蜜梨生活﹐問你死得未 Q & A

Q : 咩係“蜜梨生活”﹖

A : 你自己親自試下係甜定酸咪知囉﹐你估睇外表就可以知0架﹖

Q : 咁你試過之後覺得享受嗎﹖

A : OF COZ﹐WHY NOT﹖又係好難得0既經驗﹐唯有咁安慰自己啦。

Q : 你 0既蜜梨生活同以前 0既生活有咩唔同呀﹖

A : 哈哈﹐好不幸﹐自己仲竟然成為 0左少數異種。生活有180度 0既改變﹐唔係咁容易一五一十 交代到比大家聽﹐總之係﹕“唉﹐我都有今日啦......”。

Q : 咁你係生活中學到D 咩呀﹖

A : 嘩﹗太多啦﹐例如 ﹕

• 吹水技巧。“沉默寡言”0係我0既新生活入面根本行唔通﹐只有不停講先可以比較容 易融入大家 0既圈子。所以﹐唯有用我有限 0既知識作無限量 0既水吹出去。多謝 各位曾經同我吹過水 0既同學。

• 波經。SORRY﹐仲在學習階段。甚麼車曼紐熱愛阿聯華刺卡仙素奴路士頓......搞到我頭 都亂哂﹐完全搞唔掂。同女人經一樣﹐波經點都唔係我天生能夠去學習 0既範圍。 多謝支持各大球會 0既同學。

• 粗口。小西超人同人問好要講﹕“DO U KNOW ME﹖表你有無﹖我讀料理農務系 0架﹗” 多謝各位因為我 0既存在而被逼減少講粗口 0既同學。

• 男女不平等仍然存在。進入公元二千年﹐我要教返大家女仔有好多 0野都做得 0黎。 唔該大家唔好教懶我﹐希望大家學會'男女是應該做到合理平等的'。多謝各位。

Q : 有條問題想問你好耐﹐點解你成日撇得咁快﹖

A : 原因好簡單﹐因為頂自己唔順。

Q : 有你話覺得你比你印象好強､好COOL､做事好認真﹐你點睇﹖

A : 強﹖假象 0黎咋﹐對住成班同我唔同 0既人﹐唔強D可能比佢地溶 0左我。COOL﹖都 唔知有咩好講﹐比 D 時間我諗諗先都得 0卦﹖﹗認真﹖講笑啦﹐因為我覺得佢地認 真我先要認真咋﹐事實上我好求鬼其。

Q : 老老實實﹐咁你究竟習唔習慣蜜梨生活﹖

A : 人類進化係需要非常長 0既時間。要習慣一個對我 0黎講完全唔同 0既生活, 麻煩各 位比多少少時間我。如果我 0係適應 0既過程中﹐0係言行上有意無意間得失大家﹐ 在此講聲“唔好意思”。多謝各位。

再有咩想知想問就電郵我啦﹐唔該哂。