今朝起身...
嘩~阿媽煮o左麵比我o地食~
食到好飽好滯...
而且仲唔係幾好味...
真係難頂呢...@~
之後~我就睇返"俗世情真"大結局...
都冇專心咁睇~
因為我睇o左tvb周刊d劇情...
大約都知d內容...
所以就飛黎睇啦...
但係個結尾真係唔多掂囉~
唔多合情理咁...
哈哈~ 不過無線d結局...
個個都係草草率率咁o架啦...
跟住同程程又因為一d我識...
而佢又唔識o既野嘈起上黎~
佢發返我脾氣...黑哂口面咁...
我最憎就係見到佢咁o既樣~
而佢亦都最憎我鬧佢...
咁當然...我鬧佢o既時候...
有時真係連唔應該講o既野...
都講埋出黎...
我就講者無心...聽者有意囉...
甚至...有時講o個樣野~
明明係事實都好....
唔講好地地..心知就算...
但一講o左出黎~就總係會好hurt咁囉~
之後...落o左舖頭~
同程程影o左o左張...
擺低個袋...我o地就出去lu~
今日算係唔開心o既一日...
原本o既行程改變o左...
最後...去o左灣仔...
我買o左隻字典翻譯o既碟...
要等成二十幾分鐘先有得拎~
宜家買翻版真係麻煩啦...
去集成間雪糕店買雪糕食~
今次食咖啡同益力多味...
好好味道~~ ^_^
但係遇著一個麻煩人...
係一個女仔黎o既~
佢揀o左好耐~
又問邊隻味最多人買~
又問邊隻最好食~
好食之餘又唔肥咁...
唉~ 人o地d雪糕準磅係低脂雪糕~
又要食...又唔想肥...
咁不如唔好食啦~
之後~ 我o地都係o係銅鑼灣行~
諗住去買舊gx22 o既電~
不過周圍都冇~
另外又買o左枝neutrogena o既洗面膏...
原價八十幾~宜家四十幾蚊咋~
我屋企用開o既洗面膏亦都就快用哂...
咁咪買黎試下用囉~
行time square~
見到阿rain同佢媽咪行街~
都應該好多人見到佢~
不過就冇人叫佢簽名囉~~
行好好累...
去o左大家樂食o左個下午茶~
見到隔離檯發揮o左好客之道o既精神~
就係有對o係深圳落黎o既夫婦...
有個香港女人坐o係隔離~
個女人就無啦啦聊人o地傾計...
問人o地自由行要幾多錢...
跟團同自己落黎又幾多錢咁...
又話佢o地叫呢餐加錢叫埋野飲抵d...
嘩~ 都真係唔知"好客"定"八卦"囉~~
口渴o個陣~
同程程去7-11買野飲啦~
上一次飲"楊桃味"...難飲到死~
今次諗住揀青檸味~好d好啦~
點知都係咁難飲~~
飲飲下...都係決定掉o左佢...
o係sogo~我發現o左樣野~
就係bb出o左好多新野~
睇黎佢受歡迎o既程度...直逼hello kitty啦~
佢d野仲放得當眼過hello kitty~哈哈~~
其中一個bb公仔`
簡直係一見傾心...
佢個樣好乖o架~可以上鏈播音樂~
同埋佢會慢慢咁搖頭~
真係十分十分十分十分十分之可愛~
哈哈~ 識做啦~~ ^_^
我猛咁o係度望住個bb公仔~
跟住行o左去第二度...
都要再行返轉頭睇多次先肯走~
五點六點...
我o地就準備搭車返舖頭~
等o左好耐車呀~
上到車~ 我同程程o係度玩數字game~
每人最多講三個數字~
邊個講到三十...就算贏~
唉~唔知點解...
一講到玩game~
我就係一個失敗者...
程程已經讓埋我...
根本冇可能仲會輸...我都竟然可以輸~
唉~ 真係一個遊戲白痴~
返到舖頭~ 坐o左陣~
等埋阿媽打完麻雀返黎`
我o地就一齊落去食飯啦...
點知...間酒樓爆哂...
估唔到星期日會咁旺呢~~
於是~我o地就去o左阿姨做o個間餐廳食野啦~
嘩~ d野等o左好耐~
d野食都唔係咁掂~
都唔飽o既~
先頭阿哥老豆提議買燒鵝返屋企~
煮幾粒米食...費事出街食`
我都非常贊成~
起碼個個都食得飽先啦~
宜家又唔飽...未夠喉咁...
其間~ 兩個表姐都黎o左...
(阿姨個女同大舅父個女~)
老豆諗住幫佢o地埋單~
佢o地死都唔肯...
我同程程o係灣仔見到d電腦..
裝d野就可以睇埋電視~
都係四十幾蚊...
我就問阿哥我部電話裝唔裝到啦~
佢話如果係咁...
不如搬o左佢間房部電視比我喎~
橫掂佢都唔睇~
哈哈~ 咁就好啦...
有時夜晚做ally~
都可以一邊睇~一邊同程程傾電話都得丫嘛~
阿哥話要比一個星期時間佢執野先得喎~
咁我都要執開d野~放部電視機先得啦~~ !!
食完飯~程程就同老豆阿媽一齊行~
程程就搭車返屋企~
老豆阿媽就周圍行下當散步~
咁我就同阿哥行返屋企啦~
點知阿哥懶到死~
話行自動電梯返屋企喎~
我真係啋佢都傻~
行下斜路都怕辛苦~~
比佢激死~
個個沖好哂涼~
老豆知道有Haagen-Dazs雪糕食~
咁個個都話食~
就一盒芒果雪糕四個人分啦...
嘩~ 我同老豆分得兩羹~
阿媽分成碗比自己~
阿哥就包底~
哈哈~不過真係好好味~
入面有芒果肉...
Haagen-Dazs果然係好味d呀下~~ ^_^
