昨晚訓覺~
聽o左一陣收音機...
原來今日係張國榮o既生忌...
我今晚特登播o左首"夜半歌聲"黎懷念佢...
今朝十一點左右起o左身~
阿哥以為我已經食o左麵包~
所以佢就食哂...
咁我昨日買o左一盒香蕉味百力滋...
一盒有兩包~
我分o左一包比程程~
我自己有一包...
於是~我就諗住食o左佢就當係早餐~
不過食完都覺得好空虛咁...
咁我唯有食埋最後一個酥皮月餅~
雖然係迷你月餅...
不過都幾滯下...
食完都好鬼飽...
之後~我就敷mask~
敷完塊面乾淨哂~
so happy~
跟住我就睇還珠格格vcd~
原來...紫微格格有另一個稱號...
就係叫做明珠格格...
哈哈~ 唔睇返都唔記得tim~~~
到兩點三左右~我就出門口lu~~
先頭約o左athena兩點半o係文武廟等o既~
不過...落到去..都未夠鐘~
咁我就向athena屋企o個邊行...
順便睇下d行家有冇開舖~~
果然~ 都有幾多人開舖~~
佢o地緊係冇野做...所以開舖啦~
我唔理咁多...難得有假期...
我緊係照放假啦...
經過馬會~買o左張六合彩~
聽講有好多錢累積獎金...
廿蚊...咪當係買個希望囉...
買完出黎...
正準備打比athena...
就見到佢lu~~
我o地一邊行...一邊傾~
一直行到去中環...
唉~ 中環雖然係我地頭~
不過...我就真係好少o係中環食野~
搵o左一陣...都唔知去邊好...
結果好求其咁間叫kosmo度坐低...
一人叫o左杯野同埋件cake食~~
athena個髮型好靚~~
佢之前咁多個look~
我覺得呢個最襯佢...^_^
我o地傾到差唔多成六點先走~~
真係好利害~~
講到我宜家都覺得有d喉嚨痛...
哈哈~~講得太多野啦...
如果o個度唔係有d"蚊滋"仔"嬲"黎"嬲"去...
我諗會仲更加好...
經過今日傾計...
我又覺得...
人生真係難得遇到一個交心o既朋友...
同埋~ 我o地都好幸福...
我一定會好好珍惜宜家擁有o既野~~
返屋企途中...拎部電話出黎~
見到有幾個未接來電~
除o左程程打黎之外~
仲有個不詳人打過黎~
我估可能係tony~
於是我就打電話比佢啦...
原來唔係佢...
佢仲問我o係邊...
我話今日假期丫嘛~~
佢話...係咩...哦~ 咁唔緊要啦...
我個心就諗...下...咩野唔緊要呀~
唔通假期我都要返呀~~?!
你o係上面就日日訓到"黃朝百晏"~
我日日都返工...冇偷懶o架~
放假係我應得o既野...
可能佢都唔係咁o既意思~
不過我聽者有意嘛~~
過o左一陣~` sisi打黎~
原來係佢搵我至岩~~~
佢打黎~
緊係冇錢啦...
佢次次都係冇錢先打電話返黎o架啦...
我之後再打比程程~
佢今日好精彩囉...
同輝輝飲茶...
傾o左好多野...
而且事情o既發展~ 亦都出乎我o地o既意料~
原來所有野~ 都另有內情...
我覺得輝輝好偉大...好幸福~~
真係好羨慕佢...
佢努力為自己o既將來舖路...
我實在要衷心祝福佢...
下個月如無意外就要去飲~~~~~
哈哈~~~
前日阿哥咪買o左隻jackass vcd返黎o既~
我睇o左第一隻...
前晚諗住睇埋第二隻~
點知...發現唔見o左~
我以為阿哥拎o左去睇~~冇放返入盒度~
我見阿哥今晚拎出黎睇~
先發現...原來係本身已經冇第二隻~
阿哥根本冇拎走過...
又會咁奇怪o既~~
今晚~ 美麗在望大結局...
個結局緊係大團圓啦...
都ok好睇啦...
對六合彩~~
竟然中o左三個字~~
真係好啦~~~
好日唔買一次~
一買就中...
雖然只係收返廿蚊~~
都好過有d人連廿蚊都冇得中啦...
嘩~~中頭獎o個個仲係一注中~~
發達囉~~~!!
