|
Billy Lau Ho-Him's
Home Page |
|
|
惟有基督在我們還作罪人的時候為我們死、 神的愛就在此向我們顯明了. (羅 5:8)
你們要彼此相愛、像我愛你們一樣、這就是我的命令。 人為朋友捨命、人的愛心沒有比這個大的。 你們若遵行我所吩咐的、就是我的朋友了 (約 15:12-14)
Philos 友伙心 作曲: Sandra Wu 填詞: Billy Lau
With my (your) friends一起走過因每人有顆心, 有心去在各樣甜酸苦辣裡共渡時間. 若結識一位知音聽我(你)盡訴傾心, 會相見恨晚但誰可保證真心不變卦?
試問誰會像神為我(你)竟甘心犧牲? 試問誰會有如基督令我(你)再度重生? In my (your) life 可否感到主愛長闊高深? 捨身救贖我(你)又能開解我(你)心底牽掛;
人在各自各追踪一生的志願夢想; 人為愛互愛才值得珍貴; 友伙心會令人無計得失彼此靠近; 維繫每段情誼不變是神恩.
In Christ 一起走過因每人有顆心, 有心去在各樣甜酸苦辣裡共渡時間. In Christ 一切隔膜可變成「友伙心」; 發生碰撞 - 慚傀; 火花擦亮才矝貴; 基督裡培養一種默契.
Jesus's friends @ philos 呢首係萬民福音堂 07年 EV主題曲, 同時係我地敬拜組合 <<Philos 友伙心>>既同名 theme song.
Philos 係希臘文「朋友」咁解, 若論 bibical既出處, 係約 15:12-14. 耶穌話自己係門徒既朋友, 一個肯為佢地犧牲既好朋友, 故此門徒要彼此相愛........ 而這段經文之前係葡萄樹和枝子的比喻, 講述神, 主耶穌, 門徒自己以及其他門徒之間的關係.
曲係 Sandra上年 7月既作品, 比起<<Philos>>既命名還要早兩個月, 在「倉底」擺左半年, 歌詞才正式完成. 既然係 Theme Song, 就一定要代表到整個 team既源起和信念既同時, 又能夠易唱, 易明, 同易有共嗚, 曲同詞除左要乎合呢 D基本條件外, 一定要叫好叫座, 如果唔係, 不如唔好有 theme song. 唱衰個名事小, 間接趕人走出福音之門, 趕走一個都唔好啦. 所以, 拖左咁耐先寫詞.
Our friends @ philos Philos 友伙心係 Billy呢兩年來 15首詩歌最易明既一首作品, 連冇任何宗教背景既朋友, 又或者呢度出世既中文人, 都應該明. 除左「基督」,「重生」,「救贖」, 「in Christ」之外, 冇乜宗教字眼.
不過, 易明還易明, meaning依然唔少.
「朋友」係可以揀亦應該有智慧去揀; 「親戚」係冇得揀係應該用愛心接受; 故名思義, 弟兄姊妹當然係「親戚」, 係冇得揀. 所以你覺得佢唔可愛, 唔岩傾係好正常, 因為你冇得揀嘛!! 弟兄姊妹能夠成為好朋友, 唔係奉旨, 係 bonus, 係恩典, 值得感恩架.
呢首歌嘗試特出主犧牲同知心的愛既同時, 唔嘗試踩底/否定人間有情, 「友情, 親情, 愛情」就點點點缺乏, 神既愛就多么多么完全......... 反而強調神恩去「維繫每段情誼」, 一份「貫乎眾人之內」的情.
在分別道出 "With my (your) friends" (友情) & "In Christ" (主內情)的同時, 沒有評論兩者的高下: 「出面班 friend」就點點點, 「入面既弟兄姊妹」就點點點........ 冇 !!!!! 反而故意用同一組 phrase去形容 "With my (your) friends" 同 "In Christ": 「一起走過因每人有顆心, 有心去在各樣甜酸苦辣裡共渡時間.」 因為友情同主內情係神眼中同樣可貴, 亦同樣需要你同我去珍惜.
Your friends @ philos 如果係 Billy 既 Philos(朋友)又或者主日學同學, 熟知 Billy解經方法, 或者可以從呢兩句平衡 phrase當中找到呢首歌既結構,
Billy既詩歌, 結構本身亦係一個 meaning, 呢首歌同分享亦唔例外.
呢首歌用左「一起走過因每人有顆心, 有心去在各樣甜酸苦辣裡共渡時間」呢句 phrase (Part A)夾住十句歌詞, 中間四句講神同人既關係 (Part C), 另外六句講人同人既關係 (Part B), 令我聯想到十誡, 又或者新約要愛神, 同愛人如己既命令. 神係我地既朋友, 佢唔單止令我地同佢和好, 仲令我地同身邊既人和好. 呢個就係「近朱者赤, 近墨者黑」既道理.
朋友既關係唔一定係永恆, 升學, 轉工, 移民, 轉 church甚至轉 cell, 拍拖, 結婚......... 都會令你多一堆朋友, 又疏遠左另一班朋友, 所以要好好珍惜今天.
D同E係另一個單元, 用 in Christ同基督裡作分段. 「發生碰撞慚傀, 火花擦亮才矝貴」係成首歌之中我最喜歡係歌詞. 真實得來唔老套, 唔客氣得來又唔太硬.
我地同「親戚」的確有好多碰撞, 尤其係大家唔係朋友, 冇人工收, 又要走埋一齊做野, Why do i listen to you / follow you / give face (俾面) you? 碰撞係預左, 如果你接受唔到主內弟兄姊妹會發生碰撞既事實, 或者你仲未瞓醒, 係時侯洗個面, 刷下牙, 戴番個眼鏡, 睇清楚自己信緊耶穌, 定係天空小說.
碰撞係預左, 當然, 能夠彼此相愛, 能夠擦出火花就最好, 最值得珍借.
有趣是: 冇碰撞係擦唔出火花架, 好矛盾但係好真架. 問題是: 碰撞可能會令你一頭煙, 又或者生出一團怒火, 甚至令你 burn out, 要擦出火花, 要一拍即合, 唔易, 但亦唔冇可能. 但願我地係基督裡培養出一種默契, 學曉點樣彼此包容, 彼此饒恕, 彼此相愛...... 同一班唔一定可愛又冇得揀既 「親戚」.
後記 乜野歌能夠叫好叫座? 諗左足足一季, 我最後都係 pick左呢首曲. 歌曲既起承轉合高低升降唔多, 不過夠輕快, 肯定唔係 Sandra最自豪既作品; 歌詞冇乜「玩野」同謎語, 經文引用唔明顯而且太福音性, 亦唔似係 Billy既一貫作風; 不過, 通常音樂人, 詞人甚至歌手唔太睇好, 反而會「跑出」. 因為太花巧既詩歌, 聽你唱冇所謂, 成日要我唱有難度嘛, forget it. 所以呢首 theme song係 purposely將個人執著放低之後既作品. 如果你唱得冇難度(其實對我來講寫得幾有難度), 咁即係代表我地成功左, 進步左
|