唉~所謂心中有鬼...
隱瞞o左一d野...
就會好擔心終有一日會比人拆穿~
昨晚...突然又諗起...
開始有d擔心...
心慌慌咁...
所以...做人應該光明磊落~
好似我咁...
好可能要背負住一世o既擔心同內疚...
會好辛苦o架...
昨晚食完飯~屋企電話響...
通常呢個時候打黎o既...都係搵阿哥~
就叫阿哥去聽啦...
點知...阿哥聽完就叫o左我去聽~~
唉...原來係電話訪問...
本來~我不嬲都好樂意做呢d訪問o既~
因為知道人o地做得成一份問卷先有錢~
幫得人咪幫囉~~
但係...昨晚o個個...足足問o左成十五分鐘~~
d問題好煩~~
真係有d後悔...
哈哈~阿哥次次都比呢d good job我做...
真係多得佢唔少~~ ~~-!-~
d問題係圍繞信用卡呀~貸款同銀行o既野~
好明顯~ 佢應該係幫星展銀行做o既調查~
想知道佢o地o係市場有幾多人認識同佔有率~
因為佢o地有幾條問題~好明顯係涉及星展銀行~
不過~ 所有星展銀行o既野`~
我都答唔識~ 唔知...唔會...
d答案好多都係求其咁答~~
哈哈~~
tony今朝打黎~
話聽朝律師先見到老闆娘...
同埋問老闆娘身份証o既資料咁...
希望聽日見到律師~
tony同老闆娘傾電話之後~~
可以即刻覆返我啦...
因為供樓o個邊~同埋張牧師都打黎吹~
我都希望盡快解決o左件事~~
另外~ 舖頭業主個仔打電話黎~
話最多可以減多兩個月租...
咁都好丫~~ 可以慳返千幾蚊一個月~
用黎交電費都好丫~~!!
今日都幾多人入黎~~
其中...葉先生黎過...
老豆陪佢過黎睇o左陣~
有d野佢都想買...
不過就覺得貴o左d~
話遲d儲夠錢先再黎過~~哈哈~
其實...上次推o左佢~
冇去到茶具博物館幫手...
都真係有d唔好意思...
但係...我就冇話後悔o既~
或者~下次仲有機會呢~~
有邊個知丫?!
d膠布...一係唔貼~一貼開~
好似全家人都用咁`
我昨晚貼o左一塊o係頸...
因為條頸覺得緊緊o地咁...
到今朝...我都未"meet"返落黎~
照貼住返工...
d藥味依然好勁~
"當堂"覺得自己好似個阿婆咁...
好彩公司多數都係得我一個人o者...
昨晚...程程好緊張~
因為今日會同d同事上深圳玩~
好似小學生去旅行咁...
笑鬼死~~
我平時一日打幾次電話比佢~
今日...我朝早返工...
佢已經上o左去lu~
所以我都冇打電話比佢~
到下午三點幾~
我先忍唔住打o左一次比佢~~
睇下佢去o左邊度黎~~
傾o左幾句就收線lu~~
到五點幾...程程返到香港lu~~
洗o左都係三百幾蚊左右~
都幾抵玩o既~~
另外~ 我今晚拎o左二百蚊出黎加料~
哈哈~ o係鏞記買o左半隻燒鵝...
好味道~~
抵佢咁貴o既~~
一齊做野...有好有唔好~
正因為友誼建立o係冇利益金錢關係之上~
所以會好穩固~
如果一齊工作...影響o左感情...
係幾咁可惜呢...~_~
原來...係自己多疑~
有時做人太小心眼...
反而會加添自己o既壓力~
宜家我都心安返d~`
