昨晚我都幾勞氣下...
不過...宜家總算係雨過天晴...
我就放過佢啦~ (程程)~
昨晚叫程程打電話去ua金鐘訂飛睇matrix~
講好收o左線就要打去...
咁過o左一陣就再打電話比佢...
睇下佢訂o左未...
點知...佢轉個頭已經訓著o左...冇o左件事~
真係比佢激死~
之後~ 佢先再打去...
咁我費事再打比佢~
諗住佢今次真訂o左...
到今朝我問佢...
佢原來未訂...
因為要問我睇邊場...兩點幾定係四點幾~
於是~我話睇兩點幾...佢先再打電話去訂~
為o左配合我o地o既慳錢計劃...
我o地星期日睇完戲...就會返屋企食飯~
所以睇四點幾...怕晏得滯...
睇兩點幾...睇完出黎頂多都係四點幾...
仲可以行多陣先搭車返屋企都未遲~
哈哈~~
今朝返到舖頭...放低d野...
先去郵局~
一來一回...
熱到我死咁滯...
個太陽好曬呢...@_@
今日...我繼續睇harry pottey第三集...
睇得都好慢...都已經幾日啦...
都仲未睇哂...
坐o係舖頭入面~
冷氣長期都令到我好凍...
雖然出面o既天氣好熱...
但o係室內o既我...
只能夠o係水溫入面感受到外面o既氣溫...
洗手o個陣~
d水好暖...感覺真係好warm~
有個行家黎睇野...
呢個人係我第一次見o既...
都幾斯文下...
點知...一望到佢隻手...
我d雞皮就起哂...
因為佢成隻手連手臂...全部都係紅點...
d紅點唔係長哂出黎一粒粒咁o個d~
只係表面見到...而皮膚o既表面係好滑o既~
嘩...真係好恐怖~
搞到我都唔敢望佢... v_v
晏晝同阿wing傾icq~
樣樣都講下咁...
佢個問題都幾難搞....
哈哈~好想快d出黎見到面...
暢暢快快咁傾一大餐...
另外~聽日佢同阿yan一齊上大陸做野~
希望佢o地工作順利啦~ ^_^
Andy就黎生日~~
我o地都係時候要諗下點樣興祝...
同埋送d咩野比佢~~
哈哈~~
今日...真係大吉日o黎~
終於都有生意啦~
賣哂一隊陶俑~共14個~
3萬5蚊~
佢落o左訂...
佢叫我唔洗包住...話唔趕~
但係我點都要做定d準備~
因為始終得我一個人包嘛~
我猛咁o係度卷定d紙餅...
同埋將2張拷貝紙用膠紙貼埋一齊~
方便我一拎起就用到...
唔洗停落黎o係度數紙...
所有野都準備好咁滯...
聽日佢比哂錢~落order叫我包...
我就可以即時開始包啦~~
阿德拎o左d銀器黎~~
係侯叔叔美國o個邊有客想買銀器...
我負責影相同埋mark低d價錢同size...
再e-mail過去比侯叔叔~
有客睇岩之後~
先寄件貨過去...
有少少時間...
我見套the mummy遲遲都未睇完~
次次睇d唔睇d~
咁我就開黎睇啦...
不過...都係冇心機一次過睇哂...
睇黎...我遲d真係要坐定定再睇過先得啦...
六點鐘左右~ 發生o左樣令我大叫o既事~
就係有蟑螂o既物體公然大搖大擺咁出現~
件事係咁o既~
我行入去廁所o個陣~ 出面都未有蟑螂出現~
當我出返黎...見到隻蟑螂o係老遠咁直線行過黎~
咁廁所o係左手邊...
即係話...隻蟑螂直線行...再要轉彎...
我o地先係正面交蜂...
點知...佢真係咁醒~
我係咁望住佢一步一步咁行埋黎~
都不知幾驚...
到最後...佢黎到我面前...
我懷住好驚o既心情...合埋眼一腳踩落去...
又好彩地...比我踩中~
不過就仲未死囉~ d觸鬚同d腳仲o係度郁~
我同佢對峙o左差唔多成個幾字...
先決定用張牛皮膠紙...再貼落張廁紙度~
諗住貼落隻蟑螂度...拎起黎掉o左佢...
點知...我就蠢到死~
諗住將牛皮膠紙貼住隻蟑螂~再舖張報紙o係面~
踩多一腳先拎起黎掉...
結果~我驚得滯...張牛皮膠紙掉轉o左放...
蟑螂就冇"痴"住~反而"痴"住o左張報紙~
激到我死~
後尾...把心一橫~
用張廁紙舖住隻蟑螂...再用報紙隔住拎起...
凌空掉o左隻蟑螂落廁所...
報紙同紙巾就掉落垃圾筒...
唉...咁樣搞一搞...就整o左成半個鐘...
當時我真係慨嘆點解佢唔早d出現~
因為隔離老豆岩岩收o左工返屋企...
早5分鐘出現~
就唔洗我搞咁多野啦...
之後~我拿拿臨出去買o左枝威滅...
嘩...噴o左少少...簡直係毒氣黎~
臨完就即刻鎖門走人...
但我真係好驚聽朝屍橫片野~
我諗聽朝都係叫定老豆過黎幫手穩陣~ v_v
先頭我唔敢執起隻蟑螂掉...
我打電話比程程...
佢叫我一係唔好理佢...
由得佢放o係度...
等佢聽日黎先執...
唉~ 等得佢黎~
隻蟑螂聽日已經"惹"到好多其他o既生物"嬲"住佢~
到時咪仲大穫~~
根據程程o既經驗~
佢玩弄蟑螂係有一手o架~
聽佢講...都不知幾恐怖~
都唔知咩人黎...
蟑螂都夠膽玩...
變態o架~~
終於~程程部電腦都終於重新format過~
實在太好啦~~
哈哈~
唔洗再有隻鬼出黎叫lu~
