昨晚成十二點先訓~~
本來懷住好愉快o既心情打比程程~
點知佢咁唔識趣~
講埋d令我掃興o既說話~
結果~ 大家可以想像到會點啦~~~
之後~ 又傾o左d較為認真o既問題~
悶到我死~
懶係有道理咁...
今朝阿媽等埋我一齊落舖頭~
原來老豆話拎屋企兩張椅落舖頭擺喎~~
咁所以咪要拎落去囉~~
而老豆佢本身要拎野~
就係昨日先岩岩買o既瓷器落舖頭~
所以d椅就變o左我同阿媽一人拎一張啦...
基本上~ 拎落去唔係問題~
一張椅有幾重丫~~
只不過係好古怪o者~
我一邊行~d人都係咁望~
真係唔知有乜好睇~
未見過人拎椅咩~~~?!!
拎o左本"荷包裡的單人床"落舖頭睇~
再重溫o既感覺依然好正...
唉~不過就估唔到~
未夠三個鐘我就睇哂o者~
呢本書o既名句~
我諗就算冇睇過本書o既人都會識~
就係....
世上最遙遠的距離,
不是生與死的距離,
不是天各一方,
而是我就站在你面前,
你卻不知道我愛你.
未夠十二點~
阿哥就落到黎舖頭~
點知老豆同阿媽出o左去睇拍賣~
冇門口入~
於是過o左黎我呢邊坐o左陣~
過o左冇幾耐~
阿媽就買埋飯返黎比我食~
哈哈`真係唔明...
乜佢唔知道我唔鐘意食豉油雞好耐啦咩?
我唔知由幾時開始~
覺得豉油雞成日都整得唔熟~
已經唔鐘意食好耐啦...
但係...都冇辦法~
阿媽買乜就要食乜~
不過~
我真係寧願佢買最普通o既叉燒飯比我食好過~
食完盒豉油雞就好似冇食過野咁~
因為我大部分都係咬兩口就算~
見到d血紅色就怕怕~~
另外~ 個口又成陣肥膩o既薑茸味~
都真係幾難頂下~~
飲o左勁多水d味仲o係度~
激死我啦~~
昨晚apple打比我~
叫我幫佢買d野~
點知今日佢再打比我~~
佢叫我唔洗幫佢買....
哈哈~ 因為我買o左...
拎比佢會比較麻煩~
所以叫阿yan買會方便d~~
下午tony fax o左兩張紙返公司~
係老闆娘寫o既信~
叫我fax比張牧師睇o左先~
到時再睇下張牧師點...
之後我就fax比張牧師~
哈哈~ 唔知佢係咪睇唔明我老闆娘d字~
都冇打返電話比我~~
由得佢啦~~
星期一先再打去問佢...
嘩~ 今晚有海鮮餐食~~
阿媽個朋友去長洲~
o個度d海鮮好平~
佢幫阿媽買o左蟹呀~蝦呀~魚呀咁~
跟住頭先打電話比老豆~
老豆去碼頭拎~~
哈哈~~阿媽去o左打麻雀嘛~
呢個任務咪交o左比我老豆囉~~
先頭阿媽今朝比o左二百蚊我~
叫我去鏞記買燒鵝~
後尾~ 阿哥打電話比我~
話原來d蟹有成廿隻~
唔洗再買燒鵝啦喎~~
嘩~又會多成咁o既~~~~~~
程程放o左工~
要成八點幾先黎到~~
阿哥似乎要去街~
所以我就話唔洗等佢~
留比佢食就得~~
放工~拿拿臨返屋企沖涼~
因為我要o係程程黎之前`
一定要夾好個粟米頭~~
八點左右~ 我o地就開始食飯~
程程八點半左右先黎到~
嘩~ 五個人~都食唔哂d蟹~
留返起...都仲有成盒~
基本上...飽就唔飽~
不過食到個口好累呢...
程程見到我個頭~
話尚可接受喎~~
佢實在太蠢啦~仲未發現真相~~
食完飯~我睇海底奇兵o既dvd~
程程就去沖涼...
可能唔係咁專心睇啦~
所以...覺得都係一般o者....
點解唔專心?!
因為o係程程個袋度~
我發現o左一部新o既gameboy~
哼~ 又呃我~~~~
我於是特登亂咁玩~
(我根本都唔識玩~~)
玩輸佢過o左廿一關o既機械人大戰~~
佢沖完涼出黎`都"百辭莫辯"啦~
我以為我玩輸o左~
點知...原來係冇玩輸到o架~
不過...我命令佢即刻玩輸個game~
我見到真係game over`
佢應該冇呃我o掛....
但係...除o左咁樣懲罰佢~
佢仲要付出d代價~
就係...佢買gameboy連帶夾埋800蚊~
我要佢買返800野比我~
哈哈~ 仲唔死~~~
丫~~下午~終於都dl到"飛女正傳"個mv~
超開心~
不停不停咁播~~~
不停不停咁睇~~~
吳彥祖好型~ 千嬅o既手臂好幼呀...!
成晚~ 老豆同阿媽都好忙~
阿媽忙住熨衫~
老豆就o係度批"土服靈"d皮~
批o左個幾鐘~整到成十點幾~
阿媽叫老豆切埋d"土服靈"~
但老豆話已經好累...
於是我就自告奮勇去切啦...
嘩~ 原來d"土服靈"好硬o架~
切係切唔到o架~要"劈"先得~
劈o左一陣~我已經好累...
唉~~ 你話...我第時點樣煮飯丫?!
整少少野都話累...
哈哈~~
