昨晚程程十一點就訓覺~
我之後睇o左陣書都訓覺lu~~
今朝返到公司放低d野~
先去郵局寄野~~~
返到黎check e-mail~
有客回覆...
跟住就打電話比tony~
同佢商量d價錢啦~
而佢岩岩都同完老闆娘傾電話...
宜家係時間問題...
應該好快冇事...
之後我就打電話去美國比侯叔叔~
tony話佢昨日搵我...
搵唔到我...話我冇返工~
tony就同佢解釋昨日係放假...
日日我都有返...
侯叔叔吩咐我寄d貨去美國~
叫我包好裝箱寄過去...
於是...我就好忙咁包野...
有一件貨好大件...
我第一次包咁大件o既野~
希望寄到過去唔會爛啦...
不過...件貨會首先放入個紙盒再放入木箱~
應該唔會有事o既...
至於個紙盒...要星期一先送黎~
所以計埋整木箱...
要星期二先寄得~
但係我有d擔心~
因為要寄兩件細貨~
一件大貨~
我怕件大貨會壓爛細件o既貨...
好危險...
雖然個箱上面...我會寫邊度向上擺放先岩~
但運輸o個d人...佢o地會亂黎o架~
隨時將件貨倒轉黎放...
到時就慘lu~~
下午~有人打電話黎...
佢叫阿ken~係一間文儀用品公司o既sale~
o係舊舖o個時~
曾經喊哂口咁打電話黎sell野~
話今日做唔到一張單...就會冇o左份工~
先頭我都唔想買...
但苦苦哀求下...我就幫佢做成一張單價值$400~
當佢叫人送貨黎~我完全冇諗過佢會呃我~
所以睇都冇睇~就簽收~
因為我仲未有需要用~
所以就放埋一邊...完全冇拆開過黎睇~
到佢公司d人打黎話收錢o個陣~
話係800蚊數~ 我先拆開黎睇~
跟住我話我當時只係話買400蚊~
會計部o個個女仔都話退比我~
之後亦都派o左人黎收400蚊~
到o左今日~阿ken又打黎~
話當時肯退之後...其實係hold住o左張單~
宜家想要我要返...
我緊係啋佢都傻啦~
係咁同佢嘈...
跟住佢好似恐嚇我咁...
話做人唔好做到咁絕...
佢話佢當時錄o左我音~
我叫佢播比我聽...佢又唔肯~
話只係會播比我老闆聽~
跟住我就話...你有証據咪拎出黎囉~
播o左出黎~我當時真係聽到八百蚊都應承你~
我咪即刻幫你要囉~
真係我聽錯~ 真係我o既錯o既話...
我咪幫你要囉~
前後都打過三,四次黎~
後尾我放低電話~ 用fax機打去佢公司~
搵佢經理同我講...
期間~ 我都費事理o個個阿ken~
cut o左佢線~
佢經理了解o左件事~
期間~阿ken又打黎公司~
話宜家件事佢阿head知道...
話做人唔好做到咁絕咁...就cut o左得線
個經理話唔會再要我要o係張單d貨~
我話阿ken同我講d野~
令到我不安...我唔想有任何報復o既事~
因為我始終打開門口做生意~
個經理話明白~ 唔會有d咁o既事發生~
講真~我唔係因為錢o既問題而唔要~
而係我公司真係冇需要咁多ink~
我亦都唔係想佢冇o左份工~
我只係保障返我自己o既公司o既利益~
買d冇用o既野返黎...咪又係放埋一邊...
唉...同o個個阿ken嘈完...
搞到個人都好累...
好用神...
因為我同佢嘈得好大聲...
佢幾串呀~ 同我講...
你再大聲d丫~ 我聽唔到...
再大聲d丫....
真係想打佢一穫...
d咁o既sales~ 咁o既服務態度...
唔怪得之佢唔夠單交數啦...
抵佢死~!
