不經不覺~又到星期四~
呢個星期~ 我都冇咩睇日曆...
所以...當我今朝起身o個時...
望下日曆先知今日係星期四咋~~
昨晚~結果我都係等埋程程返到屋企...
沖埋涼...傾o左一陣先訓...
原來踢石屎地...著白飯魚會好踢d o架喎~
我都係宜家先知道咋~~
大隻囡囡猛咁o係度話自己唔見o左阿sa~
煩到死咁滯....
我差唔多成幾個星期都冇去老闆娘屋企信箱拎信~
點知今日去到...
發現老闆娘寄o左封信黎...
於是我打電話比tony啦~
點知打唔通~
跟住我就打電話比侯叔叔...
侯叔叔問封信講咩~
當時我都未拆...
後尾拆開o左...侯叔叔叫我讀比佢...
當我讀o左幾個字...
就發現自己唔識睇簡體字...
侯叔叔就叫我fax比佢睇啦...
過o左一陣~ 侯叔叔打黎...叫我搵tony~
咁我就打盡所有可以搵到佢o既電話搵佢~
到最尾...終於都搵到佢啦...
即刻叫佢打返比侯叔叔~
因為我知老闆娘o係封信入面寫o左d野~
係叫tony去做o既...而且應該都幾緊要下...
(我只係睇到d~又睇唔明...哈哈~~
樣樣都係估估下~~)
下午食飯~
阿媽買o左咸魚蒸肉餅飯比我食~
即係12蚊一盒o個d呢...
D肉可能唔熟~ 怪怪o地咁...
too bad~
基本上...今日都幾充實...
因為都有幾多野要做...
sisi打電話返黎~
叫我幫佢check下暑假返黎o既機票錢~
唉...六月尾就返黎啦...
真係快...
佢今次返黎~
又唔知會洗幾多錢...唉...
昨晚冇上網~
就執下櫃筒...
睇下有冇d特別o既野放上網賣...
冇糧出o既日子~
除o左要慳錢之外~
仲要諗下方法搵d錢...
雖然可以搵到o既錢會係好少...
但總算都維持得到o既...
我執o左好耐...
真係慨嘆自己點解冇收藏d特別o既野~
又冇收藏值錢o既野~
其實...只係我冇開口問o者~
我諗我開到口問tony同侯叔叔~
佢o地都會出糧比我o既...
不過...我覺得宜家呢個艱難o既時期~
我應該去體諒佢o地...
我老闆娘絕對係有拖冇欠o既人...
佢返o左黎...
一定會比返我應得o既錢比我o既...
老豆今日都走過黎同我講...
"冇錢問爸爸拎...
舖頭d數..老實講~我就唔會幫你~
係你自己o既洗費就冇問題~ "
唉...都係挨多陣先啦...
我支持得住o既~~ ^_^
