　　　　　嗨呀 , 你(妳)地好呀 ...... 以下只係一個無聊故事 ......
　　　　　不過 , 如果你(妳)認識我的話 , 下面呢個就可能關你(妳)事 o架喇 ...... =)

點喇, 睇o左上面呢幾句說話, 識我o既你/妳係咪好想睇落去呢... 不過好可惜, 我一直以來我都冇時間(or 我應該講我唔肯去抽時間整o羅!), 所以直到今時今日, 我都未整過... 而更不幸的是, 我發覺我對以前o既記憶愈來愈模糊... (人老喇, 什麼也記不了...T_T)

有見及此... 我決定由今日起, 將我未來每日的'大事'都記下來, 好讓我他朝什麼都不記得的時候, 也能從這個地方看回我的... 豐功偉績/罪大滔天的事件~~^^

　　　　　　　　　　　　　　　　　　　　December2002

　　　　　　　　　　　　　　　　　　　　November2002

　　　　　　　　　　　　　　　　　　　　October2002

　　　　　　　　　　　　　　　　　　　　September2002

　　　　　　　　　　　　　　　　　　　　August2002

　　　　　　　　　　　　　　　　　　　　July2002

　　　　　　　　　　　　　　　　　　　　June2002

31/5:　今日一早就被同學仔嘈醒, 原來只係話聲我知佢返學校拎返張leaving school cert.(?!) 我當然唔肯過佢喇, 咪迫佢出去行o下o羅...之後就行o左去旺角買書, 原來佢竟然想買<誰搬走了我的乳酪?>(Who Move My Cheeze?), 呢本書我都好想睇喇!! 基本上我好耐之前已經聽過有呢本書架喇, 直至近日又再聽返呢本書名, 再加上同學仔又話想買, 實在暗裏叫好(=P) 點知最後同學仔竟然你買o左好多VCD, 而冇買o個本書...>.<

29/5:　今日終於見返'大熊'喇!成年冇見, 都係冇乜點變. 不過真係估唔到, 反而令我覺得侯佬(某方面)變o左, hehee~~

忽然間覺得我自己都幾恐怖, 前幾日我先話玩緊隻'臥龍與鳳雛', 估唔到只係相隔幾日, 我已經爆o左機同uninstall埋(最後lv.40)... 可見到我o既意志都好強(自大中~), 如果我讀書都可以咁意志堅定, 那就多好呢...唉~

今日開始試食一隻叫'蜜糖棒'o既東西, 幾好味架喎, 而且佢重有好多種味, (好似賣緊廣告添~) 我就最鍾意'沙士味'喇~ 係喎, 係地食過未喇? 未呀, o黎我屋企呀, 我請係地食返支又點話呀~ 不過要快喎, coz'我得返唔返好多咋...=P

28/5:　今日一早開ICQ就收到個url,非常心理, 大家試o下玩喇!

27/5:　零晨未訓整理緊自己個網頁同ICQ answering message時, 睇返以前自己打o既歌詞, 始終我覺得最正都係草蜢 , 真係好正... 其中有一首歌o既部份歌詞如下...

愛情有方法架話你可唔可以話我知
有方法　冇方法　愛情究竟有冇方法
相識　拍拖　談情　結婚　無啦啦又話離婚
愛情本來係點樣　究竟係點樣
係甜蜜溫馨　手拉手　嗌話係悲劇收場
有方法　冇方法　愛情究竟有冇方法

我愛妳　我愛妳　我愛妳　我愛妳
我愛妳　我愛妳　我愛妳
我愛妳　我愛妳　我愛妳　我愛妳
我愛妳　我愛妳　我愛妳

26/5:　開心, 阿魚借o左Black Hawk Down我燒, 咁我又可以睇返, 又令我少o左一個遺憾...^o^ (Eric仔, 要唔要我寄套俾你呀~)

救命呀, Eric仔! 我今晚去'貿易行'玩DM, (orginal/first mix) 我竟然連advance mode入面o既都過唔到, 唉... 真係唔認老都唔得喇...=P BTW, 隻'臥龍與鳳雛' 我已經玩lv 22, 不過唔知點去張家村呢...=(

以上兩樣o野都好似只係同Eric講, 好似忽略o左其他睇我日記o既人添...(事實上我係, sorry!) 好! 而家講樣關於我o既o野俾大家聽, 話說今日我同媽咪去荷里活廣場喎, 咁本來我媽咪話要買o野俾佢d朋友, 點知佢最後同我買o左d 鼻葯. 雖然我好感激媒咪咁鍚我, 不過我唔知點解, 總覺得... (以下所講只係我個人認為, 唔鍾意可當我冇講過~) 我o既五官係相生相剋, 即係好似我個鼻唔好, 不過我覺得我對眼同對耳都好過一般人. 所以若果我食返好我個鼻鼻, 咁我可能會近視(視力下降)或其他... 唉...如果真係正如我所講, 我真係唔太想醫返好個鼻, coz'我已習慣失去嗅覺了! 哈哈~~~ (哎呀, 俾你地知道我o既弱點添!)

25/5:　昨日係d朋友仔o既日記入面睇到一段說話, 覺得好認同... "我唔覺得考完試, 有咁長的假期, 就梗係日日去玩玩到癲哂喇, 就開心啦..." 正如我朋友仔所講, 我o既憂慮/煩惱其他人又點會知呢! 你又唔係我... 我本想搵工做, 不過又冇喎... 想去玩, 不過又冇錢喎, 縱然有d錢, 都唔敢亂洗... 單憑一個錢字, 就已經可以局限晒我所有o既活動喇, 搞到我遠o既地方唔敢去,(車錢好貴架嘛!) 我而家o既活動範圍只係得返長沙灣至旺角咋!

24/5:　今日我玩緊幾個朋友仔o既 test, 其中有一個我拎成95分! 係咪好叻呢, 我係咪好了解你先, Eric, 哈哈...=)

今日返學校又同唔到阿sir食飯喇, 不過最後我都同我d 朋友仔去o左'龍泉吧'食飯, o個到d椒骨果然係非同凡享, 好味過我昨晚食o既多多聲! 下午同以德子補習, 睇返以前小學o個本Better English同 J.E.R., 真係有d驚嘆, 驚係我以前小學就要讀咁多連我當時都唔識解o既生字o既用法, 嘆係嘆我而家竟然冇以前細過咁好記性, 冇細過咁堅毅o既讀書意志, (可能係大過多物質引誘喇! <--- 藉口!!) 另一個嘆係, 今日睇返呢d書, 原來我都重有好多字係唔識o羅... 哈哈... (苦笑~ing)

開心~~ 終於可以出o左星矢文庫版5同6喇! 可以睇返星矢佢地打黃金聖鬥士o既情節, 尤其係處女座o既沙加, 超正, 講到佢超勁咁... 最後係點, 哈哈! 一本書o既主角又點會輸呢.

23/5:　今日終於見到傳說中o既阿Kel喇!果然唔錯喎, 唔怪得阿邊個邊個唔理敏姐姐lu...=P (Heheee, 講笑, 如有雷同, 實屬巧合)

今日去開長沙灣, 經過元洲街圖書館時, 忽然諗起原來我有本書未還... 咪覺得自己傻仔, 點知去到門口先知原來星期四係休息架, 哈哈~ 記性差有記性差的好處! 不過... 記性差始終都係件壞事! 好似我下午應承o左朋友幫佢買禮物寄去Aust., 點知萬事俱備, 當我準備去郵局o既時候, 我發覺我係冇抄我個frd 個地址o羅, 最後重搞到我今日寄唔出去呢...唉~~T_T

22/5:　YEAH! 終於都考晒試喇!! 不過今日真係好慘, 竟然o係我臨考試前落大雨, 縱然好人o既康爺借o左把傘子俾我, 我重要搞到成隻落湯雞喇...>.< 不過可幸o既, 係咁樣都冇損我o既心情, 反而重考得幾好呢, 嘻嘻~~ ^^

可惡呀! 今日玩D2X, 玩緊隻Barbarian (Hell level), 去到做Act4 Quest 1, 打緊隻Fallen Angel o既時候, 我唔小心press 'sleep' button, 之後成個screen 黑晒, 最後要我reboot 先可以玩緊, 搞到我mood都冇埋... 之後幾經查問之下, 終於學識'sleep'同'wake up' 呢兩個buttons 點用~

21/5:　今日去TST拎o野, 竟然俾我撞返小學&中學同學Peter, 佢重要係昨晚先返香港咋, 加上好少出街, 一出街竟俾我撞到, 太好彩喇~~=P

睇緊一套新漫畫, 書名叫'BOY 聖子到', 雖然呢本o野有好多打鬥場面, 不過佢六都係我好多年前(剛剛出o個陣)睇開而好想想o既漫畫~~超開心, 終於都可以睇晒成套!

20/5:　好開心呀!!今日上網竟然俾我搵到個超正FTP, 搵到好多好多我想要o既歌, dl o左近3個鍾, 而家我有成4Gigs 歌喇... 哈哈~

好痛呀! 今日幫屋企人開鐵盒時竟然被個鐵蓋摑親, 重流血兼入肉一分添架! 搞到我今日下午連拖地都要用單手, 不過估唔到我竟然可以只係用單手都可以拖到地... 個地重唔係濕晒o個隻喎!

已經鬥成兩個禮拜冇去睇天子4喇, 雖則只要睇多12期就完, 不過開始對前90期o既內容有d模糊喇... 敝!要睇返前90期咪好貴?!

19/5:　今晚去o左大埔探叔婆, 見到佢愈o黎愈老, 乜o野都唔記得, 不禁有d傷感... ~.~ 發現o左樣o野, 人老o左就好易唔記得o野, 而佢地最鍾意問o既問題就係: 你(妳)係邊個, 你(妳)叫乜名, 你(妳)幾多歲呢三大問題. 記住喇! 第日要記得點答呢三大問題喇!

今日玩o左個精神年齡分析o既test, 幾好玩架, 大家快d去睇o下自己o既精神年齡喇~~

18/5:　無所事事o既情況下, 已經諗o左六月o既日記點整, 一於轉o下個background 同 d 顏色, coz' 呢個月d background 好詭異, 睇落始終覺得有d不安, hehee...=)

17/5:　今日本來約o左好多朋友仔架, 搞個聚會, 點知最後都係徹底失敗... 起初reserve table食buffet架, 之後有人建議去近d o既旺角食, 點知後來學校canteen入面有o野食, 大部份o既人都唔去, 最後得返我同幾個朋友仔去... 好慘~

今日聽o左一d勁正o既說話, 內容如下:
朋友甲: 呢個暑假點過好喇?
朋友乙: 拍拖羅, 最好係全職拍拖!
朋友甲: 全職拍拖? 咁咪要搵返一份全職工作先可以羅!

我覺得以上對話真係好正, 不過又真係幾o岩架喎, 冇返咁多錢又何來拍拖呢? 重要係全職拍拖喎...

PS.: Eric仔, 我今晚又係去o左spaghetti house到食, 你估我地今晚食o左大約幾多錢呀?俾d hints 你, 我叫係6個人食, 不過食得重平過我地上次兩個人食o個次, 話時話, 你記唔記得我地上次食o左幾多錢呢?=P

15/5:　~守在家裏的一天~

14/5:　今日返去St.Joe, 剛巧撞正今日考CE Geog., 搞到我連搵阿sir o既心情都戰戰兢兢... 當我睇完到Geog Paper 1 並中一題o既時候, 我忽然呆o左, 竟然有一題係我地AL Geog一樣咁滿, 有成70% 一樣... 尤其係(c)同(d)... 好驚, 乜原來而家d CE都咁恐怖呢!

YEAH! 又再見返<天子傳奇2>喇, 睇姬考遲遲都未死, (比正史遲死好多, 重要身'附'驚世絕學!) 真係好開心~~

13/5:　今日去o左agency見工, 要check 我d skill喎... 又要打英文同中文. 好羞家呀!! 我打字慢過同我一齊考o既一個女仔, 我唔係單單輸英文打字, 竟連中文打未我都慢過佢... 好多呢...>,<

大家唔知有冇試過同一日, 同一個地方撞到幾個不同o既朋友仔呢? 我今日試o左喇... 話說今日我約o左一個frd去聯合, 點知去到見到玩緊'Power Stone 2' o個個係我個同學仔喎, 咁我個frd (Ian哥)咪同佢玩o羅... 正當我想行去第二到o既時候, 又俾我見到Ellen 姐喇... 你話呢, 世界真細少~

　　　★☆★☆PS:: Ellen 玩高達DX都同我一樣咁......差呢, 呵呵...=P ★☆★☆

康康, 今日我又去o左長沙灣視察, 發現高達DX $2咋... 重唔係全港至抵~~~

12/5:　大家都知, 我日係母親節喇, 做仔女o既我地有冇d咩野表示呢?? 我就同媽咪去o左海港城買o野&食o野, 不過最估唔到係媽咪話去海港城o既原因原來係幫我買返一條褲o羅... 條褲重要係好貴o架!!

太開心喇, 去人地FTP搵歌, 竟然被我發現o左陳小春隻最新大碟,(其實都唔知呢隻碟出o左未) 不過有理冇理d/l o左落o黎先喇... 一聽之下竟然與CD質數一樣喎, 太幸運喇~~~^^

11/5:　好... 今日寫(打)呢遍日記o既心情, 我真係唔知黠形容! 本來今日諗住唔出街喇, 不過真在太悶o既關係, 我最後同o左朋友仔去o左'聯合', 加上亦要拎返部收音機, 咪一次過順便拎埋 CD-Rom喇... 點知一落街就想反返屋企喇, 真係熱得要命!! 不過我無法形容我o既心情唔係因為上面呢d o野, 而係今晚... 到我夜晚拆信o既時候, 我發現o左勞工處寄信俾我, 話我申請o個份工肯俾個機會我面試, 呢一刻真係開心都想叫出o黎! 當我再睇埋下一句, 我當堂呆o左... 因為佢竟然叫我5月11號去面試, 重要係11:30前喎! 當我睇晒呢封信o既時候, 我o既心情已經好無奈, 最'可愛'o既係信入面竟重話:若然面試當日不能出席, 可於一日前打電話去改時間. 我心諗, 我收到信o既時間已經過o左面試時間喇... 又何點o黎得切改時間呢? 唉... 點解, 點解...>.<

10/5:　今日同德哥玩o左成日, 行o左大半個旺角. 真係好耐都冇睇過電器like DC, MD, PDA, DVD... 最衰而家重搵唔到工, 唔係我一定買返部DC 同 PDA用!!

康康呀康康... "臨門一腳"你竟然唔交俾納爺, 可怒也!(其實會唔會係立爺接祇唔到你o既美妙傅球呢, hehee~)

9/5:　Yeah! 太興奮喇!! 今日我代表我媽咪去o左會展o既Texcare 展覽... 當我入到去o既時候, 見到個個都係生意人同大商賈, 有d重已經傾緊生意同簽合同呢! 當然即刻好有大人feel,(唔係, 我已經係大人, 應該話係生意人feel~) 一路行一路見到有人走埋哩同我介紹, 交換卡片等等... 實在太想長期投入呢個'交際世界'裏呢!

好, 回到現實, 原本我今日o既行程係, 去o左睇展覽先, 之後再去紅磡借書睇. 點知我上錯o左架6C巴士... 當巴士去到左敦駛離彌敦道, 我先知道原來我搭錯車, 幸好6C駛去蕪湖街, 於是我便心想把行程一轉, 先去借書, 後去展覽... 誰知又帶來一次失望, (因為借書店老闆話要16:30+先有, 而家我當時係15:00正!) 最後我亦只好來回紅磡碼頭& 灣仔碼頭兩次...>.<

8/5:　終於下定決心去紅磡借漫畫喇, 點知天意弄人, 竟然我要o既漫畫中就係只欠第一期, 搞到我冇得借返o黎睇, 傷心之餘重有我賠埋車錢, 簡直可以用'氣炸了肺'o黎形容!

好彩, 以上不幸o既'遭遇'我一早就預計o左, 我去之前已經約o左一個同學仔, (縱然借唔到書, 都重可以同同學仔行o下街, 心理上冇咁傷呀嘛, 呵呵~.~) 行行o下俾我發現o左'美國寶'返新o左喎... (Eric, 老牛... 幾時去行返個圈喇?^^)

7/5:　嘩嘩... 唔經唔覺已經睇o左好多日漫畫喇, 而天子4竟然睇到第90期喇! 重有12期就睇完, yeah!! 呢幾日睇o左幾套新漫畫, 其中一套叫<地獄反彈冇回頭>. 記得當時我一見到書名我已經被佢呢個怪名所吸引, 只可惜冇人有呢套書借我睇, 好彩而家有得睇, 亦一次証明我眼光係唔錯呢, 呵呵~~~

6/5:　今日去練oral, 見返中五o既同級同學, 再一次令我諗起'世界真細小'呢句話!

敝喇! 唔記得今日冇新鮮豬供應... 食lunch o既時候我竟然叫o左豬扒/排骨添...(完全忘記o左阿媽提我o既野...)不過講時講, d豬排/排骨又真係幾好味喎... 可能係因為佢唔新鮮o既原因...=P (午餐於又一城food court, 食上海o野)

5/5:　真係失望!! 期待已久, 以為終於可以約返成班人打波, 點知今日一早去到只係得返我一個! o個d 叫'康康'o既o黎o左又唔打波, 呃人架! 大佬又話想訓多陣...搞到我一早起身, 重要用成十幾蚊搭車入去...>.<　好彩阿基冇令我失去(呢個都係我話要去翠屏打o既原因, 因為阿基一定搵到好多朋友出黎玩~~^^)

3/5:　昨晚睇MTV o既時候, 被我睇返一隻叫<熱力接拍Woo Boo Ba>, 好正... 當然, 若以而家2002 o既角度睇呢個MTV, 就已經out晒喇, 不過以佢地當然o既時候睇, 真係唔錯! 記得當然呢隻碟係賣斷市o架! BTW, 呢隻碟, 熱力接拍Woo Boo Ba, 亦係我第一隻買o既碟, 亦都殿定我鍾意'草蜢'呢隊組合, 可惜佢地已經唔再出唱片了...=(

2/5:　昨晚發o左一個好恐怖o既夢, 已經係第一次發呢個夢喇!! 好驚, 真係好驚... 個夢內容如下:
地球到處的污染情況不斷加劇, 有一群"環保者"為拯救地球, 遂扎地球'綠化'... 某日, 當我與友人在街上時, 驚見迎面而來的人的臉, 手, 腳等膚色變成綠色, 心有餘悸時發覺萬呎高空上竟是多了一大塊雲, 細看原來是一大塊從地球分裂出來的大陸, 而綠氣就是從那裏來的, 我想這綠定是從瘋狂的'環保者'那裏製造出來, 使人類'綠化'... 你話呢, 獢枉過正真係好恐怖呢!

1/5:　喂喂, 有冇人發覺冇見到我好耐呢... 唔係因為我要考試喇, coz'已經考完喇, 事實上係我上唔到網喇, 縱然有時上到一陣, 不過好快就disconnected,所以唔好以為我唔覆/唔理大家咁衰,唉... 真係有口難言喇!

哈哈(苦笑中)... 果然係禍不單行!! 我今日發現o左我部pc o個CD-rom 死o左喇... 一訓碟落去就hang 機... 而家只有用住個CD-burner load game喇...T_T

勁正呀! 昨晚同細路玩返SF, 即超任. d舊game真係令人懷念呢! 尤其係呢隻'King of monsters', 呢隻game能夠充分表現出我同我細路o既'手足情'同埋'合作默契', 哈哈...~.~

今日下午又去o左睇漫畫喇, 今次我有進步喇, 比上次睇多o左兩本... hehee~ 不過o係o個到睇書真係唔錯, 加埋店入面有好聽而唔嘈o既歌, 呢個環境氣氛係我最鍾意呢!!

30/4:　考完試當然係去搵工喇... 去o左勞工處, 發現剛剛有政府工抽籤, 實在太好喇!! 填完form 之後去o左旺角, 幾經掙扎之後決定去睇漫畫, 去左間叫<漫畫茶坊>o既地方. 你地可能話我傻, 不過我實在有好多漫畫想睇, 加上第日約人早到也可以上去邊坐邊等, 都唔錯呀!

29/4:　考完試o既感覺真好... 就好似玩緊層層疊咁, 剛剛抽o左一塊積木放在另一高處... 緊張心情後那種成功感真係唔錯呢! 講時講, 真係好想再玩返層層疊, 好懷念上次同小白, CK, 偉哥, Gap德, 康康佢地一齊玩呢...=)

26/4:　今日去o左勞工處搵工, 諗住下晏去見一份tutor o既工喇, 點知去到竟見到好多人都係去見工, 我重見到其中一個CE係 straight A喇... 灰!

　　　下午去o左長沙灣, 發現竟有$1 BM 3rd Mix, 重要係2players呢, 又有$1 KOF2001 真係賤物鬥窮人!

　　　　　　　　　<---back　　我的資料　　簽個大名啦 !