今朝...我聽到好嘈...
當我發現o既時候...已經太遲啦...
我屋企咪養o左條魚o既~
佢生命力好強~
我成日都覺得呢條魚好利害~
昨日o係旺角睇o左陣金魚...
先同程程講...都係屋企條魚最利害~
養o左咁耐...
點知...今朝佢已經比阿爸沖o左落廁所~
唉...如果佢唔係成日發神經...
成日"勃"水..."勃"到d水周圍都係...
佢今日就唔會落得如此下場...
老豆比完野比條魚食~
條魚就o係度猛勃水...
老豆就把鬼火...倒o左佢落廁所...
雖然...佢可能得到自由~
但係...亦都可能將佢推向死亡之門...
當我打電話比程程同佢講o個陣~
程程竟然搞笑地問我o地楝大廈係咪u型聚水器...
一陣可能條魚死o係sars手上...就慘囉...
唉...睇怕...條魚都凶多吉少...
今朝早o左返公司~
因為要o係十一點前裝好箱~
等fedex黎收~
一返到去...打電話比錢生~
叫佢可以早d黎舖頭裝箱~
十一點左右~
fedex就有人黎收o左箱貨~
大功告成...
希望聽日美國o個邊收到之後~
唔會收到d貨爛o左o既消息啦...
搞掂好之後~
又係睇網上小說...
之後...再睇"mission impossible"~
終於都挨到四點幾...
呢一排o既lunch~
都keep住係食12蚊一個o既飯盒...
o個度有三款飯揀...
分別係"咸魚蒸肉餅""鳳爪排骨飯"~
"北菇雞飯"~
日日食...都會厭啦...
不過佢勝在平...
所以...點都會忍...
你o地計下啦...
12x6=72~
但如果我學著好似以前咁...
日日都係食30蚊...
30x6=180~
夠我食兩個幾星期啦...
基本上...日日都係食差唔多o既野~
好似早餐咁...
朝朝都係食兩塊白麵包夾芝士火腿食...
不過...我會諗...
如果我厭o既話...阿哥一定會厭過我~
因為佢起身o既時候...
都已經好晏...
朝朝佢都係食同我一樣o既野~
但佢食o既份量多我三倍~
即係佢食六塊麵包左右~
而呢d...就係佢o既早餐加lunch啦...
可能就係因為咁樣...
平時屋企都冇咩特別野食~
所以一到星期六星期日就會狂食...
對面有間舖頭...
唔知係咪做唔住...
要執粒喎~
不過...佢本身有幾間分店...
可能宜家真係市道唔好...
執o左一間...可以減輕皮費...~
