今日試下send SMS比阿聰~
真係send得到喎~
但係佢就send唔到比我啦...
今朝返到舖頭~
諗住實死o左好多蟑螂o係度~
點知一隻都冇~
又會咁奇怪o既~
但係就有好多細細隻o既野死o左...
個客始終都冇黎到...
好彩佢有留低卡片~
又有寫低佢住邊間酒店同幾號房...
不過...我先頭冇諗住要搵佢...
所以佢寫得個酒店名唔清楚~我都冇理~
最後~我終於都搵到個似樣o既酒店名打電話去~
果然比我估中~
我以為o係中環~
我諗住放工順便帶封信去酒店留低比佢~
點知打去問地址...原來o係金鐘...
咁我就問fax去酒店轉交得唔得~
酒店話冇問題~
咁我就fax去~~
我怕佢唔會返轉頭~
老豆話落o左訂...唔怕~
我已經準備好哂所有野~
怕唔夠紙~膠紙同氣珠膠都已經入哂貨~~
好悶呀今日~~
d貨我又唔敢包住喎~~
程程好晏先黎到~
我差唔多七點落中環去join佢...
撳o左錢...再去new world諗住搞轉台d野~
不過最後都冇轉到...
夜晚去o左間好唔掂o既餐廳食野~
食完就行返屋企lu~
返到去~咁岩做緊1:99演唱會~
學友同eason好勁呀~
之後有度好搞笑~
就係吳國敬唱歌~
以為自己好勁...
唱唱下..."第"個咪向觀眾~
以為d人會全部一齊接住唱~
點知...都聽唔到有人唱...
好鬼死"羅"~
仲有佢個look好唔掂~
佢已經夠哂白o架啦~
仲要染金毛~好唔襯~
唉~佢唔係以為自己係言承旭呀嘛~
o個首"我是真的真的很愛你"~~
根本香港都冇咩播...
但香港個演唱會~
全部人都一齊跟住唱~ 幾勁呀~
仲有樣搞笑野~
就係o係街度見到個阿叉~
佢已經係地中海o架啦~
仲要將d頭髮分散黎遮住一半~
真係好得意o架~
我唔識點形容~
見到包你o地笑到碌地...
