昨晚又因為程程冇記性~
激起我把火...
所以...十一點左右就已經訓覺lu~
跟住我記得自己發o左個夢~
個夢主要講我條褲"爆tie"o既經歷...
夠哂搞笑...
又會發d咁o既夢o既...哈哈~~
今朝其實諗住早d返舖頭o架~
但係...今晚要出街~
所以整下呢樣~整下o個樣~
都要成九點七先出得門口...
返到去...放低d野~
過去老豆舖頭度飲茶...
哈哈~ 老豆一見到我~
佢就話..."嘩~乜咁恆呀~"
我只不過係紮起o左d頭髮o者...
乜度"恆"呀~~~?!
之後.當然係繼續包d馬啦...
包到十二點左右~
終於都大功告成~
希望寄到過去...拆返出黎o個陣~
唔會爛啦...
包完野...七國咁亂...
今次當然唔例外啦...
而且情況仲幾嚴重下tim~~
大大約約執好~
我就食飯~
食完再執...
跟住我就準備定fedex d waybill呀~
invoice等...
我今日特登拎返張舊報紙出黎~
當時見到介紹d野好似幾好食咁...
所以就keep低...
我就照上面寫個電話...
打電話去book檯啦~~
間野o係尖咀o架~
咁我同程程今晚就會o係尖咀活動~
上次上o左山頂...
今次就費事再去啦...
加上程程聽日都要返工...
哈哈~~ 我就放假~~~ yeah~~!!
打電話去供樓度...
同o個個人講~
可唔可以遲d先供..
佢話冇問題o既~
不過要計返息...
唉~唔緊要啦...d息最多咪幾百蚊~~
總算可以拖多幾日...
下午~ 個客黎o左...
我confirm好d運費~
而昨日收佢d錢...根本唔夠~
所以我就要再收多佢幾百蚊啦...
不過點都好...
佢d貨...就算計埋運費~
個成本都好平...
另外~ 有個意大利女人...
佢係o係台灣教書o架~
所以佢識講國語...
都黎過幾次o架啦...
佢今次好鐘意一個公仔~
開價三萬五~
佢由萬五出到兩萬...
但係買返黎都唔止呢個價啦...
最後...打比tony~ 佢話冇可能~
再打比侯叔叔~ 佢訓緊覺~冇人聽...
結果~我叫佢留低e-mail~
我話會幫佢問$20000得唔得~
之後會覆返e-mail比佢...
其實...我心裡有數啦~
如果兩萬肯賣...一早就賣o左啦..
. 又如果唔係靚野...佢亦都唔會肯出兩萬啦...
佢只不過係一個老師黎咋喎~~
兩萬對佢黎講算係一個好高o既價錢...
佢死"蟻"我都冇用...
我只可以講聲sorry~~~
未夠六點...周圍d舖頭已經收舖lu~
我反而開到七點左右先走...
天都黑哂lu~~
我行去搭地鐵o個陣~
經過"翠華"~
我就入去投訴佢d月餅有苦味~
希望佢o地注意一下...
不過...櫃檯o個個人只係個"靚妹"~
佢只係同我講..."唔好意思呀下"~
唉~~有鬼用咩...
去到尖咀...我自己去o左海港城行~
再去睇部vcd機~
oh~~我睇中o個部~
原來剩返display o個部咋...
唉...算啦...
book o左九點鐘檯...
有排先有得食...
咁我就去o左city super買o左包蝦片...
同埋一盒香蕉味百力滋...
哈哈~ 包蝦片好好食~~
到八點左右~ 程程先黎到~
我o地就諗住早d去有冇檯啦...
點知咁好彩...好快就比o左張檯我o地lu~~
呢間"客家好棧"~
如果五粒星係滿分~
我會比五粒~~
真係十分之唔錯~~~
無論環境~ 服務態度定係食物o既色香味...
都係滿分~~
連個廁所都幾有特色~~
正呀~~~
我o地決定程程媽咪生日o個陣~
同佢黎呢度食飯呢~~~^_^
食飽飽~
都冇話特別去邊...
經過d小販檔...買o左個閃燈球~
呢個野o既設計幾得意~
總之一"鏈"佢...佢就會著...
再"鏈"~就會熄...
十蚊咋嘛~~好抵玩~~
咁中秋節...賞月當係應節o架啦...
o係太空館附近抬頭望...
個月亮好靚...
聽講粒火星昨日仲近個月亮...
今日反而離遠o左...
我不嬲都覺得...望見月亮o既人係好幸福~
我叫程程用部電話影低o左個月亮...
希望記住o個一刻...
雖然...影o左落黎...
佢只係一點咁細...
程程話影黎唔知做乜~~話洗o左佢...
我就死都唔比佢洗~~
唉~~睇黎佢並唔明白我o既意思~~
中秋...食月餅亦都係另一個應節o既動作~
就算唔食...睇到個月餅都好丫~~
咁我就帶o左個志蓮月餅比程程~~
搭船返屋企o個陣就拎出黎比佢啦...
哈哈~~
之後~我就打電話比athena~
佢出o左街~可能嘈得滯~聽唔到電話~
咁我就試下打電話去佢屋企~
佢媽咪問...邊位搵佢呀?
我就諗o左一陣~夠竟我答"朋友"丫~
定係tobey呢?!~
最後都係答tobey好d~
答朋友同冇答根本冇分別~~
跟住再打...athena終於都聽到~~
哈哈~原來佢上緊山頂玩~~^_^
返到屋企~ 都係十點半左右~
阿媽留o左蟹比我食~
程程冇食呀~ 佢怕麻煩嘛~~~
阿媽執o左一袋木瓜比佢帶返屋企~
我先頭叫佢搭的士返屋企o架~
但係...好彩程程最後決定行落去搭巴士咋~
因為塞o左好耐車...
如果搭的士就死火囉~~
今日都好累...
聽日可以訓晏d~~
最後~點都要講返句...
中秋節快樂~~
