昨晚同程程傾完電話~
我再睇多陣新monday先去訓...
今朝...個心"蟻蟻"o地...
唔知咩事...
可能受天氣因素影響啦...
不過後尾打電話比程程~
佢話佢昨晚半夜肚痛...
想嘔又嘔唔出咁...
哼~ 肯定係關"魚一丁"o個間野事啦~
d野唔乾淨~
唔洗旨意我再去食~
程程下午頂唔順~
扣鐘走人去睇醫生~
醫生話佢腸胃炎~
too bad~~~
我寫o左封投訴信去"魚一丁"~
fax去銅鑼灣間分店~
本來我想e-mail o架~
但封e-mail彈返轉頭~
send唔到...
睇下佢o地點解釋~
今朝化妝...
花o左好多時間o係"畫眉"度~
自從開始畫眉...
化妝o既時間都耐o左好多~
不過...我已經踩o左隻腳落去~
"蚊"唔返出黎o架啦...
宜家根本冇可能唔畫眉~
如果唔畫...會好怪咁...
一早叫阿媽幫我入錢比張牧師~
另外再幫我寄野~
哎呀~當我返到舖頭~
我先發現比漏一封信佢寄~
真失察...
之後~打電話比張牧師~
話返比佢聽已經入o左錢比佢~
另外~又打電話去book機票o個度confirm~
同埋打電話去運輸公司~
睇下個客回覆o左寄貨d野未...
唉...仲未覆...
唔係話貴得滯...唔要呀嘛...
希望佢快d覆啦...
昨晚~
apple咪send o左個日記比我睇o既~
我都send 埋比程程睇~
後尾我熄o左電腦~
就叫程程send url比我~
等我返到公司有d娛樂~
嘩...真係越睇越頂唔順...
毛管都豎起哂...
笑到我同程程死咁滯...
聖子(tony男友)~
佢打黎叫我幫佢買廿個乾隆康熙d錢~
咁我就叫老豆幫我去搵啦..
但係因為落雨~ 收哂檔~
搞到我聽日要自己再去搵~
咁老豆去o左d行家度傾計~
又收到風~ 話我老闆娘今次好多穫~
放唔返出黎...
跟住老豆返黎同我講~
叫我下次佢o地拎錢返黎~
出o左d糧先穩陣~
唉...我係一個咁穩陣o既人...
竟然打一份咁唔穩陣o既工~
唉........
我公司出面o既地下砌o左雲石~
所以好"線"~
好處係唔會入水入舖頭~
唔好處係...會"線"親人~
終於~今日有個人"線"親...
唉...我都想做d野去令到個地冇咁滑~
例如買地毯...不過老豆話冇用~
只會令到d雨水"深"入舖頭~
咁我就舖o左d報紙o個d雲石上面~
舖o左一陣~
之後老豆行過...又話咁樣仲"線"~
於是我又執起返...
跟住我話去買個"小心地滑"o既牌~
老豆又話冇用~唔洗~
唉...算啦~
希望d人小心d啦...
我真係冇能為力...
今日老豆舖頭出面車垃圾仲未走~
搞到臭氣沖天~
加上落雨...
一定有好多細菌滋生o者~
老豆昨日已經打o左去食環處投訴~
唔知幾時先搞得掂呢~~
終於~ 我都睇o左"無間道"~
都幾好睇~
不過到最後...
究竟劉德華算唔算係變返做好人呢~?
但佢又殺o左林家楝喎~
落雨天~ 完全冇人入過黎~
等我早d收工...走人先~
哈哈~
