Ale, kali by paŭtorna toj ža j taho ž škodliva abmoviŭ vidavočna, tady ŭžo, chacia by ad taho jon admaŭlaŭsia, a bok abražany daviadzie li taho pra jaho dokazam słušnym (jak ab dokazach asobna ŭ svaim miejscy ŭ hetym Statucie jość apisana), jon pavinny być pavodle praŭnaści pakarany viaźnicaju. Heta značyć u zamku abo ŭ dvary Našym šeść tydniaŭ siadzieć budzie.

A pry nievykanańni praŭnaści, kali by pakaranaja asoba ŭradu pasłuchmianaj być i ŭ viaźnicu sieści, abo ŭ joj čas pryznačany datryvać nie pažadała, tady musić za toje zapłacić štraf boku abražanamu 50 kopaŭ hrošaŭ adrazu, biaz pozvaŭ i biez adkładzienych terminaŭ. Hety štraf toj ža ŭrad z majomaści jahonaje boku abražanamu spahnać budzie pavinny pavodle artykułu ab spahnańni rečaŭ sudovych za ŭčynienaje. A zapłaciŭšy tyja 50 kopaŭ hrošaŭ, najdalej jamu ŭrad abaviazany listom svaim termin skłaści ŭ čatyry tydni ad atrymańnia listu, kab za tuju pravinnaść šeść tydniaŭ jon adsiedzieŭ. A za kožnaje niadosyć učynienaje siadzieńnie jon musić štraf, vyšej apisany, płacić. I nie pavinna toje jamu być prabačanaje, pokul usio nie adsiadzić.

A pa zavočnaj abmovie nichto bracisia nie pavinny, pakolki toje pry tym zastacca musić, chto zavočna abmaŭlaje čałavieka prystojnaha, bo dobramu čałavieku nie hadzicca lichoje havaryć ab prystojnym.