昨晚...作死囉~
程程踢波踢到成十一點二~
而且仲要唔係o係屋企附近踢~
要搭車返屋企...
緊係比我鬧佢啦...
以後唔准佢去踢波~
佢自己都應承o左我~
不過...又睇下點...
哼~返到屋企都成十二點左右~
沖完涼再打電話比我~
已經十二點三~~
平時同佢傾電話~
十一點半就想訓覺~
我咪話佢囉~~ 踢到咁夜~
聽日唔洗返工啦...
跟住佢又話最多以後同我傾電話...
傾到十二點幾先訓喎~
嘿~仲o係度死撐~~~
最後...傾到十二點九左右就訓覺lu~
今朝...有d累...
真係唔得啦~
我要早返d訓先得~~
返到公司開始做野~
因為我諗住老闆娘就返黎~
想整理清楚d資料~
本身已經有一本簿仔寫o架啦...
不過我覺得唔夠清楚~
最後搵過本簿再寫...
唉~~大大話話都有成半年o既數~
抄o左都唔知幾頁...
手都痛埋...
真係好耐冇拎住枝筆寫咁多野lu~~
由十點半左右開始抄~
抄到下午三點幾先叫做抄好...
除o左錢銀來往d資料~
仲要寫低老闆娘返黎要處理o既野~
另外仲有一d資料咁...
期間只係休息o左一陣食飯...
同埋同apple傾o左幾句icq~~
聽日...我仲要總結一下d客o既結欠...
我諗應該唔會好似今日咁多野做o架啦...
上次幫阿德客件貨去蘇州...
佢一直都未比返d運費...
我費事提佢啦...
今日佢終於都記得...
佢都好耐冇黎舖頭lu~
佢話聽日拎比我喎~
希望佢記得啦...
上星期咪有個比利時客買o左幾隻飛馬o既~
我上網check過~佢已經收到啦~
咁我昨日咪send o左部e-mail比佢~
問佢d貨有冇爛~同埋叫佢比個fax number我~
我見佢今日未覆我~
我就決定打電話過去~~
好彩...得一個馬頭爛o左少少咋~~
哈哈~ d腳反而冇斷~~
估唔到自己包得咁好呀下~~^_^
開始對自己包裝o既技術越來越有信心lu~~
今日程程話24號o個日...
原來係輝輝屋企搞食齋..當係男家擺酒...
um...因為輝輝媽咪係食齋o架嘛~~
之後過幾日...先到kinki o個邊擺喎~
bb預產期係四月十號左右~
同程程差唔多時候生日~哈哈~~
如果咁岩都係四月二號出世~
咁咪好搞笑囉~~~
丫~唔記得提返tim~~
原來程程本身最最最鐘意o個對波鞋~
o係nike個網頁~
昨日先正式出咋~~~
咁如果出街o個陣~
真係見到...程程又岩著o既話...
咁就買啦...
睇下究竟係有緣無份~?!
