昨晚...因為一d好無謂o既事~
阿哥同阿媽搞到有d唔愉快...
跟住阿哥食完飯就出o左去~
老豆就o係度勸阿媽唔好咁執著...
點知...阿媽又勸極都唔聽咁~
搞到老豆都講到火滾...
走o左入房聽音機...
唉~~當時係八點幾咋~
佢平時都睇"英雄刀少年"o既~
今次真係比阿媽激死...
我都勁唔順超阿媽~
為o左d咁o既事囉囉唆唆~
不過我都冇謂火上加油~
唔出聲就算~~
咁我睇完"英雄刀少年"~
跟住去o左toilet~
出返黎~ 出面廳已經熄哂電視熄哂燈~
阿媽行入房~我就問佢...做咩熄電視呀?!
佢答~ 我點知你睇o者...
我個心諗...下?!唔知我睇??
但係...我冇出聲~
由得佢~~
為o左平衡自己o既心情~~
我唔想自己比阿媽d怒氣令自己心情更差~
所以我就諗o左d野出黎做~
拎自己分散注意力同埋刺激一下~
哈哈~~
我拎o左收埋好耐o既"頭髮造型夾"出黎~
夾o左個粟米頭~
變o左隻獅子~~~~
當我夾完之後` 心情...
好似開心o左咁~
之後~我打電話比程程啦~
佢聽完極度唔開心~~
因為我之前同佢講過幾次~
話整曲d頭髮~
佢話佢唔鐘意~~ 唔准我整~
所以~ 佢o既反應~我係預計得到o既~
哈哈~ 不過~ 我冇話佢聽~
洗番頭~就會變返以前咁~
佢以為我真係去o左salon電~
哈哈~~
我仲用電話幫自己影o左張相~
個樣都幾搞笑丫~~
我點都覺得...
一生人~ 點都要去電一次頭髮~
無論好唔好睇都好~~
過o左一陣~
做"俗世情真"~
我去阿哥間電腦房開電視睇~
阿媽跟住走o左黎~...
話..."下~ 頭先乜唔係十點幾咩?!
我以為十點幾...所以先熄電視~
唔怪得之你頭先問我做咩熄電視啦"~~
哎呀~ 佢咁都可以搞錯~~?!
原來佢唔係發脾氣...
睇完電視~ 程程整晚o既話題~
都係關於我o既頭髮~~~
我個心~不停係咁笑佢~~~~
唔知佢知道我呃佢o既話...
會點呢?!
佢猛咁叫我今日返到公司~
要影張相~跟住send e-mail比佢睇~
佢下午一有時間~就會返屋企開黎睇~~
而我就死都唔肯~~
因為我知道今朝訓醒~
個頭就會打回原形~
要影相o既話...咁我咪要一早起身夾過囉...
真係啋佢都傻~
我話...星期六黎睇真人...
會surprise d~~
結果...正如我所料~
今朝起身~個頭打回原形~
而且~...d頭髮比平時仲更加"直"tim~
真係奇怪~~~
返工...開門冇幾耐~
個客入o左黎買o左對美人魚~
4000現金成交~
其實...我都知4000蚊好平~
搬上黎新舖o個陣~
我整o左本新o既價目簿~
老闆娘當時話開8000蚊~
但以前舊舖o個陣~
本舊o既數簿就係寫4000-5000蚊~
咁為o左做成單生意~
都唔理得咁多~
最緊要...我又唔係呃公司~
賣幾多就幾多~
就算真係蝕本都冇辦法~
程程媽咪昨晚去o左飲~~
係d咩咩黨請佢去o既~
哈哈~~唔知佢媽咪對眼入面~
係咪有兩個銀入o左眼呢?~~
因為聽收音機廉政公署o既廣告~
個女人對眼睇唔到野~
去睇醫生~
個醫生問佢幾時開始係咁`
個女人話...自從昨晚去o左食候選議員o個餐...
就係咁...
個醫生就話...
咁唔怪得之有兩個銀o係隻眼入面啦~
個廣告大約就係咁...
而昨晚程程媽咪去食o個餐...
唔知有冇d賄選成份呢?!
咁就冇人知lu~~~
另外~ 昨晚冇比程程去踢波~
大隻就出事lu~~
佢同另外一個人頭撞頭~
而且仲好似好嚴重咁~~
猛問人o地呢度邊度~做乜o係度咁...
唔係咁化學呀嘛~~
嚇到佢o地班人死~
拿拿臨打比佢屋企人~
送佢去醫院...
到今日~ 程程佢o地一班人lunch去探佢~
大隻正常返~ 都冇咩事lu~~
不過仲要休息多一兩日~
所以程程由原本聽日返半晝~
變成返全日...要幫大隻頂埋~
apple上網o個度~
先頭以為係壞o左~
點知...今日上去整~
原來係條線鬆O左~~
哈哈~ 總之整返好就得啦~
可以上返網lu~~
昨晚程程上網搵電話鈴聲...
唔覺意比佢搵到大白鯊首配樂~
佢播比我聽~~
好似呀~~~
不過我實唔會要呢首電話鈴聲~
我怕我聽得多~真係會發惡夢呀!!
講起發夢~我昨晚都好似發o左個夢~
係講我有兩個BB~
兩個對腳都有D字~
詳細我就唔記得~
剩係知乖O個個唔係我個仔~
曳O個個先係~
我好似想狸貓換太子咁~
比自己個曳仔比人~
哈哈~~
好搞笑~咁會發埋d咁o既夢o既....
