今朝好早就醒o左...
前晚o係惠康買o左部風扇比老豆~
老豆打電話上黎...話壞o左...
過o左一陣~
又話冇事...
都唔究竟係壞丫~定係冇壞啦...
到一點左右...先正式起身~
程程昨晚食o左藥...
今日已經完全好返哂~
一d都冇"痕"~
實在太好啦~~~
換好衫~搞掂好哂...
點幾就出門口...
搭車去銅鑼灣...
係o架van仔度~
有個阿媽抱住個女坐單座位...
個女就係咁用指甲"刮"落張卡度...
發出d好難聽o既聲~
我就係咁望住佢...
好大聲講"無家教"~
真討厭...
不過個阿媽好似覺得冇錯咁~
個女諗住再刮...
佢就語帶不忿咁講"比人o地鬧啦"~
一落車~就即刻去time square~
搵o左部電腦上網~
check下個買家o既電話...
因為之前約好o左星期日交收~
唔記低抄返低個電話...
今朝阿哥打機~
費事叫佢比我上網啦~
咁我唯有去time square check啦...
見仲有時間...
去o左馬莎買薯片食~
好好味呢~~
跟住就行去地鐵站...
等個買家交收啦...
我o地一邊食薯片~
一邊等...
我仲用程程張八達通買o左枝八蚊o既雀檸飲`
哈哈~
我o地兩個本來都增o左值...
但昨日去一去深圳...就冇哂咁滯...
程程就更加慘tim啦...
o係地鐵站...好多yumiko o既fan~
原來yumike o係百德新街有show~
唔怪得之啦...
咁我同程程見上次比咖哩破壞o左...
行恆降中心o個度o既行程~
咁我o地就再去...行埋上次未行完o既地方~
唉...原來我條鏈...仲有好多顏色~
d玻璃珠仲好靚o架~
並唔係好似我o個粒咁平淡...
好唔開心呀~~
知道唔買住啦...
程程話再買條比我~
唉...都係唔買啦...
算啦...當冇睇過囉...
行完...就去o左睇yumiko~
不過未夠鐘~
咁我o地就去o左"紅螞蟻"食啦~
去"紅螞蟻"...係因為睇o左athena日記...
佢話幾好食~
所以我o地都去試下...
果然唔錯~~ ^_^
食完...出返黎~
見到谷祖林...
佢同yumiko差唔多時間出黎唱歌..
. 人o地就咁掂...
佢就...影都冇埋...
唉...
我只係見到yumiko o既背面~
程程就見到側面...
哈哈~ 太多人...望唔到...
跟住搭地鐵去尖咀...
落o左車~就特登去o左"無間道"訂位~
山卡啦咁遠~
又落雨喎~
我咪一邊行~一邊鬧囉...
去到...以為係食d乜~
同和民•魚一丁o個d差唔多咋嘛~
洗乜行到咁遠...
訂完位...就行去小熊王國~
話o左去好耐~
今日終於都去到...
人o地個個用相機影相~
我o地就用電話o既相機黎影~
唉...下次一定要記得帶相機再黎過...
本來諗住50蚊入場費都幾貴~
原來...o個50蚊~可以用返o係入面o架~
應該抵好多~~
玩o左d game~ 唉~只係贏o左d貼紙~
食o左d野~ 棉花糖~好好味~~
仲有仲有...
我整o左個小熊...
自己幫佢充氣入棉花~
就改佢個名叫"小熊"啦~~
佢好型o架~
有格仔褲著...恤衫~同埋冷背心著...
褲就由程程著~
衫就由我著...
哈哈~~
"小熊"價值99蚊~
張飛o既coupon $20一張~
有兩張...
所以只係比o左59蚊出黎整隻"小熊"~
o係小熊王國度~
好多小朋友~
有個bb女...佢老豆抱住佢...
我o地o係佢後面~
我見佢老豆阿媽見唔到~
就"e"起排牙對佢笑啦~
跟住程程就向佢"申利"~
點知個bb女學程程"申利"~
好得意呀~
咁我就對佢"申利"~
佢又學我咁...
好可愛.......
我o地之後一邊行...
諗返起都覺得好笑...
到五點幾~已經行完...
正諗住行返出去...
程程就話不如落返下面坐...
落雨都冇咩地方好行...
咁我o地又落返小熊王國下面坐啦...
坐到咁上下...
就搭o左一個站巴士去"無間道"~
程程屋企人已經去到lu~
d野食麻麻o地...
間野係程程家姐話去o架~
原來佢都未食過...
車~~
全家都話佢介紹錯...
食完~都係八點...
我同程程行去紅磡搭巴士返屋企~
中途買o左個雪糕pancake食~
好味道呢~~
返到屋企...程程坐o左陣就走lu~
老豆話d蟹好辣~
阿哥食完仲肚痛~不過冇咩事...
唉~~佢o地真係唔識貨~
我同程程今日成日o係度回味緊d蟹~
仲諗住搵日再上去食tim~
昨日埋單都係210蚊~
好平o者...
香港真係食唔到咁平~又咁好味o既蟹~
程程今日係咁話腰骨痛~
真係麻煩~
佢話訓地下先至咁...
咁我咪話...下星期六我訓地下~
你訓床囉...
又唔係真係訓地下~
有張床裖o係度...
點會訓到腰骨痛...風濕呀...
丫~有樣野好搞笑~
我同程程搭地鐘o個陣~
車o個度有"豬仔錢x"~
咁我就叫程程整個豬咀出黎~
跟住我就影佢相~
影o左出黎~
好似佢同隻豬"咀咀"咁...
笑到我死~
佢話佢估唔到我會咁衰....
先至整個豬咀比我影...
而佢亦都冇留意到人個豬仔錢x o既廣告~
哈哈~~
程程去o左之後`
我就拎報紙出廳睇~
老豆又o係度話我唔拆開件貨黎睇下就拎返黎~
(侯叔叔交比我件貨~~)
講到又鬧交...
唉...
成日佢想講咩就講~
有冇諗下我想唔想講呀?
關心還關心...
都要睇時候o架...
成日都唔明...
