昨晚成家人都o係度話我肥...
我老豆話食麥皮有用~
佢食o左麥皮個肚腩都冇咁大...
於是~ 我就決定今朝試下食啦...
唉...我其實不嬲都唔鐘意食麥皮~
阿媽都知我唔鐘意食~
不過既然我話食~佢今朝咪整比我食囉~
我每一啖...都係"e"哂口咁食~
我真在頂唔順一"pat pat"o既野...
食o左十幾啖...仲有好多...
結果~ 我都係問o左阿媽一句...
"可唔可以唔食呀?"~
阿媽就好無奈地...倒o左...
唉...一生其中o既樂事之一...
就係食野...
如果要我食d咁難食o既野~
我真係寧願唔食...
程程就話我哂哂d野~
佢都唔知幾鐘意食咁話...
叫我第時早餐整比佢食喎~~
哈~ 又睇下點...
佢唔洗整野比我食已經偷笑~
仲話要我整比佢食~
發夢啦...
平時著開o個件外套洗o左~
我見落雨天~
公司個冷氣實會更加凍~
咁我o係個櫃度搵褸~
又覺得著冬天d褸好似好誇張咁~
於是~我就搵o左件冷衫出黎~
諗住"褸"下就算...
點知...真係太凍~
我結果著o左件冷衫...
d人o係街出面望入黎舖頭~
一定會覺得我好誇張o者~
返工o個陣~
見到新monday出o左~
本來都唔諗住買o架啦~
但係見到本副刊係講lv~
咁我就買o左本啦~
呢排本本雜誌o既副刊都專題講lv~
雖然好多內容都係重覆o左...
但係...亦都有好多追捧者~
當然---包括埋我啦...
返到舖頭~都實在冇咩野做~
睇完monday...
我就打電話去維也納~
又打比sisi confirm機票d野~
好可惜...個個都搵唔到...
跟住我又打電話比德國佬追佢數~
雖然...搵就搵到佢~
不過佢o係機場~
傾傾下就cut o左線~
佢話o左聽日send fax比我~
又睇下點...
過o左陣~sisi打返黎~
終於都confirm好機票d野~
咁聽日拎埋機票~
我就可以寄比佢lu~
今朝阿媽比o左兩版報紙我睇~
兩版都係減肥藥d廣告~
叫我睇下邊隻好d喎~
咁我揀o左一隻...
到下午佢買飯比我o個陣~
順便買埋呢隻藥比我~
咁我就食o左o個d藥...先至食飯啦...
今日又落雨啦...
日日都落雨...都唔怕煩o既~
昨日黎買野o個個客今日又黎o左~
佢鐘意o個隻大馬~
tony唔肯咁平買比佢~
睇o左一陣佢就走lu~
侯叔叔應該聽晚會返到黎香港~
九點幾到, 搞掂好哂~
我諗都要成十一點先去到灣仔o既酒店~
佢有件貨交低比我~
我亦都要交低d相同埋手機比佢~
所以我要去酒店搵佢...
不過聖子今日仲未拎野比我~
都唔知佢幾時拎黎...
唉...
仲有呀~聽日我同程程都唔知去邊好...
都唔知返屋企先丫~
定係去街...直到佢去到酒店為止~
下午見冇咩野做~
我就將公司部屈臣氏水機洗乾淨啦...
其實部機放o左o係度好耐~
亦都訂o左枝水好耐...
不過就未放枝水落部機度~
因為部機係o係老闆娘屋企拎落黎o架~
佢部機就咁放o係度好耐冇用過...
封哂塵...
咁打電話去屈臣氏~
問佢o地洗機要幾錢~
嘩~要成四百蚊~
咁貴~緊係唔搵佢o地洗啦~
tony同聖子講起~
咁聖子佢屋企有好大個魚缸~
佢成日都洗慣魚缸~
所以佢自告奮勇話幫我o地洗~
但過o左咁耐...都冇跡象黎洗囉...
結果~我今日就盡我o既能力去洗部水機...
洗到我自己認為乾淨...
就放枝水上去...
插埋電掣~
好野~第時有冷熱水飲~
哈哈~~
其實一個人肥, 飲水係好重要o架~
我宜家日日都只係飲兩杯茶...
同埋一枝水...
根本唔夠八杯水...
加上減肥藥o個度寫住...
要配合飲八杯水...
先發揮到更好o既效果~
咁我先的起心肝去洗部水機咋~~
哈哈~
昨晚程程同我講...
話佢昨日下午d同事去飲下午茶...
佢雖然有去到~但係乜都冇飲~乜都冇食~
齋坐...
d人問佢做乜唔食野啦~
佢就話咁辛苦減o左幾磅...
緊係唔食野...搞到自己肥返咁笨啦~
當時~
我都唔"維意"佢講呢d野比我聽o既用意~
宜家諗下諗下...先知佢有d野o既...@
大家都知道我掌握佢o既財政大權~
我每個星期都會比零用錢比佢`
但係...都幾"黑薄"~
仲少過佢以前返學o個陣o既零用錢~
不過~我都未至於太衰...
我有張bank in one同埋本身張恆生卡~
咁我就比o左張bank in one佢~
到佢真係冇錢...自己都可以去撳機~
唔洗我特登去過錢落佢戶口度~
咁好多時~我都會呃佢...
例如~佢銀包仲有錢~
咁已經到o左第二個星期~
即係要比另一次零用錢比佢啦~
咁我就唔會比哂全部佢...
咁一星期有100蚊零用錢~
到星期尾..佢剩下30蚊~
咁我就會比多70蚊佢就算...
哈哈~~
我就係咁呃佢o架啦...
所以...有時諗...佢都幾慘~
不過...有d野~係因果循環o既...
講返佢講下午茶比我聽o既用意...
星期三晚佢黎我屋企食飯~
當時見到佢銀包仲有四十蚊~
諗諗下...佢可能係因為冇錢先唔食野唔飲野~
咁我頭先就即刻打電話比佢...
問過究竟~係咪真係冇錢~
佢話佢昨晚講比我聽...都有少少咁o既意思~~
跟住佢話...公司終於都比返200蚊佢...
(即係無論消費o左幾錢~
拎返張單返公司~公司最多會比返200蚊佢o地,
支持留港消費咁話喎~~)
咁佢八達通又冇錢~
咁我就話o個二百蚊唔洗比返我~
比o左佢去增值~
同埋當係下星期o既零用錢啦~~
哈哈~
其實我o地兩個都好慳...
我宜家日日食飯都唔洗錢~
老豆見我冇糧出嘛~
咪唔洗比錢囉...
前幾日...我見公司有d錢~
我就出返哂我d糧~
比o左8000屋企...
呢排銀行戶口o既數字不斷下降~
真係有d危機感..
一來怕我遲d會冇野做啦...
所以d錢要留返黎慢慢"meet"~
除o左食同埋搭車~
買野我都冇以前咁闊綽~
無謂野真係唔買咁多~
留多個錢o係身~真係冇壞o既...
今日以前個伙計~albert打黎~
又係追佣金d野~
唉...仲話無謂要佢去勞工處追究咁話喎~
咁我打電話比tony~
佢一聽到...就扯火~
唉...欠人o既...始終都要比人....
如果比著係我...
我真係會比返d佣金比albert先囉~
舖頭宜家咁樣...
無謂再比其他人講公司閒話啦...
跟住阿沈又打黎~
佢係一個好八卦o既人...
我都係敷衍佢...
話乜都唔知~唔係咁清楚~
一陣佢同其他行家講...
話我講o左d咩...咪死~
呢d事~可免則免啦~~
六點鐘~
打電話比侯叔叔~
叫佢起身~
佢可能要準備去機場o掛~~
我都差唔多時間收工lu~
無驚無險~又一day~
so happy~~
