Ghalib           

       Aeena deykh apana sa munh ley key rah ga'ey,
      Sahib ko dil na deyney pai kitana guroor tha.

      Agey atee thee haley dil pai hansee.
      Ab kisee bat par naheen atee.

      A hee jata woh rah par Galib
      Koee din aur bhee jiey hotey.

      Aitibar'ey ishq kee khana kharabee deykhana,
      Gair ney kee ah, leykin wo khafa mujh par hu'a.

      Aj ham apanee pareyshani-ey-khatir unsey,
      Kahaney jatey to hain par deykhi'yey kya kahatey hain.

      A, ki, meyree jan ko qarar naheen hai,
      Taqat'ey-beydadey-intezar naheen hai.

      Arz'ey-ni'yaz'ey-ishq key qabil naheen raha,
      Jis dil pey naz tha mujhey woh dil nahee raha.

      Ashique sabr talab aur tamanna beytab,
      Dil ka kya rang karoon khoon'ey-jigar honey tak.

      A'yey ho kal aur aj hee kahatey ho ki ja'oon,
      Mana ki hameysha naheen, achchha koee din aur.

      Bey-ishq umr kat naheen, sakatee hai, aur yahan,
      Taqat ba-qadrey-lazat'ey-azar bhee naheen.
 
 
 

                        

Next