昨晚程程激嬲我~
我就要佢罰抄我昨日o既日記五次~
到o左今朝~
其實我都已經唔記得o左做咩事嬲佢~
佢話比我聽~佢冇抄到...
(都預o左佢冇抄o架啦~)
仲話...
昨晚佢差d以為自己唔知患o左咩怪病~
會死咁話...
因為佢全身都好"痕"~
唔知咩事~
隻眼仲腫o左...差d睇唔到野~
於是...佢就唯有去訓覺...
訓著o左就唔"痕"啦喎...
侯叔叔今晚就返...
我見聖子都冇黎拎野比我~
咁我就打電話比tony啦~
最後...佢叫我上去深圳搵佢...
咁我就打電話比程程...
睇下佢陪唔陪我上去啦...
(佢其實冇得揀......)
跟住我覆返tony~
佢就叫我五點幾收工...
臨上去前打電話比佢~
咁我食完lunch~
我就即刻上屋企拎返本回鄉証...
除哂d錶呀~耳環咁...
d信用卡呀~ 乜都放低哂..
以防萬一...
sisi張機票出o左~
公司d錢又少o左一節...
成九千幾蚊呀...
唉...
星期一仲要拎去寄tim~
要去深圳~ 我的確幾緊張~
因為昨日先睇新聞...
話搭車比人打劫o個d野~
講到咁恐怖咁...
咁我就問定老豆阿哥...
去邊度搭的士安全d...
老豆比o左八十蚊幾人仔我~
搭的士"傍"下身~
下午o係舖頭...都冇咩野做~
跟住就睇真心英雄~
同阿wing傾下icq咁...
佢o地公司今晚搞o左個活動~
去釣墨魚呀~
好似幾好玩咁...
我都未試過...好想去試下呢~~~
到五點左右~
我就打比tony~
佢教我去上水火車站落車...
去對面上水廣場買飛搭旅遊巴...
由文錦道出關喎...
嘩...真係一額汗...
我同程程都唔識o架嘛...
懷住戰戰兢兢o既心情咁搭車去...
程程五點幾黎到中環...
我收o左舖...就落去join佢~
費事要佢行上黎~
又落返去咁辛苦啦~
我o地搭巴士去紅磡...
o係車度佢比o左封信我~
得5張紙o既信...
唉...好啦~放過佢...
5張都殺~
不過...佢次次寫親信比我~
黎黎去去...都係講o個d野~
完全冇d新意~~
去到火車站~好口渴...
飲o左d野先上車...
全程我o地都係企...
因為我諗住費事等下一班車啦...
所以上o左架就開o既車...
搞到冇位坐...
程程真係好恐怖~
周身都一"達達"紅哂...或者起粒粒咁...
我就話佢一係dirty~
一係食o左d好毒o既野`~如:鵝~
而佢又咁岩真係食o左鵝喎...
仲唔係"毒"?!
哈哈~ 咁恐怖~
我都唔係好敢"掂"佢...
後尾我就比o左d濕紙巾佢...
等佢抹下...消下毒~乾淨d~
到o左上水...
我o地又好"豬"咁...
明明o係車站有得直接上去個商場度~
唔洗上天橋....
咁我o地唔識嘛...
就過去天橋度啦...
仲要落雨...
又要開傘...麻煩...
兜o左個圈...
都搵唔到買飛o既地方~
於是搵o左個詢問處問...
搵到拿拿臨買飛~
買o左飛~
就落去搭車...
咁我o地唔識....
周圍行...
咁我話問人啦...
程程又頭耷耷~
咁我又發嬲...
猛比我鬧...
佢竟然用粗口鬧返我~
我咪大力打返佢囉~
哼~我實記住佢o架~
上o左車...
都剩返好少位~
要分開座...
之後見到人上車~
佢o地手上都拎住張紙~
我就覺得奇怪啦...
肯定o個張係健康申報表...
咁我諗住過關都有得拎...
就冇理啦...
到過關...
負責人o係架車度問邊個未交張表~
我話未拎張表...
前面兩位小姐都好人...
比o左兩張我...仲問我有冇筆...
拿拿臨填好交比負責人~
冇幾耐...就落車....
跟住又上返車...
再過一陣...就正式落車過關lu~
出o左關口...就搵的士搭...
點知d的士佬好似唔"優"做咁...
明知係關口...都直行直過...
唔停車~
其間, 好多電單車兜客~
真係啋佢都傻...
咁危險...
我o地上o左架好舊o既的士~
的士佬係外省人...
我o地d"煲冬瓜"又唔掂...
幾驚去錯呀~
好彩...都去到目的地...
12.5...我比o左20蚊~
都費事叫佢拎錢就落車lu~
tony企o係門口度等得o地...
聖子都一齊黎...
tony話o左帶我食呢間張記香辣蟹好耐o架啦~
果然明不虛傳...
好好味...
如果唔係有其他人~
得我同程程o既話...
我o地一定可以食得哂...
不過程程因為周身痕...
我已經一早吩咐佢唔好食咁多~
但佢都覺得好食...猛咁食...
唔理咁多lu~
基本上~得我同程程食~
tony都係食o左少少~
聖子就直頭冇咩野過...
成餐飯都同tony鬧咀...
tony將d相~手提電話~
同埋twins張簽名cd交比我~
聖子話tony做咩唔放o係屋企...
可以聽下先丫嘛...帶落去做咩...
帶o左落去...咪盞冇埋...
我個心諗...咁講咩意思呀?
唔通我會貪你張簽名vcd呀~
真係過份~
宜家公司仲維持到...
唔係我一直頂住...
一早摺埋啦...
d錢我一毫子都計清...
條條數都清清楚楚~
如果我要貪...一早"立"埋d錢走人啦...
都低b o既~
仲話係黑社會~幼稚到死~
成晚坐o係度...都o係度話...
"話o左唔好食蟹o架啦..."
喂~ 只係就你一個呀~
唔鐘意咪唔好黎囉...
唔係tony叫我陪佢食埋飯先走~
我都唔會黎食...
咁多野講...去報警告發你收陀地丫拿~
d蟹都剩返好多~
咁好味~ 咪打包帶返屋企囉~
差唔多九點...
我o地就搭的士去羅湖...
今次架的士好新~好舒服...
不過又係外省人...
我o地講佢唔明~
好彩開o左一車...唔係好遠~
即刻叫tony行過黎叫佢同的士佬講...
跟住阿媽就打黎~
睇我o係邊度...
因為老豆比o左佢部電話我~
佢有漫遊丫嘛...
點知...原來程程部電話都有漫遊~
反而我o個部冇~
都唔知點解...
去到羅湖...搭o左廿幾蚊車~
我比50蚊~我拎o左20蚊就落車lu...
過關...個關員竟然唔識打我個"妍"字~
搞o左好耐都打唔到...
麻煩到死~
d人o係後面係咁嘈...
唉...我同程程真係唔掂...
人o地個個都係回鄉卡~
我o地兩個就係回鄉証...
如果係回鄉卡...
就唔會發生d咁o既情形啦~
上o左火車...就打電話返屋企...
同埋打比阿哥~
程程仲係好痕...
咁我就用濕紙巾~
幫佢抹身....消毒...
去到紅磡...搭巴士去灣仔...
都成十點幾...
諗住搵醫生睇...
但又搵唔到...
只係搵到間藥房...買o左d藥...
買o左枝水食藥...
之後我o地就周圍行...
行到個人好累...
於是到十一點左右~
我o地就搵o左間茶餐廳坐低飲野...
岩岩坐低...野飲都未叫...
侯叔叔就打電話黎...
佢已經o係酒店...
拿拿臨叫野飲...飲完...
就即刻去酒店...
程程o係大堂等我~
我就上房搵侯叔叔~
佢個樣都同佢細佬個樣好似...
不過侯叔叔o既細佬型好多~
佢交o左件貨比我~
我比o左tony比我o既相佢睇~
同埋比o左部電話佢...
跟住佢同埋我一齊搭lift...
佢話去對面7仔買電話卡...
我就o係另一面同程程走lu~
好奇怪一樣野...
佢間房有個女人o係度...?!
係個中年女人黎...
佢岩岩沖完涼...有睡衣著住...
唉...
唔怪得之侯叔叔問實我幾耐會黎到酒店啦...
同埋..佢究竟係咪去7仔買電話卡呢?
我同程程本來諗住搭van仔返屋企~
等o左陣...
諗諗下..搭van仔都十幾蚊個人~
咁搭的士都係廿幾蚊~
差唔多o者...
咁就搭的士啦...
返到屋企...
我沖涼先...
跟住程程先沖...
我開o左d"滴露"比佢擦身~
佢沖完涼話舒服o左好多...
冇咁痕...
屈佢講o左個故事先訓...
哈哈~~
今晚將個冷氣o既風口整上d~
咁就冇咁凍啦...
哈哈~
