Billy Lau Ho-Him's Home Page
Email address: hohim2000@yahoo.com

12月 Newletter - (一時)無兩

12月15日, Ronald致電家中, 話聽日Zone night, 主題係回顧同感恩植堂以後神既作為同恩典.

希望一班組長(即 Ivy, Karen同我)分享下一D感想, 唔洗多, 一兩分鐘就夠. (唔洗驚預備唔切咁話)

只要我長大

諗起三月植堂至今, 唔經唔覺就九個月, 又正好係我轉新工既第九個月.

就係咁, 生命中既一切都好似從新開始咁.

係新公司, 除左要負責加拿大會計之外, 美國, 荷蘭同國際會計都要識.

加上由一間專門做借貨保險(credit insurance)同保養(warranty)既保險公司,

轉入一間人壽保險公司, 對各種保險產品既認識又深左一重.

亦可以話, 轉新工令我在會計同保險既 knowledge都倍數咁提高左.

今年年初立志, 求神讓我三年在生命各方面 double, 估唔到一年時間就係工作, 資財, 知識上 double.

(係Billy眼中生命係一個整體, 唔太劃分屬靈屬世.)

文章分享方面, 創意同啓發性都比以前強, 幾乎每篇都內致左 at least 一個2nd meaning

文章既結構同體材更花心思同深度, 產量亦比往年多, 共三十三篇, 9萬 2千字;

至於神話語既職事, 今年讀經少左, 但查經同研經, 閱讀屬靈書籍同聽網上講道就多左.

一直以來, 我同弟兄既關係都好難建立,

可能因為姊妹既關係 through講野建立, 我ok;

弟兄冇野講, 打場波, 打鋪機, 就得.

打波我抽唔到時間, 去樓下做 gym ok,

於是, 我專登買左幾隻可以雙打既 game「看門口」 (其實冇咁偉大, 自己悶, 想打機之嘛);

之前學打 Lord of the Ring (Action), 依家想學玩 Call of the Duty II (1st person shooting)

結果, 同某幾個弟兄既關係就建立到.

資財方面: 感謝神, 自從撞過車, 婆婆入院, 我知道蓄到錢係神既恩典 lor.

今年, 資產有 46%增長, 好過預期.

股市即係估市, 賺到錢係神既恩典, 以及神比既智慧 lor,

投資回報 14.7%, 唔算好好, 好過 TD monthly income fund (14.3%) 少少咁啦 :>

今年, 找 Billy報稅既人多左兩倍, 又多左人找 Billy做理財顧問, 管理既資產係去年既 240%.

有見及此, 我買左好多書同雜誌進修, 對 Finance既知識同經驗亦比之前進步許多.

其中讀到一本書, 提到 Google呢間公司:

Google公司在去年八月係美國上市, 當時股價係 $100.

到今年十二月, Google既股價曾經一度去到 $460, 勁升 4.6倍.

(雖然, 我依然認為佢只值 $100, 不過, 有好多分析員估計佢仲有 升值潛力, anyway.)

點解 Google升得咁勁呢? 原來因為佢個網上搜尋器夠勁, 就連國防機密都搜到.

有人話有左 Google, 就彷彿對世界各地一切既資訊撩如指掌, 「搜」到擒來.

Google令人類向「無所不知」呢個一向只有神能夠觸及既境界邁進左一大步.

加埋 internet同 wireless既幫助, 人類就彷彿「無所不知」 +「無所不在」咁同他人溝通.

所以, Google股價狂升, 係有佢既道理.

一個投資者敞若信得過呢間令人接近「無所不知」既公司, 一年就有 4倍回報, 多買多賺;

如果一個人親近果位的而且確係無所不知, 無所不在, 無所不能既神, 生命又會有乜野改變呢?

係舊約, 神祝福以撒, 令佢一年裡面, 地既出產有百倍既收成;

到新約, 耶穌話人若聽道行道, 就會收獲三十, 六十, 一百倍.

讀緊大學, 遲早會畢業; 揾緊工做, 遲早會揾到; 蓄唔到錢, 遲早會賺到;

我地擔心呢樣果樣, 其實好多都係遲早既問題, 就算真係好嚴重, 亦擔心唔黎.

我地凡事都成長, 如果我地願意親近神, 成長豈不是更大么?

一天一天

係教會來講, 一味咁做又算唔算係成長? 人數增長又算唔算係成長?

自從植堂以來, 崇拜出席人數大概多左 10-15%, 感謝神! 主日學出席率唔錯, 感謝神!

學生區由十六人增至.....幾多呢? 唔知, 總之好多啦! 感謝神!

不過, 有一半係決左志之後果個禮拜就人間蒸發, 其實唔應該計埋.

點都好, 弟兄姊妹既邀請同熱心, 以及神對我地身邊未信朋友既恩典係令我非常佩服同鼓舞.

最近, 去左個朋友屋企打機, 玩一隻越野賽車 game.

玩第一 round果陣唔識踩 brake, 一味踩油去, 結果炒到豬頭咁,

玩第二 round果陣醒左 D, 直路踩盡佢, 轉彎一緊一收咁, 果然順左好多,

不過, 副 engine已經唔聽話, 不停冒煙, 行行下死火, 最後唯有 restart.

中學果陣亦玩過一隻一級方程式既賽車 game,

由不停炒到最後次次第一, 攞位攞得好, 片大彎片到幾乎唔洗收油.

原來一架車唔係撞到幾多次就要入廠, 整番都幾貴, 還不如 restart.

唔知一個人又可以撞到幾多次呢?

經過一輪撞板同練習後, 又可唔可以駕輕就熟, 得心應手, 係比賽當中勝出?

如果你冇比之前既撞板 discourage左, 而又肯 learn from mistake同 keep improving,

冇檢討一味死衝, 希望唔係我地啦! 否則不如早 D踩 brake.

因為一個人抄, 你自己同埋你後面所有人反正都要踩 brake, 都要停,

早 D踩係就係慢 D, 但至少之後可以繼續踩油去嘛!

撞左先再由零開始, 仲慢.

但唔交「學費」又可唔可以學到<<必殺技>>?

交左「學費」又係咪一定能夠 learn from it 呢?

12月頭教完浸禮班, 一睇造就班 D materials: 「點解咁嫁?」

福音班, 跟進, 浸禮, 造就居然同三卷符類福音書有異曲同工之妙,

重覆程度高得令人吃驚, 我第一時間問左兩個問題:

第一「點解之前, 我從來冇發覺到呢? (因為 Billy一向教綜覽).」

第二「點解之前, 冇學生投訴過重覆既問題? (因為太受教?)」

難怪弟兄姊妹覺得聖經好悶好老土又 apply唔到,

同時間又以為上左幾堂對聖經就好熟

(你聽番 reconfirm果 D得救見證, 個個都係咁講就知.)

唔排除主日學課程既重疊係弟兄姊妹係神話語上既自卑又自大既主因.

跟據我個人對主日學課程既理解, 嚴格而籠統來講:

福音班既主題係 1)呢個世界有神 2)耶穌是神係救主;

跟進既主題係: 1) 同神建立關係既方法 2) 建立教會生活;

浸禮既主題係: 基督教教義 (信 D乜), 比較神學同理論性;

造就既主題係: 基督徒生活 (平時點), 比較生活化同實踐.

綜覽既主題係: 1) 聖經各書卷/各主題概論 2) 各書卷/各主題既歷史文化背景概論

浸禮 D topic冇得轉, 但materials可以 renew; 福音班同跟進應該冇問題.

造就我覺得應該要全部改晒佢. 神既話語唔 suppose係紙上談兵,

Suppose係有足夠承載力去 support生活裡面任何一個場境,

你唔講, 再講多十次理論, 冇用嫁.

一直以來, 綜覽用一個字形容: <<趕>>, 為乜? 唔知!! (為左快 D完成 E&E lor.)

有趣係: 依家母會同植堂既主日學老師都似乎一齊睇到個問題, 以及其破壞性.

正遂步更新造就同綜覽課程, 相信呢個係聖靈既工作.

更新係逼切而又係漫長既 process, 亦需要眾師生既參與同反思.

所謂「千里之行, 此於足下」, 有左第一步已經跨進左最重要既一步.

不想長大

記得兩年前既 boxing day, 成班 Student Zone既弟兄姊妹晨早四點去 Bestbuy排隊掃貨, 萬人空巷, 瘋狂購物既時侯,

我正在尼加拉瓜大瀑布一間酒店裡面, 6點鐘起身對住個瀑布睇聖經.

所有商鋪都關門大吉, 第二日出來, 還好去到 Staples依然執到個 $10既 router.

不過, 託人買果隻 coreless mouse係壞既, 一買番來就壞, 攞到手果陣己經冇得 refund.

上年 boxing day係浸禮, 冇得講, 今年 boxing day就變得熱切期待.

點知隨住科技發達, 個個人都 online purchase, 冇人肯去排隊.

加上今年 Futureshop同 Bestbuy又真係冇乜 special lor :<

反正 25號晚落大雪, 就算約好左都會 cancelled啦!

Futureshop同 Bestbuy個 website 25號晚 block住左, 要凌晨 12點先 open.

未到 12點前既三分鐘我就不停咁試 click入去, 一開始頭果兩分鐘好順, 一到 check out就開始死.

Futureshop直頭死左, 我唯有去 Bestbuy, 好 D, 但係都係死魚咁上氣唔接下氣.

於是, 我開埋我另一部「豬腦」, 一部用 Bell Sympatico, 一部用 Rogers. (我剛由 Bell轉 Rogers, 又未 cut Bell)

狂開幾個 Windows, 誓要 click到入去唯止, 入到去仲要過幾個 steps先完成交易, 好 time consuming.

搶到 D door crash product就好開心, 好有成功感, 雖然明知收到貨之後, 有一半會即時攞去 refund.

買左八百幾蚊野(係八百三十六個三亳四), 有三百幾蚊(係三百五十七個四毫四)係買比自己,

最後幾乎 refund晒!! (係 refund 左三百四十四個九亳半.)

之前, 返香港買左個 MP3機, 個 sales比 Samsung同 Creative我揀, 我嫌 Samsung部機太大, 太重.

結果, 揀左 Creative 1GB, 輕巧, 個 look夠靚, features夠多又易用.

但係個電蕊蓋好鬆, 最抵死係 - 又壞左.

於是, 我係呢邊買番個 Sandisk 1GB, 電蕊蓋鬆緊度ok, 耐電時間又長左五個鐘, 不過, 重D大D, 又冇 line-in function - refund;

之後, 買左 RCA 512MB, 有得插 card, 輕D, 有埋 line-in, 不過電蕊蓋緊到完全係「關了就沒有人能開」, 又冇中文- refund;

Boxing day見到 MPIO 1GB $89, 夠晒平, 夠晒輕, 冇FM, USB 1.1, 耐電得八個鐘, 玩唔夠一個鐘, 壞左 - refund;

我又唔想買返 Creative, 但如果唔壞, 我依然覺得佢係最好喎! 如果唔係我都唔洗不停 refund啦!

Boxing day 慣性大平賣今年又冇喎! 最好果 D MP3機依然吊高來賣, Sony同 iRiver太貴, 唔抵.

結果, 用$169, 死死氣去 Staples (on store)買番 Samsung, 就係一早果陣我揀 Creative唔揀果部 Samsung.

兜左果大圈, 結果買番 Samsung, 比較起 Creative, 部機幾乎係零缺點, size 大DD, 重DD,

42小時耐電, track search, perfect既電蕊蓋, 仲可以 personalize equalizer, 咁就 satisfied.

不過, 都係 refund!!!

理由係 online買再平 $20, 冇 price match (好低能既做生意手法, anyway...)

我自己知自己事, 唯有 $29買兩年 replacement warranty.

通常買左就唔會壞, 冇買就壞, 冇計 - 白貓走左, <<小黑與我>>.

好衰唔衰 online買左之後佢打電話來話冇貨, 吹帳!!!

(1月11日, boxing day以後, 用$119蚊, 唔洗排隊既情况下, 終於得嘗所願.)

係成長既過程當中, 特別係畢左業之後何去何從, 真係唔知.

或者兜左果大圈, 原地踏步. 但係咪真係原地踏步呢?

好似我咁, 依家成為左 MP3 player既專家.

但好多時我地怕出錯, 怕麻煩, 怕長大, 怕踏出一步, 結果真正咁原地踏步.

敢試, 敢錯, 係揀 MP3機咁小既事情或者唔重要,

但人生有好多既決定, 好多事奉我地又有冇呢份勇氣呢?

<<只要我長大>>同<<不想長大>>??

有時都幾矛盾.

back to newsletter