今朝晏o左少少起身~
唔係阿媽叫我...我都唔知醒~~
本來昨晚同程程傾完電話~
十一點幾就諗住訓覺~
不過可能前兩日"碌"o左好耐先訓得著~
搞到我o既心理時鐘都改變o左...
於是我就睇雜誌...
睇睇下~阿玲打黎~
傾o左一陣就收線訓覺lu~
佢前日比o左佢新電話號碼比我~
到昨日我先比返我個電話號碼比佢~
估唔到佢會打黎~~
個感覺唔同o左~
個人好似成熟o左咁~
哈哈~~
佢打比我o個時~
佢先岩岩收工咋~~
搭緊地鐵...嘈到死~
所以都冇咩心機傾~
佢話今日放假喎~
咁我話我今日得閒會打比佢...
今朝返工前~
去o左銀行拎德國佬匯o個d錢出黎~
慢慢o係櫃檯度數錢...
有d緊張...因為驚比人見到...
比人跟...打劫啦...
@-@
返到去...收到美國李迅o既e-mail~
嘩~成九封...仲要封封都有file...
睇到我死~~
過o左冇幾耐~
佢就打電話黎~
傾e-mail入面d內容~
叫我同老闆娘解釋返...
昨晚算係叫訓得好過之前兩晚...
雖然唔係作出o左決定~
但係...都叫做目標清晰~
希望預見o既將來...係一條光明o既路啦~
昨日收到aeon o既信~
佢提升o左我o既信用額~
又會咁好o既~
我呢個月都冇碌過張卡~
哈哈~~
下午~ 我鼓起勇氣打比葉生...
我問佢主要o既工作範圍...
佢話: 分廚房同樓面~
基本上...都係互相合作~
有咩做就做~ 上至招呼客人`
下至洗廁所都要做~
咁我又問: 返工時間如何?
佢就話: 返10放10~ 個半鐘break~
一星期返五日工~
我又問: 發展機會?
佢就話: 做得好最多係可以比間舖頭你打理~
開分店就會派你去管咁...
再唔係...咪係自己做老闆囉...
大家覺得點呢??
唉~ 我就覺得...
我宜家咪一樣管哂成間舖頭啦~
放假唔係放星期六日, 有鬼用咩...
我真係想做到工作同感覺生活係平衡囉...
我只係希望有份工~
我唔係想要d咩野大發展~
如果我o既要求只係咁簡單~
我諗我出去搵工...都應該唔難o者~~
雖然~我決定留低o既話...~
呢個可能係錯誤o既決定~ ~
但係又有邊個預計到~~
我將來會有更好o既機會出現呢~~?
