昨晚發o左個好深刻o既夢...
個夢發生o係泳池...
唔知係咪細個o個時"仍住"啦...
因為當時去學游水...
係去灣仔訓練池度學o既~
個泳池o既水深~ 對於我黎講~
就好似個海咁深咁...
搞到我成日都好驚...
個教練又惡喎~
好多次都因為我痴住池邊游...
唔肯游出去而比佢鬧...
仲鬧到喊tim~
仲有呀~ o個時睇o左"大白鯊"~
成日都覺得自己後面有條大白鯊..
追住自己咁...
久不久都會停低望下後面~~
個心慌慌咁....勁驚~~~
到宜家我仲好記得.....
講返個夢...
當然~ 緊係關我以上講o既野啦~
個夢入面...有我啦...apple同埋一個人~
我o地係一個好大好大o既泳池上面...
坐o左o係塊板上面...
有隻大白鯊追到埋黎~~
仲好近距離tim~
塊板都比佢咬爛o左一"忽"~
我o地都好驚...
到最後點呢?!!
我就唔記得o左...
之後...我又記得我發o左另一個夢~
就係我o係一個人屋企~
個人o係廁所出黎...
我跟住就入o左廁所~
o係廁所入面見到有包煙...
我偷偷o地咁...收埋o左一枝...
根我記得...我係想拎黎留念...
而唔係諗住偷黎食...
就係咁...我就醒o左lu~~
兩個夢~ 都有d奇怪...
今朝返到公司冇幾耐~
tony就打返黎~
老闆娘o個度~有突破性o既發展...
就係要o係兩日內拎30萬救佢~
一口價...冇得減...
一定要兩日內比錢~
唔係就冇得傾~~
而tony當然冇咁多錢啦...
佢叫我問下老豆...睇下可唔可以借30萬...
一落到黎會即刻比返老豆喎~~
佢仲問我...咁樣會唔會好大難題?!
我話...都唔會o既~問下先啦...
唉...30萬唔係一個細o既數目~
以老闆娘o既能力...同埋tony講o既野~
30萬...無錯~佢係絕對有能力還...
不過...有好多野~都好難講...
我都覺得唔借會好d...
tony既然話佢戶口有錢~
但係佢落唔到黎拎...
咁老豆就提議我...
叫我打去銀行問下...
有冇辦法...
結果~ 銀行話唔洗落黎都得~
但係d錢唔可以經第三者o既手...
首先要寫封信去銀行~
另外大陸方面要有銀行戶口...
佢o地收到信之後~
會直接匯款去大陸o既同名戶口...
我問完之後~就打返比tony~
同佢講我老豆暫時冇咁多錢...
點知佢話佢已經搞掂o左啦喎~
又會咁快o既~
前後都冇15分鐘~~
佢話佢問o左個親戚借喎~~
咁總之佢話搞掂就得啦...
唉...希望佢唔會怪我o地啦...
我怕第時老闆娘落o左黎~
個心會諗我o地見死不救囉...v_v
今日~我已經織完第一條頸巾~
可惜織得好短咋...
而且~個尾收得唔多好...
另外~我已經開始織第二條~
今日織2針低~3針高...
成日都要數住咁織...
唔係好易織錯~
同埋...我今次開始織o既時候~
首先要卷返個冷球先...
因為本身係條頸巾黎o架啦...
已經織o左一舊半冷~
要拆返出黎重新織過...
下午~程程話...
輝輝話廿四號擺喎~~~
so happy~
係星期五黎~~
如果老闆娘搞掂出返黎~
佢都會比我早d收工o既...
又如果未有咁快出得返黎~
我同tony講聲...都可以早走o既~~
因為朝早呢個消息~
所以...我下午都忙o左一陣~
就係清潔d地方...
不過...快...都冇可能快到一兩日就落到黎~
我都係"係咁二"清潔o者...
過多一兩日先認真咁清潔...
唔知搞乜~
今日我撞親個頭兩次~
真係黑仔~
痛到我死~
一次係o係舖頭...蹲低放埋d野~
起身o個陣撞親道牆...
第二次~就係頭先o係阿哥間房...
拆部機過黎上網...
之後~我蹲低插電掣...
部機跌o左落黎~ 中頭獎~~~!!
too bad~~
程程屋企d電腦...又係好有問題~
三部機~得一部上得~
而且~一上網~屋企電話就唔通~
仲衰過用56k~
都唔知邊度出現問題~
咁當然~ 呢d野~程程係唔會理啦...
佢識鬼整咩~~~!!
老豆今日收o左工~
阿哥同朋友出去食飯~但又未夠鐘~
所以就過黎我公司呢邊坐一陣啦~
點知坐o係度一陣都訓著o左...
唔係累成咁呀嘛~~~
返到屋企~講老豆阿媽講起~
佢o地猛o係度話阿哥咁夜訓~~
唉~~知道唔講比佢o地聽啦...
侯叔叔終於都寄ｏ左學費比sisi~
實在太好啦...
唔洗比sisi煩住...
so good~~
