今朝都係九點三左右先起身~
阿媽晨咁早又係度煲湯...
嘈到我頂唔順...要起身關門...
呢兩日...我都著o左恤衫返工~
感覺上...件衫好似鬆仔o左~
哈哈~ 希望唔係錯覺黎啦...
返工前~買o左整新monday~
返到舖頭~我就執返d報紙呀~
舊雜誌咁...
跟住就拎哂過去比老豆~
等阿伯黎拎o個陣比哂佢...
之後~ 我就繼續整公仔...
昨晚已經同程程商量過...
決定將佢命名為"小灰"~
岩岩整o左耳仔比佢~
塞哂棉花...連埋o左個頭~
宜家差眼口鼻...
暫時冇乜idea~~
唔知點整好...
究竟用衫扭丫...
定係買d小學用o既識郁膠眼仔痴上去呢?!
今日lunch~
d"食送"係d齋煲o個d野~
所以唔"浸"得水~~
另外煎魚...放落去滾水又會怪怪o地咁...
最後...只係放o左塊肉餅落去...
下午有個人入黎~
佢個look好恐怖o架~
阿哥冇幾耐之後都入埋黎~
因為o個個人之前入過老豆間舖~
又係睇o左好耐...
老豆就叫阿哥過黎睇下...
睇下佢有冇入黎...
結果~ 佢真係睇o左好耐~~
唔好話我話啦...
佢個look完全唔似有錢買野~
d衫爛啦~ 個頭有頭皮啦...
著襪著涼鞋啦~ 同埋塊面好多粒粒~
睇到我毛管都豎起哂...
後尾佢走o左...阿哥同我講...
話我呢面o既冷氣可能夠~
所以聞唔到佢陣味~
o係老豆舖頭o個陣~
因為唔夠冷氣~~臭到死~~
搞到佢走o左之後~
老豆要點d"檀香"黎"pig"味~
仲有呀~~佢本身拖住個行李箱~
佢一入黎~
我以為佢係入黎問我收唔收貨...
即係佢帶o左d貨黎...睇下我o地要唔要...
點知佢又唔係喎~~
而且...好似唔多識野咁...
連件貨係咩朝代都唔知...
最後...佢仲拎o左我o地張卡片先走tim~~
另外~ 阿哥聽日同friend食飯~
話去銅鑼灣...問我有乜好介紹~
我就介紹o左佢去貓竇啦~~
哈哈~ 好彩上次拎o左張卡片...
如果唔係~我都唔知點形容比佢聽點去...
期間...蔣小姐叫o左佢細妹過黎~
佢同我講...
我舖頭d傢俬原來未比錢...
佢睇下我o地點...如果唔係...佢就搬走...
咁我就叫佢寫張單黎先啦...
睇下大約幾多錢~
如果合理...咁咪買o左佢囉~
如果開天殺價...咁咪比返佢o地...
到時再算囉...
之後~我打比tony~
佢同我o既諗法都差唔多~
睇o左張單先算...
而我同我老豆講~
佢話就算比佢o地搬走都冇問題~
最多搬屋企同舖頭d傢俬過黎用住先~
唉...我o地成家人...都算好支持呢間舖頭~
咩都幫我o地諗埋...
雖然...唔會借錢比我公司~
不過幫得到o既野~都會出手幫...
算係咁啦...
今朝有d病...
猛流鼻水...
好彩下午o既情況得以改善...
我諗...天氣開始轉涼啦...
身體o係度適應緊...
仲有d毛毛雨咁...
呢隻feel~令我覺得好滄涼~~
