事奉神而專心一致; 亦為到我唔需要為左別人既壞鬼神學為賺錢蓄錢而有無謂既罪疚感而感恩; 我係舊公司一二月 year end完左轉工, 可以好來好去; 又係新公司四月大地震之前轉到工, 可以無驚無險; 我亦要為此感恩, 我地都唔知將來會點, 但有昨日, 今日, 明日恩典.
|