今朝唔多願起身~
八點左右~ 比阿爸阿媽嘈醒~
我起身關埋門再訓到九點先起身~
呢兩晚~我都係訓返舊時個枕頭~
(舊o個個枕頭...係比程程黎我屋企訓o個時用)
因為我近來覺得我本身訓o個個枕頭~
有d令我頸緊o既跡象~
以前o個個最多都係訓到"雞翼位"唔自然~
宜家訓到頸緊...似乎嚴重d喎~
程程話...宜家始終出黎做野~
就算冇咩野做...都會累...
所以...累...真係一d都唔出奇...
不過個枕頭都唔平o架喎~
開頭訓都覺得冇問題~
係宜家越訓先越覺得有問題~
真係唔知係個枕頭o既問題~定係我o既問題~
唔經唔覺...我成個星期都冇update日記~
不過唔係我懶~ 唔係冇時間打...
只係我夜晚冇上網upload o者~
你o地諗下...
如果我d日記唔係日日打o既話...
邊有可能打咁多野出黎~
一日根本冇可能打咁多...
買o左部手提電視~緊係一返到舖頭就試啦...
好可惜...收得唔係幾好...
坐o係櫃台個位...唔洗諗...
都知收得唔好啦~
邊有咁著數~
於是我打電話去問...有咩方法可以接收得好d~
o個個人叫我去買"天線放大器"~
咁我就走去買o左個...85蚊~
點知...比人呃...
買o左個唔岩用o既...
咁我咪拎返去囉~
本來我係想退返錢~
佢話退錢可退一半...
換其他野可以換足85蚊~
結果...都係比佢呃o左15蚊~
佢只係換o左70蚊野比我~
包括兩包4粒裝o既勁量電~
一包2粒裝o既勁量電~
同埋兩枝aa膠~
我都費事同佢"咬"~
最衰佢間舖冇咩野好換...
換埋咁多電都唔知做乜~
昨日先買o左個叉電器同四粒叉電...
丫~唯有將d電比程程用黎打game boy啦...
今日亦都著o左新鞋仔~
哈哈~~ ^_^
大家都知我要行好斜o既斜路返工~
對鞋係"木劇"底~比較"線"~
都行得幾辛苦~
加上係尖頭...
行到返舖頭...除出黎...
對腳o既腳趾尾都起哂水"pop"~
可憐~
希望著多幾日...會冇事啦~~
通常我shopping完~
我都會抱住內疚同要慳錢o既心態...
好似今日咁...平時食30蚊lunch~
今日只係食o左15蚊lunch~
不過我又諗...我洗出去o既錢...
我真係點慳都慳唔返~
例如我拍賣賣出去o既野...
遠比我拍賣買入o既野貴...
好似我賣返屋企d麥記公仔出去咁...
一個頂多十幾蚊~
但我買入一個barbie...都成二百蚊...
條數點補都補唔返...
唉~
今日程程返得早...放得早...
所以有時間去做part time~
本來聽日都有o架~
不過臨時話唔洗幫手...
so~ 聽日佢放假就可以話黎陪我啦~~
公司d要拎o既數~
話多唔多...話少唔少...
將一筆錢點樣有效分配...
真係好難...
交得呢樣...又唔交得o個樣...
呢個月o既糧...我都冇諗住有得出住..
真係見步行步...
連租舖比我o地o既業主...
經過幾日o既計算~
都仲未諗到可以減幾多租比我o地...
話要過多幾日喎...
我們都年輕過...
我們總有可以任性的藉口...
我們都曾經為愛付出...
我們都曾經跟另一半說我愛你...
我們都曾經跟另一半分手, 之後說"我會等你一輩子!"
到最後, 我們很快便回復過來...
不再沉淪在悲傷之中...
從新開始新的生活.
回頭想想...是那麼傻...
愛...不是等待...
你愛他/她, 任何時候都可以...
但不要希望得到回報.
所謂愛, 不過指雙方有交流的.
只有"相愛"才有這樣的意思.
