昨晚十一點九先返到屋企~
沖完涼...吹完頭~
同程程傾o左幾句就訓覺lu~
不過我就冇咁快訓得著...
聽絕情谷聽到成一點先訓...
我o係網上玩佢o地個"奪命估"遊戲~
倪震話其中一個答案幾得意...
o個個係我估o個個黎o架...
聽到佢咁講...我都覺得好開心~
哈哈~
今朝返工...
唉...tony話返黎o架嘛~
如果搵到本簿仔o既話...
咁佢就可以去銀行拎錢交租呀~
交供樓o既費用咁...
而星期六銀行開半晝...
諗住十點幾打比佢...
佢o係屯門出得黎...都十一點幾十二點...
跟住佢返屋企搵野...當佢要搵半個鐘...
去到銀行~ d時間都係岩岩好...
點知打極都打唔通~
響極都冇人聽...
響到直頭斷線...
心急到我死...
因為應承o左今日一定要交租嘛~
唔可以一推再推...
昨日收工o個陣打比業主個仔...
同佢講未有租交...
人o地都顯得好無奈咁...
我先頭諗住...佢唔打黎~
我就唔打比佢...
不過我又諗...宜家冇租交比人~
又唔打電話同人o地交代聲...
好似唔係咁好...
所以最後我都打o左比佢~
猛咁同佢講唔好意思...
我講o個d理由...連自己都覺得好牽強...
但係... 我諗個業主都知我係伙計...
唔關我o既事~
所以都冇留難我...
後尾...差唔多十二點先搵到tony~
我昨日臨收工...
佢明明話佢一陣就會落黎香港~
tony竟然話今朝六點幾七點先落到黎~
諗住休息一陣先返舖頭~
但係聖子幫佢較o左"靜機"~
所以聽唔到電話...
唉~真係比佢激死~
佢自己又口口聲聲話...
唔想再透支張信用卡d錢黎用~
費事比咁多錢息...
不過...佢又快快手手返黎~
成日都掛住玩~
我都唔知佢搞d乜...
佢先頭話即刻搭車過黎~
過o左一陣~就打比我~
話佢存d錢比我先...
跟住就連返...都費事返黎~
唉~ 最後~咪又係透支o左張卡d錢~
佢入o左錢比我~
我就即刻去撳機拎錢交租~
本來想交埋供樓d錢~
但係匯豐關o左門~唔比入~
所以就要留返星期一...一早去入啦~
之後~我就去o左蔣小姐個細妹度~
睇住佢打比tony...
睇下佢o地傾成點...
唉...都叫做有個交代啦...
人o地話星期一一定會返黎喎~~
下午...都再冇乜特別野做...
程程收o左工...去o左剪頭髮~
到六點幾先過到黎~
不過又因為一件事~
又同佢鬧交...
後尾...當然又係冇事啦...
夜晚~返屋企食飯~
食完飯~我去沖涼o個陣~
我比o左隻"人肉叉燒包"比程程睇~
嘩~ 實在好恐怖...
之後我出到黎~
就睇返d正常o既野~
就係"炮製女朋友"啦~
套戲都幾好睇~~
不過就唔多值得入戲院睇囉~
哈哈~~
