今朝返到公司~
打電話比侯叔叔~
接聽電話o既...竟然係個女人...
好明顯~ 佢已經唔放老闆娘在眼內啦...
confirm好寄d咩貨比佢之後~~
就打電話比錢生叫佢過黎度箱size啦~...
蔣小姐朝早黎過...
又係問d錢o既野啦...
唉...
我話未有錢住...
佢就話...可唔可以寫住"期票"比佢先喎~
咁事實上~支票簿冇簽名咁滯~
得返一、兩張~
有都留返黎緊急o個時用啦...
我話有錢o個時會再通知佢..
跟住佢就走lu~~
今日入o左d錢比張牧師~
唔比錢佢~
佢又講到會唔理單官司咁...
冇佢扶...
我o既去留決定...
緊係在於公司有幾多資金可以維持落去...
咁我就o係度計數...計下公司d錢咁...
真係唔會有好多囉...
打電話比tony~
我同佢講公司o既情況啦~
都未講到戲肉...
佢就叫我放心...
佢過多十幾日就落得到黎~
佢落黎就有錢o架啦喎~~
我都信佢o既~
(唔信都唔得啦~
只係希望佢講o既係事實黎~)
上網睇下茶具博物館d野~
嘩~原來朝十晚十...
點返呀~~
本來昨晚都諗o左...想唔做...
同tony講~
點知...睇完個網...就有d猶豫啦...
咁樣會好辛苦o架喎~~ v_v
唔係唔挨得~
不過咁樣o既生活好枯燥...
返工,訓覺, 起身返工咁...
人都癲呀...
跟住到三點幾~
釘完箱~收埋件貨~
我就打電話比athena啦~
嘩~ 都傾o左成兩個幾鐘~
d粥都煲都"lone"哂...
乜都傾一餐~
工作~學業~化妝~減肥~運動等...
好開心~~~ ^_^
不過到最後... 因為張小姐入o左黎~
咁就被逼收線啦...
但係...佢原來只係入黎兜o左一個圈...
問下老闆娘d野~唔夠兩分鐘就走o左lu~~
而athena比我o既意見~
都係做住呢份工先~
佢都覺得做另一份...
真係會好辛苦~ 挨唔住...
我又覺得佢講得岩...
心入面又有o左個決定...
到夜晚食飯阿哥又同我分析~
又覺得阿哥講得岩~
佢叫我去見下葉先生...了解下情形先~~
咁都岩o既~~
可能真係唔止做我睇到o既野~
另外仲有其他野做都未定呢...
電話就抄好o左~
老豆叫我自己打去約葉生...
好緊張呢~~~~
嘩...訓得唔好...
個人真係好殘~~
學apple話齋~敷返個mask先~
兩日冇覺好訓啦...-_-
