昨晚去接程程放工~
之後我o地就去食過橋米線...
再去食"幻彩明珠"~
好滿足~好飽呢~~ ^_^
食完野...經過間"漢寶酒樓"~
嘩...好多人...
真係好多好多...
可能係母親節o既關係啦...
如果連平時都係咁多人...
香港o既經濟應該好快復甦~
程程講o左一個半故事比我聽...
先訓覺...
今朝十二點左右先起身~
之後就落去中環搭104去旺角~
朝早冇食早餐...
臨上車之前~
o係百佳買o左兩串魚肉燒賣同埋兩杯汽水...
都係十蚊~
好鬼抵~
而且d燒賣仲幾好味tim~~
阿媽昨晚開o左盤水...抹乾淨屋企d地方...
當佢諗住拎起盤水倒落廁所o個陣~
整親條腰骨~
唉...阿媽話食o左蟹熱氣...
谷埋d"火"...所以先會整親喎~
o係旺角...搞掂好哂交收o既野...
就去食野...
起身o個陣~ 搵到本書仔...係介紹d甜口o既~
睇到一間甜品店d野好似幾好食咁...
於是就決定去啦...
間野叫做"石磨坊"~
我o地坐低o左之後~
陸續都有人黎食...都幾多人下o架..
因為地點唔算旺...
我諗d人多數都係睇到介紹...
先慕名而黎...
值得推介o既係...芒果撈河粉...
所謂o既河粉...並唔係真正o既河粉~
係用椰子同麵粉整出黎~
口感似係河粉...
但食落去...d感覺好特別~
另外~我仲叫o左一樣甜品~
先頭以為係凍...點知係熱...
而且好"漏"~
我諗係因為未食正餐...
一食就食d咁甜o既野所致...
之後~我o地都冇食正餐...
只係買o左d小食黎食...
哈哈~~ ^_^
終於o係潮流特區買o左本簿...
因為之前o個本紀錄每日洗費o既簿...
都差唔多用哂...
係時候買本新o架lu~~
前兩日包完一件大貨...
周身骨痛咁...
而且左手手臂好似硬o左咁...
隻老鼠仔結實o左...
不過呢...我成日覺得手"臂"腳"臂"咁...
程程叫我唔好發咁大脾氣...
呢d係中風o既先兆~
真係"叉"住佢呀...
搭車去旺角o個陣~
我o地係坐o係上層o既~
過o左冇幾耐~
有三個巴士司機上o左黎~
佢o地o係後面高談闊論...
成架車都嘈哂...
真討厭~~
好鬼想投訴佢...
見到有一個商場...
記憶之中, 好似去行過一次~
但係都好耐之前lu~
點知...今日再去行...
嘩~不但明目張膽買翻版...
仲有勁多四仔賣...
嚇到即刻拿拿臨走人...
真係估唔到...一間外表咁正經o既商場~
入面會係咁...
程程竟然好醒咁...
識得申請繳費靈o既野...
哈哈~
有d刮目相看~
因為佢覺得麻煩o既野~
通常都唔會去整o架嘛...
見到d珠寶行...好吸引...
仲有分期...
一個月都係幾百蚊...
不過...我都唔係咁貪慕虛榮o既...
冇唔會死...
夜晚~去o左間"心粥館"食粥~
都幾好食...
除o左條"油炸鬼"~
可能炸完放o係度太耐o掛~
夾埋都係食o左50蚊~
仲平過食海皇~
食完~再去聯合行埋...
就搭車返屋企lu~
