|
Billy Lau Ho-Him's
Home Page |
|
|
完左音樂比賽, 嬴唔到<<最佳填詞>>, 略嫌美中不足.
五月尾股市開始大跌, 是意料中事, 但Billy認為是受美股拖累, 借勢調整, 一於以不變應萬變. 不過, 媽咪忽然要用錢, 要我沽貨, 那時加股己在高位回落 7.6%, 我唯有等佢一瞬回光返照, 上返 11,900 走貨. 唔開心係: 點解媽咪唔早 D通知我, 佢既計劃呢?
呢件事令我幾唔開心, 加上讀神學要讀 6本 text books, 交兩篇各 4,000字既論文, 6月尾交, 公司有兩個新 projects, 又唔識做, 巳經夠煩, 買左架新車又衰到死, 一買番黎就震. 害我日日跑去個 dealer 度嘈, 回答係:「架架都係咁, 係 normal架.」同總行嘈, 佢居然唔理我, 服務態度差到死, 激到我都震埋一份. 接近四萬蚊, 買張按摩椅, 都唔知好嬲定好笑.
呢首歌係在呢個背景下寫成, 頭尾用了九日, 係和 Sandra合作的第八首歌. Base on 羅馬書 12章 1至2節, 本來計劃將整卷羅馬書放入歌詞中, 結果還是 focus on 十二章打後的內容. 思想何謂「委身」, 何謂「心意更新」.
煥然一新 曲: Sandra Wu 詞: Billy Lau
聯想
我地同神同人同世界既正常關係應該係點? 心意更新, 講得多, 但究竟點解?
v1 世界裡面, 遇到既人和事的確令日子繁忙凌亂, 兜兜轉轉, 何去何從, 想馮一套基要信仰找到所有答案是否過份天真呢? 難道人屬靈了, 就煩惱盡消? 何不承認自己唔係聖人, 承認「呢個社會裡面人人都有壓力」呢? 為主而活, 或者唔係叫我地放棄世務, spent所有時間精力在教會事工上, 而係修飾編採每一天, 令平凡平淡變得不同非響. 前國家領導人鄧小平先生曾經講過:「黑貓, 白貓, 捉到老鼠就好貓.」 羅馬書十四章話: 「安息日又好, 主日又好, 星期一至五都好, 只要係為主而活, 就係好日子.」
v2 繁忙凌亂令我地忽略神, 考試温書交 project而唔返教會比十誡來得更加天經地義, 又或者比耶穌再來更令人嚴陣以待. 不過, 有人話:「JOY呢個字係指喜樂, 點先可以喜樂? 係要先顧念 Jesus & Others, 最後係 You, 咁你就有 J-O-Y.」 羅馬書十二章第一第二節好熟, 不過, 請你繼續讀落去...... 三至八節講人應該點睇自己, 九至廿節講應該點對其他人, 廿一節係總結. 對其他人(total 12節)比點睇自己(total 6節)剛好一個 double. 獻上活祭/心意更新係有解釋架, 教會裡面有一官半職, 做到組長未必做 到百分百主既門徒, 這是三至八節的教導. 日日為主去愛身邊既人, 關心佢地, 呢個係九至廿節既鼓勵, 盼望我地在此多加努力.
副歌 Simply係羅馬書 1-2節, 俗世思潮, 耳濡目染, 乜野係真乜野係真係假難分難解, 我地成日話, 我地有聖經, 佢係我地生活既指南同準則, 有趣係: 我地中間肯花時間諗記同思想聖經的人有幾多呢? 如果我地對真理只是一知半解, 就好似食抗生素食一半唔食, D病殺唔死之餘仲惡 D, 你既生活好似條死魚咁, 會死得好直. 做基督徒本來可以好 enjoy, 唔係六日烏雲蓋月, 第七日天狗蝕日, 逃避現實. 不過, 如果好似學結他咁, 唔肯練習, 咪成世彈唔到首歌, 咁點會 enjoy?
神學思想方面: 這首歌用上了貫穿羅馬書 already but not yet, 既濟未濟, 將得救(主來)但仍未得贖(主未再來)既思想生活化. 生活有壓力, 卻要為主而活, 或喊或笑卻要互愛互勉, 疑幻疑真卻要美善純真, 漫長艱辛卻要十架步近. 生活同信仰之間的張力, 矛盾, 如何透過聖靈, 在萬物嘆息之間看出萬事都互相效力.(羅 8)
另外, 這首歌對其實展現了四套同樣 bibical既世界觀 v1 只要有神, 走世界既路, 才更豐盛同有意思 v2 神愛世界(人), 有愛, 世界就會更温暖 副1: 世界唔係錯晒, 但又唔係岩晒, 但要靠神心意更新 副2: 唔走世界既路, 要走十架路
我諗冇人會諗到唔 deep, Anyway.......
後記 這首歌與<<同夢同心>>係一對, 只是前者 more focus on 信仰, 後者 more focus on 生活. 音樂比賽當中, 評判提醒我地 D歌詞有不少白字, 冇錯, <<同夢同心>>及<<風靈頌>>兩首歌都有一兩個白字. Billy 係一個只有中一中文程度的人, 有白字唔出奇, 加上用手寫板好容易有白字, 為左減低呢 D事再發生, 我諗今後要找 D中文好既人睇睇先出街.
|