Classmates,

Napakasaya at napakasarap! At least masayang pagsasama bago umalis si Rommel ng apat na taon! Ang mga dumating: Terry, Glenn, Rommel, Edwin, David, George, Nestor, Arnelette, Mr. Salazar, Mr. Mia, Mr. Baltazar at syempre si Arnel.

Ang mga Pagkain hinanda ni Arnel and Jennifer: Goto ( original ng Lipa), binanging malalaking tipak ng baboy , binagoongan, inihaw na sariwang-sariwang tilapia, ginataang manok, paho at pulang itlog, inihaw na talong, bagong pitas na mura ( buko ), barakong kape.

Mga kwentuhan : sari-saring kwentong joke ni George Dee ( walang nalugi!), mga dating taga La Salle na namatay na, politika sa Lipa at pagkadidatong konsehal ni Mr. Salazar, mga nangyaring magaganda at malulungkot sa La Salle at dati nating mga guro, review ng Spanish with Mr. Mia, legal consultation ni Mr. Mia kay Atty. Dee, kurukotok, at kung ano-ano pa.

Arnelette 'Intel Boy' Abjelina

Eto ang picture namin during lunch. Natakluban ni Mr. Mia si George, hindi tuloy nakitang mu-al siya. Sabi ni Edwin, ang tapang daw kumain ni George. Aba eh, kain ng inihaw na baboy kasama ang taba! Sabi naman ni Glenn, hayaan na pa-minsan minsan lamang daw ito.

Asikaso kaming maigi ni Jennifer, Arnel's wife. She was Jennifer Rosales before she got married. Now she is Jennifer Lopez, J Lo, for short. Arnel's Tatay-in-law was also there to supervise the cooking. Recipe niya ang kaldereta. He confided to me that he wants to put up a restaurant and call it "Cooking ng Tatay Mo". In my opinion, magci-click ito. Ang inaalala lang niya ay baka may magtayo sa tapat at tawaging "Cooking ng Ina Mo". Pag nangyari ito, magtatayo rin ako at papangalanan kong "Cooking ng Ina Mo Rin". I am worried baka may magtayo sa kanto ng "Cooking ng Ina Ninyong Lahat"!

Teka, nasaan ang dini-dispedidahan sa picture? Wala, kasi siya ang camera man. Sarap na sarap ako sa Bicol express, paho at ilog na pula, inihaw na talong, ihihaw na tilapia na pumapaltok pa bago iluto sa sariwa......I will miss all these in Saudi Arabia and Bahrain.

Si David "I've Been to the Mountain Top" Cornejo, Jr. ay dumating din. Pagyakap ko sa kanya ay nakapa ko ang kanyang boga! Di na balisong ang dinadala niya. Ikinumpisal ko sa kanya na ako ang dahilan kung bakit siya napalabas sa classroom ni Bro. Gregory 35 years ago. Hindi na niya maalala. Akala ni Bro. Greg ay si David pa rin ang nagdududutdot ng papel na may tunog na parang typewriter sa ilalim ng desk niya. Ako iyon! Before that ay sinaway na ang klase ni Bro. Greg na itigil na. Tuloy pa rin ako. Ay sa wakas, na purga na rin itong kasalanang ito na matagal ko nang kinakarga.

Ang style ni Mr. Mia na babanggit ng pangalan pero nakatingin sa iba, ay ina-dapt daw ni Arnel Lopez sa kanyang mga lectures and presentations. Ito ang legacy ni Mr. Mia sa kanya. Bukod ang kanyang infamous saying na "Ang apog ay masama sa mata, kung bubulagin....." Tama ga ito? Mukhang mali yata. Dapat yata ay "Kung ang bulag ay aapugin ay masama sa mata...." Do I hear "ehhhhhhhhhhh". Matagal na tayong hindi nagkakalugihan. Tingnan ninyo ang paniimulang bungad sa email ni Kabise Robert -- "Mga Kalugihan".

Rodel "Tiger Pogi" Reyes called after lunch from Vienna and talked to all of us. Natatandaan pa siya ni Mr. Salazar na taga Banay Banay at medyo mestizohin. Sabi ko kay Sir, nito na lamang siya nag-improve ang kulay noong nag-migrate sa Austria dahil bibihirang maarawan doon.

Si Chuck...Nagpaplanong magbakasyon sa Espanya at nagrereview ngayon ng Spanish. Minemomorize daw niya ulit ang "Mi Ultimo Adios". Noong dumating siya ay may nagsalita na wala siyang dalang kontrabando. Doc hindi ako iyon ha?

Si Terry ay hindi mamukhaan ni Mr. Salazar. Sabi ko,"Nakow, Sir, si Terry ho ay kasama namin nina Beron at Marcel sa Mosquito Divsion. Noon ho ang tawag sa kanya ay "Kuto" (same genus as "Kuyumad" and "Lisa"). Ngayon ho ay "Garapata" na kaya hindi ninyo mamukaan."

Let me end by thanking all of you. Our class is blessed to have the gift of friendship. We continue to enjoy each others company and our "mighty bond" continues to grow and strengthen in every gathering. Mabuhay ang 1972 Red 505 at ang ating mga mahal na guro. We are what we are now because of them.

General Rommel 'Bayaw' Rosales

Salamat din sa iyo General. Ikaw yata ang pinaka-masipag sa grupo na mag-organize palagi ng ating mga reunion. Medyo malulungkot kami at malalayo ka na sa aming paningin.

Salamat ke Konsehal at sa kangyang magandang maybahay na si Jennifer sa pag-aasikaso sa amin. Sarap ng pagkain, sarap ng clima, sarap ng kape, sarap ng pritong saging na saba at tikoy, sarap ng mura’, sarap ng kwentuhan, sarap ng Swing, at higit sa lahat, sarap na namnamin ang pagiging-mga magkakaibigan.

Kahapon ay naalala ko ulit ang mga salitang kurokutok, huyo at sigaras. Merong mabantot na jokes si Fixcal pero kumita pa rin.

Sabi sa akin ni Mr. Mia ng ihatid ko na siya pa-uwi: “Ito ang isa sa pinakamasaya kong napuntahan na reunion. Ang pagkain ay na-iiba at pinaka-nagustuhan niya.”

Hasta pronto mi amigos…

Glenn 'Bruce Willis' Tolentino