昨晚個衰程程...
次次都話"暗"o左我訓佢先訓...
但次次都係講大話...
哼~~
今朝十點幾起身~
食o左野~
就準備出街...
十二點左右就去到旺角lu~
o係i.t.終於都買o左對鞋...
係尖頭"劇"鞋黎...
著o左仲高過程程~哈哈~~
因為仲早~ 所以間i.t都冇乜人...
我就猛咁試鞋~
試呢對~試o個對咁...
到差唔多十二點十...
約o左交收o個個人到o左打比我~
於是我拿拿臨比錢就走去地鐵站...
之後去o左人和食豆腐花...
咁熱o既天氣...
唔食返碗凍豆腐花點得呀!!
昨晚o係sogo買o左"風電b"~
點知...今朝我入電諗住試下o個陣~
整爛o左少少...
真係慘呢~~
而程程就湊機係咁話我"白痴"~
咁都整爛...等等....
好彩...都未至於爛到關唔到個入電個蓋...
哈哈~~"風電b"好涼~
又有燈....
"扇b"o既得寵程度...又不斷咁下滑lu~
一點交收完一個...
點半再去旺角火車站...
我o地早到o左...於是就企o係度等啦...
又好順利咁交收完畢...
唉...下次真係唔好約咁早...
我同程程兩個都唔知做乜鬼~
平時返工咁早起身都冇問題~
一到星期日早起身o既話...
兩個都好似眼訓到想死咁....
今朝食早餐o個時...
因為有舖報紙o係檯面食野...
咁岩o個張係講vcd o既廣告~
比程程發現我成日想搵o個套"幻海奇緣"o既vcd出o左~
哈哈~ 開心到我死~
因為dvd o係hmv好貴...唔捨得買...
我誓要今日買到為止...
搵o左好幾間都買哂...
最後...終於都比我搵到...
好開心呢~
都只不過係廿蚊~~
不過有樣野好奇怪...
上次我o係hmv見到個英文名...
係唔同我買o個隻vcd...
...都係是但啦~
總之係我要搵o個套啦~~~
對於呢套"幻海奇緣"~
我真係有d情意結...
因為我記得我細個睇過...
明珠台曾經播過...
跟住大個d...有一次明珠台情人節o既情濃七日...
又重播過一次...
過o左好耐...我都好期望佢番做...
可惜都等唔到....
o係新世紀行...
戰利品係兩包o係優之良品買o既芒果乾...
好耐冇食...
突然想食...於是咪入去買一包囉~
入到去...20蚊一包...30蚊兩包...
於是...就買o左兩包...
之後周圍去搵手提電視...
因為短期內...tony都唔會返...
宜家生意又咁差...
唔買部手提電視o係舖頭睇...
真係會死o架...
結果...行o左幾間舖頭仔...
一間620蚊~ 百老匯第一間680~
最尾再去百老匯睇...
個sale竟然話...有冇恆生卡呀?
有恆生卡七折...
嘩...即刻諗都唔洗諗就買啦~
再買埋勁量叉電器同四粒電~
夾埋都係五百幾...
好彩冇o係第一間百老匯買咋...
如果唔係...就損失唔應該損失o既錢lu~~
去o左麥記坐底...
試試部手提電視~
收得唔係幾好...
不過最重要都係舖頭同屋企收得好就得啦~
搭車去尖咀...
周圍行o左陣...
就食野搭船返屋企lu~~
七點幾返到去...
程程飲埋湯都返屋企...
九點鐘我就破例比佢訓覺~
因為連我自己都想早d訓...
太累啦...
不過...最終我都係睇"幻海奇緣"~
再岩岩睇埋"loving you 2"~
執返d衫褲...
先準備訓覺...
聽日又係一個星期o既開始...
希望有d生意做下啦~~
