昨晚睇完神鵰俠侶...
就o係度做sit-up~
程程懶係醒咁~
猛o係度批評我做得唔岩~
姿態唔正確咁...
之後~程程好快訓得著...
我就冇覺好訓囉~~
碌黎碌去都訓唔著...
唔知留o係度~定係去第二度做好...
加上我訓著o個陣~
又比程程d鼻鼾聲嘈醒~
激到我死~~
到朝早起o左身~
食完微波爐點心...
我o地就行路落中環...
去老字號"陳意齋"度...
買杏仁餅比程程老豆食~~
另外我o地仲買o左包雞蛋餅~~
好味道呢~~
跟住我o地就搭"叮叮"去金鐘...
走去葉生o個度睇下環境...
點知...咁岩葉生o係度做緊訪問~
不過佢緊係唔認得我啦~
咁我就同程程坐埋一邊飲茶食小點啦...
d茶係要自己沖o既...
原來係好有技巧~
後尾差唔多飲完~
程程先掌握到...
而d小點...又真係好"小"~
哈哈~
個環境都幾唔錯~~
做o既野應該唔辛苦~~
要著制服咁...
唉...都係要諗下...
一坐...就坐到三點左右~
埋單五十五蚊~~
每人最低消費25蚊~ 加埋一...
跟住o係金鐘行多陣~~
買o左件衫...
就搭車去旺角...
周圍行o左陣~
突然諗起d野~要返程程屋企拎~
咁就搭車返程程屋企~
拎完...就去o左佢屋企附近o既商場行~
見到余文樂呀~~
先頭見到佢個背面~
都o係度諗...咁似余文樂o既~
心諗佢唔會o係d咁cheap o既商場仔出現o掛~
點知佢轉面行出黎~
真係佢黎~~~~
之後~就o係麥記買o左個開心樂園餐...
哈哈~~因為有八爪魚換...
好得意o架~~
跟住又返去旺角...
o係red dot度食野~~
車~~都唔好食o既~~
d waiter又唔掂...
好似o係度玩咁...
冇啦啦o係度唱歌~
睇黎下次都唔會再幫襯....
食完~再去潮流特區行...
行完就返屋企lu~~
丫~~經過味千...
見到上次個經理真係唔見o左~
唔知係咪比人炒o左呢~
哈哈~~最緊要係...
o個個猛比佢鬧o個個女仔仲o係度~
即係冇因為我o既投訴而有所影響啦...
返到屋企沖完涼...
就開電腦上網~
同apple傾o左陣icq~
問o左佢o既意見...
佢就讚成我去做另一份..
做一次衰人...
另外~ 終於都體會到...
人o地逼自己去做決定~
原來自己會好大壓力~好煩...
我又明白多一個道理啦...^_^
