今日返工前走o左去買新monday睇~
返到公司~ 睇o左一陣~
有碧咸本書"my side"其中一d章節o既翻譯~
d人話本書d英文其實都唔難理解~
搞到我都有d想買返本黎睇~~
淨係睇封面都夠"殺"啦~~~~
哈哈~~~
之後~ 我就繼續做我昨日未完成o既工作~
就係要處理其中兩個客o既資料~
因為佢o地條數比較亂嘛~~~
結果~ 宜家已經五點幾...
我只係處理好一個客o既資料~
唉...
鬼咩~~之前d賣買紀錄都唔係我跟開~
我都未入黎做...
d單...嘩! d字又"料"又亂~
都睇唔明...
最後~ 我決定終合d資料...
寫返d次序...買賣紀錄出黎~~
似乎...又有文有路咁...
哈哈~~~清楚哂~
以後做野亦都方便d~~~
好彩~ 聽日要處理o個個客~
大部分都係我跟開o既o者~
應該唔洗咁麻煩~~~
老闆娘屋企供樓o個度...
tony前幾日叫我拖到星期五~
今朝銀行o個邊打黎吹~
我即刻打比tony~
佢叫我照比錢...
咁我就拿拿臨去銀行入數啦~~
之後~ 我順便去埋百佳~
買o左d啤酒~~ 又買O左塊專抹玻璃o既布~~
返到去...即刻拎黎用`
塊布d質地都幾得意~
好似塊"皮"咁...
9.9咋~好平~~
以後抹玻璃...就唔洗用報紙...
搞到隻手都黑哂~~~
丫~~ 昨晚同程程傾電話
~
好搞笑...
佢話比我聽...
佢屋企個電話咪唔通o既~
先頭我以為係上網先唔通~
原來...係唔上網都唔通~
咁阿媽就搵人上黎睇下咩事啦~
咁因為程程係住唐樓...
o個個人上到黎~
睇o左一睇~
大家估下...究竟個電話點解唔通呢?!
我就估...電話線"梅"o左...所以唔通~
佢就話我估得咁正路~
其實...係佢屋企部fax機o既電話"吸"唔實~
哈哈~ 唔係咁搞笑呀嘛~~
咁多日...都冇人發現~~
等人o地仲要行樓梯上黎咁辛苦!~
笑鬼死~~
另外~~我前晚咪發夢o既~
程程就話我發埋d白痴夢~
點知...佢同我講~
佢昨晚都發o左個夢~
夢見將來有個好得意o既女~
之後仲有一個仔tim~
我就話...咁你有冇夢見埋我先~
佢話冇~
咁我就話...咁可能唔係我同你生o既呢~~
係第二個同你生都未定~~
佢話唔會...一定唔會係第二個~~ 哈哈~~
程程仲話...佢發夢o個陣好開心~
應該真係自己o係度笑咁...
我諗...如果第時真係生兩個咁多...
睇怕..."減肥"會成為我o既終身事業lu~~
睇睇下"英雄刀少年"~
似乎又好似幾好睇咁...
哈哈~ 不過o係無得選擇o既情況下~
就算唔好睇~都要睇o架啦...
昨日七點半介紹舊式茶樓d野~
其中一間o係舖頭附近~
阿媽同老豆時不時都會同d朋友o係o個度飲茶~
咁岩...電視介紹千層糕呢樣野~
好似好好味咁~~
咁岩今日佢o地就同d朋友去飲茶...
哈哈~老豆帶o左舊千層糕比我食~
跟住我分o左一半比阿哥~
(o個陣我已經食o左lunch o架啦...)
嗯~~都真係幾唔錯~~
如果叫我去o個度飲茶...
我就唔多願... 因為真係幾dirty下...
又多阿伯喎~
唉~呢個...亦都係佢o地式微o既原因~~
下午~ 賣o左兩個裸俑~
3000蚊~ 碌卡~
唉~ 都蝕蝕o地o架~
因為佢話送比人結婚~
想要個盒裝住...安全d~
咁我就要訂紙箱...
另外~碌卡...又要收佣金喎~
唉...生意真難做~
除此之外~ 我放o左本書出黎~
本書係介紹佢買o個d裸俑o既~
佢話想買埋本書喎~
叫我幫佢搵本...
於是~ 我就打電話比朱小姐~
佢專賣古董書o既~
點知...咁岩佢冇哂~
要訂都要成個月之後先有~
咁我同老豆講~
結果~ 佢就幫我去買啦~
仲有呀~ 成個月前~
有間公司打電話黎~
話有d古董書比我o地~
叫我o地去拎~唔洗錢o既~
上次都曾經拎過d書~
不過d書對我老闆娘冇乜用~
反而我老豆會有用~
咁我今日醒起~
就同老豆講~如果佢要..就去拎~
唔要我就算數~唔鬼要d書lu~
點知佢話要~
仲叫o左阿媽去拎tim~~
個客星期三會叫個司機拎黎d貨~
佢先頭話星期一~
不過d盒要星期一先送黎~
星期三可能預鬆d時間嘛~~
老闆娘o個邊...好似有d問題~
都話o左tony o架啦...
佢太易信人啦...
好彩佢未比錢o者...
但係點都好~
都希望老闆娘好快好順利咁出返啦...
最重要...出返黎之餘~
唔好有手尾跟就好lu~~
哈哈~~等o左成日...
都唔見阿德過黎比返二千幾蚊運費我~
唉~ 都話o左佢唔記得過o架啦~~
明知我o地公司係咩環境o架啦~
咁都要欠~
激死我啦...
