今日早返少少起身~
九點就起身lu~~
仲紮o左辮返工...
返到去~
都係睇下雜誌睇下書咁~
同埋上網聽返電台d節目~
其中聽o左個好恐怖o既野...
係講"八仙飯店"~ 即係人肉叉燒包呢~..
嘩...一邊聽...
我一邊feel到自己心跳加速...
成個人都好confuse咁...
哈哈~ 真係冇鬼用...
程程猛話...都唔知有乜好驚...!!
另外~ 亦都聽返好多歌星o既訪問~
例如~twins咁...
原來阿嬌之前係冇做過ol o架~
根本冇d咁o既事~ 但係d傳媒又傳到咁"恆"~
而阿sa亦都根本冇讀過國際學校...
真係搞笑...
昨晚已經一早同阿媽講好~
程程黎食飯..整豉汁蒸排骨就得..
點知今朝起身~
佢竟然o係度整芋頭"蚊"排骨~
唉~~ 咁岩...程程唔係咁鐘意食芋頭~
真係邪~
後尾諗下諗下~都唔怕啦~
我逼佢食~佢冇理由唔肯食~
之前佢都話唔食芋頭啦~
後尾咪又比我感染埋~~~~~
跟住我打電話同佢講啦~
佢話..."咁好啦~食啦..."
我再同阿媽講~
點知佢已經將d野倒o左入個盒~
佢話留返星期日佢o地自己食~
佢一陣再買過喎`~
到最後...今晚都係食豉汁蒸排骨...
昨晚幫阿哥打貓竇個電話~
點知真係打唔通喎~
於是~ 我打o左去上次o係貓竇拎o既卡片..
係一間水晶舖頭o既卡片黎o既~
佢o地放d卡片o係貓竇做下宣傳咁...
咁諗住佢o地應該知貓竇個電話...
佢叫我留低電話...佢幫我搵下...
但係...佢後尾話比我聽o既號碼~
都係本身卡片o個個電話...
真係唔知點解唔通...
激鬼死~
不過佢肯定唔係執o左粒...
到今日~ 我search到貓竇有個網址~
o個度真係一個les zone黎~
哈哈~唔怪得之o個度d女仔有d怪怪啦~
下午~ 我見櫥窗玻璃都幾dirty~
咁就出去抹下咁...
另外再清潔下周圍d地方~
嘩~ 盤水又黑鬼哂咁...
過o左冇幾耐...落起雨上黎...
d玻璃又濕哂...
唉~前功盡廢... v_v
跟住都係上網玩下game咁~
打麻雀呀~ card game咁...
悶到死死下...
程程下午偷偷o地去買冷比我~~
哈哈~ 佢再唔去買...
我o地聽日就要特登去旺角買lu~
放工...返屋企...
飲o左d野飲...又食o左兩塊餅...
因為程程成八點幾先黎到~
我話唔洗等佢...
我o地食先...
點知老豆阿媽死都要等埋佢~
聖子(tony's bf)夜晚打黎~
問公司有冇網址...
有個鬼佬客想買野...
佢話如果岩...先帶佢落黎睇~
唔岩就費事帶佢黎喎~
唉...鬼佬?!
哈哈~就憑你?!
哼~ 吹水你就叻...
會咁好死幫我o地搵生意...
慳d啦...
食完飯...我o地o係度睇"第一滴血"~
開始睇冇幾耐...o係度諗...
點解唔係我印象中o既第一滴血咁o既~?!
原來...我印象中o個套係"rocky"...
唔怪得之啦~~
我一邊睇~ 一邊織頸巾~
教程程織o左一針~
佢望住我織...織得咁快~
佢話頭都暈埋~ 哈哈~~
睇到十點半~我o地就去睇"神鵰俠女"~
睇完...就睇返未睇完o既"第一滴血"~`
之後就訓覺lu~~
