昨晚同程程傾埋一d好嚴肅o既問題~
傾到都幾唔開心...
但我覺得每一個人都應該為自己打算下...
唔係話唔理屋企人...
不過...都要理下自己o既將來...
唉...
我真係唔識講......
總之...我的確有不滿...
昨日著o個對鞋...
冇著一排o者...
都唔洗窄得咁緊要呀嘛~~
哈哈~唔通我連隻腳都肥埋~~?!!!
竟然兩隻腳o既腳趾尾都起o左水pork~~
仲要唔係細o架喎~
個水pork大到我都覺得有d誇張~~
咁老豆就叫我整穿佢...
咁樣會快d好返~~
今朝...個情況好o左...
但係著鞋都有d痛~~
返到公司~打電話比侯叔叔~
問下佢sisi學費同零用錢d野~
佢話下星期一先匯錢過去喎~
另外~ 個意大利藉老師問o個件貨...
兩萬賣唔賣?!
佢話本錢都唔止啦...
咁即係唔得啦~
咁我就覆e-mail比個老師~
佢無幾耐之後覆返我~
佢加o左五千蚊~
哈哈~ 即係証明件貨有價值啦...
如果唔係~佢都唔會由萬五~
加到二萬五啦...~~
我即時覆返佢...
兩萬五都唔得...
我都費事打比侯叔叔問佢啦...
冇三萬都唔洗諗lu~
收到信...公司要交稅~
分兩期交...夾埋要萬幾蚊~~
唉....
tony幾時返落黎呀?!!
佢唔落黎~~
公司o既前景...越黎越模糊...
另外~fedex都出o左信~
吹我o地交運費~~
"擇"o左太多錢啦...
如果再唔清d數~
第時寄野就要即刻比現金...
too bad~~
下午~ 好搞笑~
冇啦啦收到張fax~~
係封律師信黎o既~~
佢冇打"抬頭"~
d內容又唔多"啦更"~
咁我就打電話去問啦...
佢竟然話fax錯o左~
叫我幫佢掉o左佢...
乜咁都可以出錯o架咩?!!!
一陣係d重要野~唔比得人知o既話...
咁咪死火...真係唔小心啦...
到五點左右~
程程黎o左~
呢排...唔知做乜咁邪~
佢次次黎親舖頭~
唔係鬧佢呢樣~就係鬧佢o個樣~~
次次佢都會發脾氣走o左去~
跟住又返番黎咁...
佢o係背囊拎o左包紙菜出黎...
掟比我~ 之後佢就走o左~
我把鬼火...掉o左落垃圾筒~
哼~好巴閉咩?!
不過~ 到收工~咪又係冇事~
我o地去o左舖頭附近食麵...
食完再o係中環行o左陣...
好豪咁買o左d野~
就返屋企lu~~
我開o個套jackass比程程睇~
程程猛話變態...
就黎睇完第一隻...
我就去o左沖涼~
叫佢等我出黎先睇第二隻~
因為阿哥今日先岩岩拎番隻碟去換~~
我都未睇...
嘩~~第二隻...有一幕又係好恐怖~
講佢o地其中一個...
將雪地上o既雪~ 整成一個甜筒咁...
之後除褲"珂尿"~
跟住自己食返~~
勁嘔心!!!
側邊d人猛咁笑~~
又係咁叫佢繼續食~
最後~ 食o個個人都頂唔順~~
猛嘔~~
我都睇到想嘔埋一份~~~-_-~
太變態啦...
程程話腰骨痛~
咁老豆呢排貼開一隻膠布~
係阿媽o係上海買o既~~
咁就剪o左一塊比程程貼啦~~
d中藥味好勁...
都幾臭下.....
睇完...時間夾得岩岩好~
睇埋神鵰就去訓覺lu~
