HOME PAGE  ::  THE BOOKCASE  ::  THE WATCH CABINET  ::  RETIOFOLIUM LATINUM  ::   BECHSTEIN-MOOR VIOLA   ::  HOUSE OF CATS  ::  THE MUSIC BOX




R E T I O F O L I V M   L A T I N V M

ubi reconduntur nonnulla linguam, mores, genium, relliquias denique et hereditamenta ueterum Romanorum spectantia.

Volentibus me cursus fulminei auxilio alloqui,
hic titulus adhibendus est:   oliver.mundy@talk21.com

O X Y D I C U S
felis, insigni specie præditus, sed inferiori loco natus,
de se loquitur.

Scilicet ex æquo (ueterum modo dicta sequamur)
  Spectatum Reges integra FELIS eat,
Non tamen his paribus pariter Fors temperat auras,
  Nam datur hinc Babylon, inde culina, domus.
Nec tamen hic de rege cano;  sibi distat et ipsa
  Felis, et Ops urnas huic quoque dura movet.
Nam, decimos cui narrat auos sua charta, ualebit
  Infame hæc nomen spernere Murilegi.
Quis clamor, ut feles agit unica pugna trecenos!
  Nec tamen arma mouent – dens latet, unguis abit –
Non his palma datur, sed enim cui longa parentum
  Tabula, non alii, præmia laurus abit.
Splendeat ante alios pellis, decut adrigat aures
  Horridulasque genas;  flammet ocellus uter;
Hæc, nisi constiterint generis longo ordine fasti,
  Iudicis auersi uana cachinnus habet.
Hæc mea tristitia, est, nempe cui argentea crine
  Vmbra micet glauco, longaque coma fluat;
Non super hæc Parthi (referam licet ipse, fidem da)
  Fulgidius pellis lucet acersecomæ.
At casa nascentem modo non labefacta tegebat,
  Cui solo catulis ex tribus iste color;
Aufugerat genitor, superûm uix ære notatus,
  Versicolorque parens ubera rubra dedit.
Nunc mihi sub dio percurrere gramina mos est,
  Luna cognato passibus ore nitet;
Dantque cibi sæpes populosaque pascua partem,
  Musque mihi atque lepus ludus et esca simul.
Nec sors usque dedit frigus tolerare uel imbres,
  Sed calor atque domus panditur atque sinus.
Mollior inde dolor.  Nam si tria nomina ferrem,
  Clauderet et cursus capsula dura meos,
Quî possem duplici genium protendere uita,
  Mollis et indomitus, deliciæatque ferus?

Iidem Anglice:

Image of woxdike.jpg