"ხაშოლოგიური
შტუდიები" -
მამაჩემის მეგობრები
საკმაოდ ხშირად
იკრიბებოდნენ სანადიმოდ.
50-60-იან წლებში მხოლოდ
ჩვენს ოჯახში თვეში
ერთ-ორჯერ მაინც, უფრო
მოგვიანო ხანებში
შეხვედრებს უკვე ასე
ხშირად ვეღარ
ახერხებდნენ. ასეთი
შეკრებების ერთი ნაწილი
შაბათ ან კვირა დილით
ხდებოდა - იკრიბებოდა
როგორც წესი 5-6 მამაკაცი
(მეუღლეებითურთ
საღამოობით
ხვდებოდნენ)და მთავარი
კერძი ხაში იყო ხოლმე. არა
იმდენად ქეიფს
ანდომებდნენ დროს (არ
მახსოვს, რომ ვინმე
დამთვრალიყო), რამდენსაც
თანამედროვეობის
საჭირბოროტო საკითხების
განხილვას - ეროვნული
კულტურისა და
მეცნიერების საკითხებზე
სასიამოვნო ვითარებაში
და აუჩქარებლად საუბარს.
სწორედ ამ
მეცნიერული-შემეცნებითი
ელფერის გამო დაარქვა
კონსტანტინე
გამსახურდიამ ამ
შეხვედრებს ასეთი სახელი.
