耳寧靈鈴大事回顧

00年頭半年﹐都無乜特別事, 日日都不外返放學再等返學又等放學, 無乜驚喜.

六月開始的 Summer 要 學校 training﹐聽落好似好pro 咁, 其實咪返學吹水. 好好玩架, 學會: 點可以3分鐘內換好衫, 燒焊, 磨iron,猜 dangerous '妹'...... 都幾難得既.多謝FLC 的 朱SIR, 林SIR 和 劉 SIR, 仲有D 不知名的導師.

除左星期一至星期五要返學 training 外, 由六月至九月的星期六 , 日 我都要過住返工"企街"既日子。 好辛苦好辛苦,但真係好有意義, 自己一手一腳搵工, 唔使靠關係, 用自己的努力去賺到錢特別令我高興. 唔好仲以為我做 d 不道德的行業呀, 做 EPXON PROMOTER 之嘛, 真係可以學到好好多平時無人教到我既野. 點同人溝通, 講野快D, 睇人面口, basic computer knowledge, 乜野叫 "一二三四五六七多勞多得", 我 都0係四個月入面一一學識左.

"480,720,750,870,1270,2500,EX2,610,1200USP,720X1440,COLORPHOTO4色6色,764微微升,23579PPM,無邊打印,PREFECT IMAGING SYSTEM,850,1250,1750,2050,2950,3950,隨便睇下做緊特價......" 我發惡夢都記得. 多謝 EPXON 的 CAMUS, IVAN, GOLDON 的 誠SHUN, CANXN 的 PHILIPS, YOCO, HX 的 阿 LING, BB, LOK FU JUXCO 的 PERRIE, 阿文, KENNETH, 仲有幫我買過機同問完走左去的 CUSTOMERS.

十月無做EPXON 後一星期, 又有人介紹左另一份工。今次做返寫字樓文職, 一做就做到現在, 仲未可以上定論. 多謝 MARKXTO 的各位同事們, 包括已離職的THOMAS, JACQUELINE 同埋好多不知名的外國同事們。

十月另一項人生大件事係知道好朋友CELIA 感染到既千年蟲病發, 好彩有驚無險, 大步檻過, 順利過度到新世紀. 真係又上左好寶貴的一課, 實在唔係三言兩語可以講得哂, 總之我同佢就一切儘在不言中.

總結: 一定要珍惜你現在的一切, 幸福唔係必然; 有就去爭取, 唔好比自己後悔; 仲有... 我好愛我屋企人同朋友!!