今朝搞掂好哂~
諗住出門口返工....
點知見到好大雨...
於是等o左陣~等到細雨d先出門口~
tony九點幾打o左兩次黎~
原來佢叫我去阿德度拎d舊錢幣...
點知我較o左靜音...
兩次我都想唔到...
後尾我o係屋企打比佢...
見咁耐都唔響...
我就收o左線~
過o左一陣~
佢又打返比我~
佢唔洗去買~
叫我晏d打電話比阿德...
問下佢有冇~
到十一點幾打電話比阿德~
響o左好耐都冇人聽~
過o左陣~阿德覆返我~
佢話佢冇...
於是我就去摩囉街度買啦...
去之前~我過去老豆度~
問佢去邊檔買先買到d真o既舊錢幣~
老豆就拎份報紙出黎~
一睇...下...唔係o掛~
老闆娘單官司出哂報紙~
認真死火...
唉........麻煩~
當我就行到去摩囉街...
阿德又打黎~
佢話tony打過比佢~
tony要d錢幣佢有~
佢先頭以為我講第二d~
先答我冇...
佢叫我去摩囉街睇下幾多錢一個先~
平o既咪買囉~ 一蚊兩蚊個...都買得過...
咁我去到老豆介紹o個一檔啦...
車~ 佢標價五蚊~
我老豆話"達"佢個"朵"~會收平d~
點知...都係減o左一蚊~
四蚊一個~
哈哈~咁我緊係冇買啦...
跟住我行去阿德舖頭度~
佢數o左二十二個比我~
錢佢冇收我呀~
但係佢之後會同tony計返~
下午三點幾~聖子就黎拎d錢幣~
我仲比埋今日張報紙佢...
帶上去比tony睇~
我朝早返到舖頭~
就開o左張支票~
帶埋d信...
去銀行同郵局~
郵局鬼死咁多人`
開o左兩個counter~
但係咁岩有兩個人有好多文件寄~
搞o左成兩個字...先到第二個~
真係麻煩~
我見昨日send封投訴信去魚一丁未有回覆~
我就再寫另一封fax去~
話佢o地唔在乎我o既投訴~
我朋友患o左腸胃炎~
昨晚身體發冷又發熱...
我仲話...我諗我要去有關衛生部門投訴~
才能令你們作出改善~
哈哈~ 就係咁...fax o左去一陣~
就有回覆~
懶係話昨日部fax機壞o左~收唔到我張fax~
於是我就fax返昨日封信比佢~
佢再覆返我~話今日會跟進件事~
聽日會作出交代喎~~
咁的而且確~程程昨晚o既情況唔多好~
佢自己都話未試過咁病...
都唔敢食d乜~只係食白粥~
今日磅一磅重~
仲發現輕o左~~
哎呀~ 我都好想腸胃炎呀!!!!
到o左今日~佢已經好返好多~
咁好返...自然我可以名正言順鬧佢~
哼!
昨日我見佢病~真係冇鬧佢呀~
夠哂比面啦...
哈哈~~
昨晚~ 我發現d牙有少少蛀牙o既跡象~
唉...我咁多年...最自豪就係冇蛀牙~
估唔到...臨老先打爛齋砵~
昨日我阿爸o個邊...
有發生o左d事~
我表姐~即姑媽個女...
竟然同我老豆講...
"比唔比錢(阿麻佢o地)關你乜事~
我唔洗同你交代~以後唔好再打電話黎~"~
嘩~你o地話丫~
咩態度~
話哂我老豆係佢舅父~
咁講野...係唔係人黎呀~
我o地全家以後都會當佢o地唔係親戚~
我老豆叫我同阿哥~就算o係街見到...
都唔洗叫佢o地~ 有咩後果佢負責~
當然~ 我一直以來~
都唔覺得佢o地係我o既親戚~
有時一年都見唔到一次~
我只係知道~次次有事先會打黎~
冇事...睇下佢o地會唔會打電話黎傾閒計丫~
一班只係顧及利益o既柴狼~
第時個天~一定會收佢o地~~
冇人性~
仲有姑姐~話阿爺死o左~
唔會理阿麻~ 由得佢訓天橋底~
都唔會交租比屋佢住...
嘩~~~你o地話...邊有做仔女做成咁o架~
佢去ball~ 洗幾千蚊甚至幾萬蚊都唔當一回事~
租間屋比阿媽住...最多都係幾千蚊一個月~
唉....我都真係唔知講d咩野好...
癲o架~
下午~
我又帶o左套睇o左起碼四次...
o既"新紮師妹"落舖頭睇~
哈哈~ ~~~~吳彥祖好型呀!!!!!!
不過睇完一隻~
諗住開第二隻黎睇~
竟然開唔到~
唔知搞乜鬼~
隻碟冇問題丫~
連一d花都冇~
真奇怪~
今晚返屋企試下再睇先~~
