Havez vua propra senpaga ttteyo
Lansar balono tra rektangulatra kadro esas skopo neracionala, nevizinda da intelektoza homi. Probar facar lo per pedostroko esas intence selektar la maxim mala moyeno.
Nam se la skopo esus persequinda, esus plu bona metodo manujetar la balono!
La pedobalono mustas uzar la metodo dil kriketo!
Abatar tri paliseti, tre male stekita en la sulo, esas skopo neracionala, nevizinda da intelektoza homi. Forirar de oli til ke on distas de duadek e du metri, por jetar baloneto kontre li, esas intence selektar la maxim mala metodo.
Nam de la skopo esus persequinda, esus plu bona metodo -- abatar la paliseti per pedo-stroko!
La kriketo mustas uzar la metodo dil pedobalono!
Tale, la kriketo e la pedobalono, qui esas la du sporti nacionala di Anglia, povas deskribesar: "la persequo di skopo neracionala per moyeno nesuficanta!"
On darfas tamaniere diskutar kontre kriketisto: se vu deziras ke la paliseti stacez, por quo vu abatas li? e se vu ne deziras lo, por quo vu stekas li?
"Ma on ludas por lukto e vinko." To esez! Lukto signifikas, ne nur ke duadek e du homi "persequas skopo neracionala per moyeno nesuficanta", ma anke ke de du grupi de homi, l'uni impedas l'altri facar to, quo esas nule facenda e nule facinda!
Anglo neangla 1921
Havez vua propra senpaga ttteyo