嘩...昨晚睇無線七點半o個個節目~
睇到整臘腸o既過程...
真係好驚...~
尤其是係個女人o係度吹o個條豬腸...
嘩...真係嚇到以後都唔敢食..
最慘o既係...
平時我仲鬼咁鐘意食臘腸o既頭同尾...
哎呀~諗起好嘔心...
夜晚同程程傾電話~
佢話...以前電視劇集都做過啦...
係一個阿婆o係度用口整o左鳳爪d骨出黎~
用黎整白雲鳳爪...
d人見到覺得肉酸...係因為o個個係阿婆...
如果換o左係個靚女...d人可能會覺得冇問題~
咁...係咪即係話...
昨晚個節目入面...
如果係個靚女吹豬腸...
我會覺得冇咁恐怖呢???!!!
我o地成家人睇完...
阿哥同老豆都話以後都唔食...
阿媽話..."雪櫃仲有幾"孖"o係度~
一係聽日整埋佢黎食...
唔通唔食...哂哂d野呀~~ "
跟住我就話...我聽晚唔返黎食飯lu~
諗o左一諗...
車~我根本星期六都唔o係屋企食o架啦~
阿哥話..."係咪真係聽日整呀?!
咁我都唔返黎食啦~"~
幾搞笑...
夜晚同程程講開佢細佬d成績突然好o左好多~
順道講起"出貓"呢樣野...
真係好想問下大家...有冇出過貓?!
我舊事讀中學...考第一o個個平時測驗都出貓啦...
邊有人未出過貓o架...
偏偏...程程竟然未出過貓...
我真係覺得佢係一個怪人...
佢話唔識就算啦...
佢真係一次貓都冇出過...
咁我覺得佢唔係呃我~
佢咁蠢...如果出貓~
分分鐘比人捉到...
所以~ 我諗佢係因為咁樣~
先唔出貓...
寧願唔識...唔合格都唔出貓...
昨晚食飯o個陣~
老豆o係度講返佢以前o係大陸買貨~
比人用把刀"吉"住打劫o既經歷出黎~
跟住~ 我就講我o個個阿ken恐嚇我o既事出黎~
老豆阿哥叫我去備案...
到後尾...老豆打電話比佢個friend~
問下洗唔洗備案...
佢個friend話唔洗...
所以~ 結果都冇去...
佢個friend仲話...最重要你有間公司名同電話~
你公司真係有咩事發生~ 咪入佢數囉...
程程話...我搬o左黎呢間舖~
好似成日冇野做...o係度撩事鬥非咁...
哈哈~
睇報紙~見到samsung介紹部sgh-s308電話...
機殼加o左d公仔上去...
嘩~問心講~真係好肉酸~
唔怪得之係限量啦~
因為太多o既話...部機一定會滯銷~~
出奇地...話咁快~
昨日訂o個個紙箱~先頭話星期一先有~
上午就已經送黎~
太好啦...
將件大貨放o左入箱...
不過都係有d擔心~
真係怕佢會爛...
另外~已經叫埋人黎度木箱~
箱貨星期一就可以出~...
睇新monday...
入面話麥記薯條o個d茄汁~
原來係有分級別~
分a1-a12~ a1最淡~a12最酸...
可以o係包茄汁o既角落頭發現佢o地o既分別~
下次等我睇下先~~
今日~ 有個以前幫我老闆娘做野o既人...
打電話黎~
佢o係度質問我...問我老闆娘d野~
我真係覺得好奇怪~
你憑咩呀?!
我有咩必要要答你呀~
佢仲話...咁間舖頭邊個睇住...
我話我囉~
佢就話...tony呢~
唔洗返黎咩...?!
喂~ 家下係咪我一個唔可以睇住間舖丫~
我老闆娘信得我過~
你吹咩~?!
唔通搵你黎睇呀~
之後...我打電話比tony~
佢話唔洗理佢~
如果佢黎舖頭~可以唔洗招呼佢~
因為佢份人好奸...
今日都幾多人入黎~
終於...第一次...當我去緊廁所~
有個鬼佬入o左黎~
我聽到鐘聲~
拿拿臨走出黎~~
無意中...發現到個網~
有齊張小嫻d小說睇~
so~ happy~
我緊係唔會錯過啦...
不過換黎o既後果~
就係條頸好累...v_v
